"روح الهلال" & "امكانيات اللاعبين" & "جمهور الرياض" & "الادارة"..! بسم الله الرحمن الرحيم
إدارة الهلال :
جمهور الهلال في الرياض :
ذكرى : عندما يُزرع الامل .. تستطيع ان تحيا ميتا..! |
جمهور الهلال في الرياض :
والله أن جمهور الهلال بالرياض يكرس مقولة أن جمهور الهلال جمهور نهائيات !!! شي يقهر |
إقتباس:
قسم بالله من الساعة 4 العصر وحنا بالملعب بررررررررررررررد يقص العظم اهل جدة رطوبة والجو ممتاز واهل الدمام كذلك واهل حايل فديتهم مايشوفون الهلال الا بالسنة مرة يعني اكيد الواحد يذبح نفسه عشان يحضر واهل تبوك من متى جاهم الهلال في تاريخه الا مرة واحدة وكذلك بقية المناطق الهلال لايزورها الا مرة بالسنة لذلك طبيعي ان يحضر الجمهور بكثافة وحنا يالرياض لعن خامسنا البرد وانتم ازعجتونا مقصرين مقصرين وش نسوي نمر على شباب الرياض وناخذهم من المقاهي ماينلامون والله برد برد برد واللي حضر الملعب يعرف البرد ياشيخ وش موقفك لو تجي من 4 العصر وبهالبرد وفريقك يقدم هالمستوى بالله مو قهر واعتقد حضور امس جيد بهالتوقيت وبعدين نصف الحضور طلاب جامعات ومداس ومباريات الهلال 2 في الاسبوع يعني 40 ريال على اللحية ترا مو كل الناس تقدر لاحد يقول الهلال يستاهل في ناس الله اعلم بظروفهم والطلاب لولا المكافآت كان ماحضرو خلاصة الكلام لاحد يقول اهل الرياض اهل الرياض لاعبينا ماهم حضورنا والا غيابنا نجي ولاحتى يكلف نفسه اللاعب ان يرفع يدينه تحية لنا يجون ولنصف الملعب يوقفون شوف لعيبة الاتحاد يرقصون مع جمهورهم رقصات كثيرة بعد كل مباراة حنا اذا انتهت المباراة راحو يركضون للمذيعين |
إقتباس:
اخي نحن لسنا في صدد رمي "التهم" على بعضنا البعض.. المشكلة ليست في الحضور فقط بل حتى في "التشجيع".. اتمنى ان نوجد حل لهذه المشكلة بدلا من اعذار "الطقس" وغيره.. لانه حتى في الاجواء المناسبة لا تجد الحضور مشجع خاصة في المباريات ضد فرق الوسط والقاع.. وكنت اود ان تعلق على جميع النقاط المذكورة في الموضوع وليس هذه النقطة فقط.. يعطيك العافية.. |
إقتباس:
عن الفلاشات اكثر من حبهم للفانيلة في السابق اللاعبين يحرثون الملعب حرث وكم من مرة قهرنا اليابانيين والكوارية والصينيين في ارضهم وبين جمهورهم والآن تغير الحال القادسية متذيل الترتيب يتعادل مع الهلال ياكبرها _____________________________________________ |
إقتباس:
بالنسبة للتشجيع جميع الفرق العالمية يحضر جمهورها بدون تشجيع فقط حضور ومؤازرة ويقدر لهم هذا فأنا لست بحفلة لكي اغني طوال المباراة واصيح انا اريد ان افوز واستمتع ظاهرة الرابطة لاتوجد الا هنا فقط وهي سلبية وانا اختلف في كثير من امورها . والاخوان في الرابطة مو مقصرين ويعطيهم العافية على الجهد ,, بقية النقاط لاتحتاج الى نقاش فكلنا نتفق معها ولست من اهل ردود الشكر والثناء ان لم يكن الموضوع فيه وجهات نظر اختلف معها لاأرد الا نادرا .. تحياتي |
إقتباس:
هناك فرق بين "ابداء" ملاحظة .. ورمي "تهمة".. فجمهور الهلال بالفعل يلاحظ عليه انه "مقصر" في الحضور والتشجيع.. بالنسبة للمقارنات لا احبذها وياحبذا لو نتقيد بواقعنا فهذا افضل بدلا من النظر الي الجماهير الاخرى.. بالنسبة للرابطة فهي تحتاج الي عمل كبير من جوانب كثيرة.. ختاما اتمنى ان لا ننزه انفسنا فإن كان هناك سلبيات علينا المصارحة بها دون "حياء" في سبيل رفعة الهلال وتقدمه.. |
بما انك ختمتها فهذا يعني انك تريد اقفال النقاش وانت حر في هذا ختاما مني الجمهور فاقد لكثير من الأمور ويطول الشرح عنها واولها واهمها هو عدم اكتراث اللاعبين بالحضور ,, استمتعت معك يالغالي |
إقتباس:
استغرب أخي "حمد" كيف تفسر الامور بهذه الطريقة فأنا اقصد بختاما الرد وليس النقاش..:naughty: ولو رأيت ترتيب النقاط في الموضوع لأكتشفت باني جعلت الجمهور آخر نقطة لأني اعلم بان جمهور الهلال يقدم الكثير لفريقه مع ان هناك بعض التقصير.. وحقٌ علينا ان نشير الي هذا التقصير تماما كما ننتقد الجوانب الاخرى في الهلال من ادارة ولاعبين ومدرب.. |
بسم الله الرحمن الرحيم سوف اعلق على مساله الجمهور صحيح يوجد تقصير لكن لا نهضم حق جمهور الرياض اولا- ستاد الملك فهد كبير يعني لو يجي ربع الجمهور يغطي ملعب جدة والشرقيه كامل وبعدين الرياض 4 اضعاف مساحة جدة يعني عشان اروح الاستاد 50 كيلو اقل شيء ولا كل الناس عندها استطاعه مادية وحتى سيارة توصله ومعروف ان الرياض مدينه عمليه عائلية توقيت المباريات خطأ تحط مباراة يوم الجمعه ومشوار ساعه ورجعه ساعتين عشان الزحمة والسبت عمل ومدارس ثانيا- ملعب الامير فيصل مالهم عذر البعد لاكن الملعب مكشوف (برد) + اوقات المباريات لا التمس العذر لهم ولكن هذة الحقيقه بالنسبه لتشجيع - لاعبين الزعيم يتفاعلون مع تشجيع جمهور الرياض لانه مايغني بس يهز الملعب بالزلزال والموج وكلمة ((ياهلال)) تكفيك.. وأسألو اللاعبين واحد يغني لك وانت مركز والا يتفاعل معاك ويحفزك شطحة.. (( مرة كانت فيه هجمه للاعب هلالي وكل الجمهور صاح يقول شوت على طول شات بس طلعت برى ماتوفق نسيت والله المباراة وكان عمر الغامدي على ما اظن)) آسف للأطاله تقبلوا مروري |
إقتباس:
هناك سلبيات بإمكاننا ان نوجد لها حلا ولكن بهدوء وعقلانية.. |
جمهور الرياض فيه سلبيه غير قلة الحضور جمهور الرياض يضغط على اللاعبين ضغط رهيب واللي جالس في الواجهه أمس يعرف وش أقصد للتذكير فقط : الهلال خسر 12 نقطه في الدوري من خمس مباريات جميعها في الرياض |
إقتباس:
ياخي بالله عليك انت معجبك حضور جمهور الرياض حتى لوك من الرياض ياخي نكون واقعيين حضور جمهور الرياض في الـ 3 سنين الاخيره اي كلام وبعدين لو ننتقد حضورهم فهو لمصلحة الهلال مو نقعد ندور لهم الاعذار انت كذا مثل اللي يقول لاتحضرون عندكم عذر بدال ما تقول اقضوا على اعذاركم لعيون الهلال |
أن سوف أعلق على نقطة الجمهور * أنا لا أبخس جمهور الرياض حقه فهو من ملئ إستاد الملك فهد مرات و مرات لكن في الفترة الأخيرة لا نجد الحماس من قبلهم فمثلا أنا أحضر مباريات الهلال بالشرقية و صراحة جمهور رائع جدا و يتفاعل في معظم أوقات المباراة ( حتى بين شوطي المبارة ) و في النهاية كلنا كجماهير الهلال في الرياض أو الشرقية أو الغربية أو في الشمال أو في الجنوب نختلف في بعض النقاط لكن نتفق على حب الهلال |
إقتباس:
اتمنى الا نعمم.. هناك لاعبون تجد روح الهلال حاضرة معهم في كل مباراة حتى لو كانت ودية.. اتمنى ان يقتدي بهم هؤلاء البعض والا فالهلال ليس بحاجة الي اجساد بلا روح.. |
الوقت المعتمد في المنتدى بتوقيت جرينتش +3.
الوقت الان » 04:52 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd