فرق ( غير الفروقات ) بين الفـوز والخـسارة !! - نادي الهلال السعودي - شبكة الزعيم

الملك"توتي" · #1 23/02/2008, 04:07 AM

بسم الله الرحمن الرحيم

سلام شباب وهاردلكم .. وهاردلي التلفزيون والريمووت

انا متأكد ان الكل مولّع وانا اولكم والحمدلله ان الإداره مقفلة ( موضوع جديد ) والا كان طلع شي

بس والله خطوة حكيمه من ادارة المنتدى

طبعا انا من المؤيدين بأن هالوقت ماهو وقت انتقاد ولا تحطيم

لكن انا برد على من يطالب بإقالة كوزمين في هذا الوقت

تدرون وش الفرق بين الفوز والخسارة ؟؟

اذا فزنا :

فديت التااايب ، فديت ياااسر ،
الله ياخذ المدرب والله لو ما ياسر والتايب ما كان فزنا مع هالمدرب الفاشل

واذا خسرنا :
اقيلوا هالمدرب الفاشل فكونا منه ، ولا كأن هناك ادوات في الملعب

طيب لو نتكلم بعقلانية !!
اول شي .. لو اقلنا كوزمين .. خلاص بناخذ الدوري ؟؟

احنا نعرف كم مدرب اقلناه من الموسم اللي فات ولا في فايده

صدقوني هناك هبوط حاد في مستوى كل اللاعبين ومو من الموسم ذا لاااا من الموسم اللي فات .. من آخر ايام بوسيرو ..

تذكروا العام الماضي لعبنا ضد الاربعة الكبار ورا بعض .. وفزنا عليهم كلهم .. وبعدين بدا الانخفاض في المستوى .. ناهيك عن الست بطولات اللي حققناها قبل السنة الماضية

صدقوني .. تفاريس مو تفاريس ..المرشدي مو المرشدي .. عمر الغامدي مو عمر .. الشلهوب مو الشلهوب .. عزيز مو عزيز .. حتى الدعيع مو دعيع العام الماضي .. وحتى ياسر .. صحيح انه مبدع هالايام .. بس ياسر ننتظر منه اكثر لأننا نعرفه ونعرف امكانياته !!

والضغط له دور كبير اكيد

ثاني شي الاصابات اثرت في مباراة اليوم .. وعلى فكرة البعض الي يعتقد بأن التاثير عناصريا فقط ؟؟

لا لا .. لا تنسون الانسجام .. والطريقة .. اكيد راح يأثر بشكل كبير .. لاعبين اول مرة يلعبون مع بعض

والمدرب مضطر مو بكيفه .. لا تنسون ان مباراتنا مع الشباب مصيرية في كاس ولي العهد ؟؟

وانا ملاحظ كثير ان الجمهور فاتت عليه ان مباراتنا مع الشباب قريبة وصعبة المدرب يلعب التايب وياسر .. شلون لو انصابوا ؟؟ وغابوا بقية الموسم مثل الزوري والصويلح ؟؟ وش بنسوي ؟؟

وبعدين اتمنى اننا نركز على فردية بعض اللاعبين ؟؟ قبل المدرب !!

اتمنى نركز على مستوى اللاعبين اللي اعطاهم المدرب فرصة والمفروض يثبتون نفسهم ويعرفون انهم يلبسون شعار الهلال وتحصلهم حتى الكنترول صعب عليهم ؟؟

واتمنى نضع في الاعتبار كثرة المسابقات والضغط ..

اخيرا ســؤال : وش جابت لنا الإقـالات ؟؟

ملاحظة : اش قصة الهلال في الرياض ؟؟

( وجهـة نظر ) عشان لاحد يضارب