|
اللي يقهرني اللي يقول ان ياسر التويجري موب شحاذ نسينا ماسوينا !!!! نسيتوا وش سوا بشاعر المليون وطلب من الشيخ ابو خالد انه يتكفل بأمور زواجه وش تبون غير هذا ؟؟؟؟؟؟؟؟؟ |
بسم الله الرحمن الرحيم أقول أنا الهلالي الثقفي و بحكم علاقتي بكثير من الشعراء و كوني شاعر لم أظهر للإعلام رغم عملي بالجريدة فترة من الفترات ما يلي : 1 - لما تولى عمر بن عبد العزيز اصطف الشعراء على بابه لكنه رفض دخولهم إلا جرير لأنه كان أتقاهم هذا يدل أن عمر لم يرفض الشعر و إنما رفض الشاعر الذي لم يسخر الشعر بالشكل الصحيح . 2 - طلب العون و المساعدة من الأمير أو الحاكم أو أي شخص تعتمد على حسن المسألة و لطافة التعبير سواء بشعر أو بطرفة أو بمعروض أو بالقوة :d و بما أن حديثنا عن الشعر و الشعراء فقد مدح الرسول صلى الله عليه و سلم و أعطى و ذكر أن رجلا دخل على عمر و قال له : يا عمر الخير جزيت الجنة .. اكس بنياتي و أمهنه و أعطاه عمر رضي الله عنه المشكلة تكمن يا أخوة في الأسلوب و ليس بالشخص فالشاعر الذي قال : ما شئت لا ما شاءت الأقدار .. فاحكم فأنت الواحد القهار أخطأ الطريق و ألحد و قال قولا عظيما كقول الآخر و أظنه علي بن جبلة عندما مدح أبو دلف : أنت الذي تنزل الايام منزلها ... و تنقل الدهر من حالٍ إلى حال و كانت سبب وفاته .. قتله المأمون :upset: ليس انتصاراً للدين و لكن لأن ابو دلف غمره بكرمه . الشاعر بصفة عامة حاله كحال أي مواطن سعودي :d يسعى لتحسين أوضاعه و أنا ما اشوف إنه عيب أو حرام للشواهد السابقة أن يطلب الإنسان المساعدة من الآخرين بقدر حاجته و عدم المبالغة فيها و لكن بشرط الا يكون كلامه فيه قدح في العقيدة و لا ننسى أيضاً أن كثير من الأمراء هم من يسعون لكسب الشعراء و هذه ظاهرة يمكن تكون غايبة عن كثير من الناس و يظهر في لإعلام العكس و الواقع فيه من الفضائح و الأسرار ما يندى له الجبين بالنسبة لأسماء الشعراء التي ذكروها الأعضاء فكل شاعر منهم ذهب إلى ما يريد بأسلوبه فمستقل و مستكثر إلا أني احب أن أوضح أن كثير من الشعراء لديه عزة نفس و شموخ عظيم لا يمكن أن يتنازل عن هذا الطموح أو يبيعه بغرض من الدنيا و أختم ببيت شعر لي :naughty: من قصيدة كتبتها عندما رأيت من الواقع ما رأيت .. ما عاش من يكسر شموخي و أنا حي أموت ما احني للمذلة كياني و شكراً |
استغفر الله واتوب اليه الصراحه كان يعجبني شعره لكن الحين طاح من عيني الله يهديه يالعجمان شوفوا ولدكم وين وصلت المواصيل معه يخسر دينه عشان عماره!!! |
ما أدري ليه ودي أشب الموضوع شوي :d الحقيقة يا فارس ، أنا يعجبني ياسر التويجري لكن مقابلته قبل ثلاث سنوات تقريبا على شاشة روتانا نزلته من عيني وخاصة لما قال ( أنا تضيع علومي لما أشوف أمير ) !!!!!!!!!!!! ومو هو لحاله كثير من الشعراء مثل ياسر وخلف وإبن الذيب لكن أصلحهم اللي ينتقي الكلمات وخلوها تشب :d |
اترك يقولون .. ياولد ابهـا العزيزه ورده.. وش اخبارك ؟ :d بالله ذكرني وش سوى بشاعر المليون ؟ نسيت انا :d ياخي العزيز مع احترامي لك الا انك فاهم غلط وانظممت انت الى قائمة المتعصبين :whacko: ياخي انا بعد البرنامج دخلت اغلب المنتديات وقسم بالله مايذب فيه الا الصغار واللي يكرهون ياسر يدورون عليه اي زله واي خطئيه ويكبرونه :bigeek: لم اجد في المنتديات الشعريه عضو تحت يوزره ( شاعر ) الا قاعد يوضح السالفه ويمدح بياسر كثير وانه مو شحاذه وهذا اكبر دليل :wink: واغلبهم والله لا لاينتمون الى قبيلة الاسر :yes: وياليت ياخوي ماتفسر الامور على اللي تبي الله يهديك :naughty: وحبيت اذكرك ترى سالفة الجنوب واللي اتهمو فيها ياسر صدقني غلط بغلط والله :( انا ماجيت بخوف ولا بكبرياء .. لكن الحق يقال والله ماتهم الجنوب ولا قال فيهم شئ واذا تبي المقطع على الهواء مباشره على لسان الشاعر نفسه بدون ماركة يقولون خبرني وابشر بعزك :). وهذا موضوع طرحته قبل فتره للتوضيح .. حقيقة تهجم الآسر على شعار اهل الجنوب !! ولكم تحياتي وتقديري وحبي وكل شئ ورده. بس اهم شئ الوناسه ولا يحد يزعل . قولوا ارائكم بس بقدر المعقول مو يجي واحد ويتهم الاخر بالشحاذه ولما تقوله وضح يقول مدري :d واحد عسيري من الجنوب قاعد يذب بالشاعر ........ وانه وانه قلت ياخي انت سامعه بلسانك يسبكم ؟ :) قال لا .. سمعت :d قلت الشرهه على اللي يضيع وقته معك :naughty: برايفت مواصل من عام الفيل :d ياحبك للشر :mad: وبعدين ياعبدالله ياغالي يامحبوب قلتلك 200 مره اسمي برهوم اوب فارس :dورده |
إقتباس:
ما بعد الكلام هذا كلام ..!! .................................................................................................... .................. |
طيب يا بريماكس انا ما افسر شيء على هواي مو طلب من الشيخ ابو خالد يساعده بامور الزواج قلي هذي وش تسميها وتحت اي صنف راح تدرج :d زواج +عماره = شحاذه :d |
إقتباس:
زواجي :naughty: شوف ياغالي انا ابكون معك صريح :yes: ياسر قسم بالله انه ذئب وعرف سياسية البرنامج :wink: بس اللي خربه يوم يحب ايد الشيخ محمد بن زايد :rolleyes: ولايحب اليدين الا الوالدين :yes: لكن اعتقد ان الشيخ بمثابة والده :naughty:. بما انه فاقد والده من الصغر( رحمه الله ) . الغريب ان مشاركة ياسر وحلقته بشاعر المليون كانت ذو الحجه من عام 1427 هـ والى اللحين صدى مشاركته بالمنتديات :naughty: ماذا يعني ذلك ؟ :whacko: |
ياخي انا ما انكر انه ذيب ودبر عمره بس عزة النفس :whacko: |
اص ولا اسمع نفس .. لعن الله آبو من يقول المرجله ماهي بسموك ليس الممدوح ولا المادح برجال بل هم ذكور والرجال ما يطلع هو و زوجته الاميرة الاردنيه يتسابقون بلخيل والكاميرات وراهم وبنسبة لياسر التويجري لا يختلف عن المسمى بأبن الذيب كثيراً كل واحد يشحذ من حاكم اماره يا لبى قلب خلف المشعان الي ما يمدح احد وكل امسياته ما ياخذ عليها ريال |
هلا بك عزيزي ورده للأسف قصائد ابن الذيب تشتمل على الكثير من المحظورات التي أخشى أن بعضها يوصل إلى ما هو أبعد من الفسق !! لو ان منت تعيش في كوكب الارض .... ونشوفك تسولف وتضحك معانا اكيد ابغى اقول ياطاهر العرض .... ملك منزّله الولي من سمانا !! في هذه القصيدة الرائعة :d بعد الغلوّ في الممدوح .. وانزاله في منزلة لا يستحقها .. يقول ان الناس مساكين يبون عيالهم يطلعون مثلك .. بس ما قدروا .. الفكرة جميلة .. بس وش قال هو ؟! والعرب في هالزمن تحتاج انارة ... كيف تجويد النسل ويصير جايد !! اتّناكح من غلا ولا دعارة .... وكل ليلة درزن عيالـ ـن ولايد !! الغريب ان الشيخ الشاعر :d يطالع في الاخوياء بعد كل بيت .. وفمّه بينشقّ من عرض الابتسامه .. وكأن المادح أتى بما لم تأتي به الأوائل :razz: الشاعر لاظهار صدقه وولائه لم يكتفي بتعابير الوجه !! بل قال ودّك انه يدعمه عند الاشارة .... ( سكس ويل ) من الموديلات الجدايد وبعد ما استحقر عمره ودعى على نفس و و و .. رجع يقول : واعتبرني اي شي الا الحقارة .... استغفر الله واتوب من المكايد خخخخ .. كيف لشخص يستحقر نفسه أن يطلب من الغير ألا يستحقرونه ؟!! ع العموم هو شيء مب غريب على ابن الذيب .. زيادةً على انه مخترع فنّ الجبر في الشعر الشعبي :razz: فإنه يقع دائما في هذه المحظورات للأسف !! تذكّرت له بيت في قصيدة يمدح بها الشيخ جابر - الله يرحمه - لو ان بعد خاتم جميع الرسالات ... نبيـّ(ـن) منزّل على البشريّة استغفر الله واعبده عشر مرات ... تسعين في الميّة يحطّك نبيّه انته ملك من عند رب السماوات .............. منزّلك ......... !! ضيّعت باقي البيت صراحة :) ع العموم ما يمنع ان الشاعر له قصايد قوّية .. ولو ان الواحد يعاف هالشعر كلّه لا سمع للمتنبّي وابو فراس وغيرهم :) إقتباس:
لو ان الموضوع عن ياسر كان توسّعت فيه .. بس ما ودّي اشطح واجد !! بس فكّونا من العصبيّة تكفون :( إقتباس:
جرح .. هالحديث وش صحّته .. وعلى من ينطبق ؟!! نوّرنا اذا عندك علم الهلالي الثقفي ورده .. مشاركة دسمة :smilie47: |
إقتباس:
|
:smilie47: أكلت الجو يالهلالي الثقفي ..!!:smilie47:.. ع العموم أنتم خرجتو عن الموضوع بقوووة:d..؟! الشاعر محمد بن الذيب الله يسامحه ويغفر له ..:nono:.. والله طاح من عيني <<:d بخصوص ياسر ووو .. اولا وش دخّل ياسر بالموضوع ..:stoned:.. ياسر شاعر جميل وانا كنت اشك بالحاجه اللي تقولونها لكن ..!؟ لايشحذ هو رسالتين .. اخوي أبو فيصل الرحيمي سأل مذيع الامير/السامر شاعر ال سعود الشعراء الذين يتدخلون بالسياسة ووو وقال المذيع وخلف هذال ؟ قال بالفم المليااان: خلف بن هذال هذا غير هذا شاعر وطن .. اللقاء كان ع قناة الصحــراااء برماكس هدي أعصابك الدنيا ماتسوى؟.؟.!!:d |
إقتباس:
يعطيك الف عافيه أخوي على المرور والتعقيب بارك الله فيك |
شكلكم كلكم فاهمين المسأله غلط انا ويا صاحب الموضوع بس في شي واحد يوم انه يقول اميرة المؤمنين , ويوم يقول ينحني راسي محمد بن الذيب شاعر كبير والله انه يعيبني شعره , قوي , ويالنسبة للعماره انتو فاهمين غلط ليش ما تكملون البيت كله كملو وبتعرفون المعنى يوم يقول ياطويل العمر عندك عماره ** لا والله ما بيها اعاره **وانته تعطي ولك عوايد .. ما اعرف آخر البيت لكن يوم بما معنى انه يبى يرقى لفوق العماره ويصرخ انه هو راس المجد والباقي زوايد هاي كل السالفه , وهو غلط بعد , شو يقصد بالباقي زوايد !!!!!!!!!!!! يعني شيوخنا البقية ولا شي !!! والله شيوخنا من صغيرهم لين كبيرهم تاج راسه وبالنسبة لياسر التويجري ( يا بريماكس ) ياسر بعد شاعر ما فيه احسن منه بالنسبة لي انا والله شويه وكنت بموووت يوم اشوف الشيخ محمد بن زايد يحضنه واللي ياسر اعتبره انه ابوه لأنه ابوه متوفي وهو صغير يستاهل ياسر انه حظى بأبو مثل الشيخ بو خالد الله يطول بعمره وبعد فهمتو غلط ياسر ما قال يا بو خالد تعال ادبر امور زواجي وزوجني ياسر قال انا بنسحب من المسابقة عشان ادبر امور زواجي يعني ما قال حق بوخالد تعال عطني فلوس وزوجني وبوخالد هو اللي قايله تعال شارك في البرنامج وبعدين امه موافقتنه وقايلتله شارك وما ترد الا بالبيرق والمليون وانا شفت في احد البرامج بيت ياسر التويجري ( قصر) من فضل الله ومن فضل الشيخ بو خالد كله القصر في الداخل صور الشيخ بو خالد حتى الخيمة اللي بره حاط فيها صورة الشيخ محمد بن زايد هذا ان دل فانه يدل على حب ياسر للشيخ محمد بن زايد وحب محمد بن زايد لياسر والله انه اللي في القلب ابلغ من هالكلام منو ما يتمنى انه يتقرب لبو خالد ّّّ!!!؟؟ وانا اذكر يوم اني صغيره كنت اشوف ياسر التويجري دايما ويا الشيخ محمد بن زايد في مباريات العين خاصه وكلنا كنا نسأل منوه هذا اللي محمد بن زايد ماسك ايده ؟؟!! كنا نستغرب لكن يوم طلع في برنامج دانات عرفنا انه شاعر والشيخ زايد كان يحبه فعشان جيه محمد بن زايد حبه يعني اللي كبراه الشيخ زايد الله يرحمه والشيخ محمد بن زايد وياسر عنده بيت في بوظبي قصر وغيرالسيارات شطحه : ما في شاعر ما مدح شيوخ الامارات :) هذا ان دل فانه يدل على كرمهم وعطاياهم ويسلمو ع الموضوع |
| الوقت المعتمد في المنتدى بتوقيت جرينتش +3.
الوقت الان » 04:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd