|
عنصرية :: يا جيزاني يا حوطي يا قصمنجي يا 07 يا تكروني .. فقر في دولة اللا فقر .. وقهر في دولة اللا قهر .. ليست دولة وإنما بالمتعارف دولة .. وإنما هي مملكه .. هي بلاد الحرمين .. هي بلاد العطاء .. هي بلاد النماء .. هي بلاد الإخوة .. لا عنصرية .. ولا تهكيمة .. ولا تلاعب .. ولا مناصب !! للأسف نقولها لا وأيضاً لا .. ولكن أمام الجميع .. ولكن بين الجميع .. ففي بلاد الحرمين : الفقر والقهر والعنصرية والتلاعب وإستغلال المناصب .. بتهكمية .. بفوقية .. سمها ما شئت وأطلق عليها ما رغبت .. بينما يسير الإنسان السعودي ويقابل سعودي آخر .. ولكن هذا من الرياض أو القصيم .. وهذا جيزاني .. أو حجازي .. يقول القصيمي .. أنا سعودي يا جيزاني !! ويقول الأبيض أنا سعودي يا تكروني !! ويقول الرياضي أنا سعودي يا طرش البحر ؟؟ ألم أقل لكم أنه القهر .. أنه عقلاً الفقر !! نحن سعوديين وجميعنا سعوديين .. عندما تكون في معاملة حكومية أو تتنتظر مساعدة من أحد .. فالقصيمي يفزع للقصيمي !! والحجازي يفزع للحجازي !! والجيزاني يفزع للحجازي !! والبدوي يفزع للبدوي !! والحضري يفزع للحضري !! للأسف العنصرية أطلقت على من يفرق بين الأبيض والأسود أو الأسود والأبيض .. أما في مملكتنا فالعنصرية بين الحجازي والنجدي .. أهل نجد بحزب .. وأهل الحجاز بحزب !! أهل الشمال بالضد مع أهل الجنوب .. وأهل الشرق معزولين !! لماذا ؟؟ للأسف لا إجابة .. هل هو تمييز .. هل هي عنصرية .. لا أنسى بالطبع العنصرية الكبيرى بين أهل البادية وأهل المدينة .. أبعد عنه هذا بدوي !! أبعد عنه هذا حضري !! عادات سادت ولم تبد !! تقاليد يتم تربية أبناؤنا عليها !! بالأحرى تقاليد تم تربيتنا عليها !! أفتح الجوال .. وأذهب إلى صندوق الوارد من الرسائل .. وأبحث عن نكته ستجد بالطبع .. حوطي يقول : زهراني يقول : جيزاني يقول : لم أسمع قصمنجي يقول : ولم أسمع نجدي يقول : لأنني من أهلها ولكن أبصم بالعشرة أنها موجودة في مناطق أخرى .. أصبحنا وكأننا في دول أخرى !! عبارة الــ 07 أشتهرت وللأسف هي العنصرية بمفهوم الأرقام !! يا قصمنجي .. مفهومها بالرياض غييير .. ومفهومها بجده غييير .. كذلك يا جيزاني ويا حجازي ويا شرقاوي .. للأسف فنحن شعب إن قامت الحرب الأهلية بينهم فصدقوني ستكون طامة كبرى بحق بلاد الحرمين .. للأسف لا يوجد رابط يجمعهم .. الرابط الديني جمع الجميع .. ولكن أين الرابط الوطني .. يا سعوديين نحن سعوديين .. كلنا من أبناء الوطن .. أجتمعنا على حبه ونقف معه في صفه .. فأين الترابط بين بين أبناء المدن .. ثمّة أمر خطير تبادر إلى الذهن .. عندما يشاهد أحد أبناء نجد ولا أعمم هنا بالعموم بل البعض أحداً من أهل الشرق قال :: هذا شيعي !! أهل الشرق فيهم من السنة من نتفاخر بهم .. وأبناء الشيعة الرافضة هم من يجب أن نقف ضدهم فهم ليسوا من أبناء الحرمين بل رافضة حقدة .. لا أريد أن أطيل في هذا الأمر لأن إعطائهم أكبر من الحجم هم ما يريدونه لأنهم فاقدوه .. المغزى من الموضوع واضح للبيان ... متى ننسى العنصرية المستحية في بلادنا .. ونكون سعوديين خالصيين .. سؤال أتمنى الإجابة عليه ؟؟ أخيراً معكم متعب : قصمنجي من أصدقاؤه الجيزاني والحجازي والجنوبي والزلفاوي والشرقاوي والشمالي والحضري والبدوي والتكروني .. ولو كان هناك أناس في الربع الخالي لأفتخرت بمصادقتهم كما أفتخر بغيرهم . |
والله هذا اللي اشوفه سواء في رسائل الجوال او في المدرسه لا حول ولا قوه الا بالله ومشكووور اخوي موضوع جميل وكلمات اجمل |
موضوع جميل ويعطيك العافيــــــــــــــــــــــــــــــــــــــــــــة والعنصرية شر لا بد منه |
وراك ناسي 01 خخخخخخخخخخخخخخخ امزح عندك غلط في الموضوع إقتباس:
اعذرني على التدقيق :d |
وشبهم القصمان :d والله يالغالي العنصرية اصبحت فايروس يتنقل من مجال الى مجال دخلت في الرياضة فأفسدتها والان دخلت في المناطق وافسدة ما بينهم والله ثم والله الخوف غدا عندما يأتي احدى اعضاء المنتدى الرياضة العالمية ويقوم بسب المجلساوين :d |
للأسف هذا هو الواقع اللي يصير الغريب إني أسمع بعض الناس يقول : لا تصادق أحد من المنطقة الفلانية ترى كلهم ما بهم خير !! وكأنه معاشر كل أهل المنطقة وعارفهم واحد واحد:bigeek: المعاملة الحسنة بتجبر أي شخص على تقديرك وإحترامك من أي منطقة كان:yes: مشكلتنا إن الواحد يغلط ويستنقص من غيره ويبي الناس يصيرون طيبين معه:surprised: والبعض يواجه شخص سيء من منطقة معينة وبعدها يعمم الشر على كل المنطقة لمجرد تصرف شخص واحد الصالح والطالح موجودين بكل منطقة وبكل دولة:) |
مشكلتنا إننا ننظر لعيوب الأشخاص في المناطق الآخر وننسى عيوبنا . موضوعكـ رائـــعـ كروعتكـ ورعة الصورهـ اللّي في توقيعكـ http://smilies.sofrayt.com/^/aiw/biggrin.gif ودي يسبق ردي |
الله يرحمنا برحمته بس .. مشكور عل الطرح الموفق والرائـع .. |
العنصرية عندنا بكل مدينه وبكل قرية وبكل متر مربع الكل عنصري ضد الكل الا مارحم ربي!! لاثقافة دينية نمسك بها ولا خلق انساني نتبادله! في عصر القرية الواحده وفي بلد الحرمين تنتشر العنصريه! |
السلام عليكم لا أملك إضافة .. هذي حالٌ شعبية .. منذ الصغر .. ينشئ الفتى على كونه أفضل من غيره .. وهو المتفرد بأبهات الرجولة .. هنـا مشكلة التربية .. وإن أردنـا حصد المشاكل لن يفينا الوقت !! شكرا مولع .. {النمر15} |
للاسف هذه المشكله مثل الفايروس في جسد مجتمعنا وللاسف صايرة مثل السوس بتنخر في بلدنا لكن ماهو الحل اعتقد نحتاج الى وقت كثير والى مجهود كبير حتى نزيل العنصريه من مجتمعنا اشكرك اخي الكريم على اختيارك لهذا الموضوع واختيارك كان موفق ويعطيك الف الف عافيه. |
:d احمد ربك يا مولع بالهلال ترى قصمان نفزع لبعض :d صراحه العنصرية اول شئ تكون مزح بين الاصدقاء لو ناخذها بالقبايل انت عنزي انت :dتميمي:d بعدين يطلع هذا الشخص على نطاق اوسع فتتكون الشحناء و البغض حتى الكراهيه بس يا رجال خله على ربك وش تقول و العصبية مذمومة من زمان حتى الرسول صلى الله عليه و سلم قال دعوها فانها منتنه |
. باك متعب .. معليش تاخرت كثير ما عدلت ردي :) .. بالعكس اخوي متعب .. انا اخالفك في بعض الاشياء .. لكن ملاحظه بسيطه .. انا و اخوي على ولد عمي .. وانا وولد عمي على الغريب .. هذه معلومه قبل ما ابداء في الرد .. اعني اننا وقت اشدائد و الازمات .. واحد .. و وقت الشدائد رجال .. وكلنا باذن الله ندافع عن تراب الوطن بارواحنا .. اما سالفه العنصريه .. فـ انا واتكلم عن نفسي .. اجدها فيني .. وبالعكس افتخر فيها .. فـ انا ما اشوف ان ............ ولا ايضا و اهل .................... عموما .. ممن يتستحقون اني انظر لهم .. ففيهم من الحقد و النجاسه و الخبث مالا يعلمه الا الله .. خلني اوقف هنا وماله داعي اكمل و اكمل الفرغات بما تراه مناسب :D ! فـ الله خلق وفرق .. ووجد الـقبيلي و الغير قبيلي . وايضاً .. ميز بين القبائل .. وبعض الاحيان يا متعب .. يجيك واحد .. ويجلس يهايط .. و انه وانه .. و طقعه ونص .. فمكره اخاك لا بطل .. تعله قدره وانه ............ لا راح ولا جاء .. انك فلان بن فلان آل فلان .. عشان يربط ويعرف مع من يتكلم .. وكيف يتكلم .. و اذا الرجال يتحاشى على نفسه من المنقود .. ................ يخلي عنه طاري ناس ما يقدر يجاريها .. يمكن الي اقوله ما يعجب البعض .. لكن انا مقتنع فيه تماما .. ويمكن يكون هذا غرور او تعالي .. فكيفكم .. شوفوا الي تشوفونه .. ملاحظه .. انا حطيت نقاط .. تحاشيا للاشخاص و المناطق المقصوده .. ولا اقدر انزل نفسي واكلمهم .. عذرا الراي العام .. فهذا منطقي .. :smilie47: . |
الســــــــلآم عليـــــكم للأسـف العنصرية موجوده عندنـآ بـ كثـره .. حتىآ .. ( شيـآبنـآ ) هم من يعلمنـآ .. لا تمشي مع *** ترى مالهم امـآن ..آلـخ ولكـن .. مثل هذي الامــور .. مالهـآ حـل .. للأسف يعني مع ان .. كلنـآ سعـوديين . مسلميـن .. ومن بلاد منبـع الاســلآم وهنـآ الطـآمه للاسف اخــوي .. مـولع بـ الهــلآل .. موضوع رآئــع تسلم يمنــآك وعسـآك على قـوه ان شاء الله |
نبذ جميع انواع العنصريه والتفرقة ... المشكله حتى عندنا بالقصيم فيه عنصريه بين مدينة عنيزه .. وبريدة ..؟؟ والحجاز عنصرية بين الطايف ومكة .. يعني عندنا استعداد للكرة والتعصب .. حتى العنصرية بالمذاهب غير مرغوبة .. عموما العنصرية بجميع اشكالها وألوانها مالها سنع .. تعصب الجنس ( ذكر واثى ) والمكان ( حضري وبدوي ) والمنطقة ( قصيمي وحجازي ) والمذهب ( سني وشيعي ) ومنها تعصبات الأندية ( هلالي نصراوي ) اقصد بالكلام الإستهتار عندما يصل حد التهجم والغلط والتجريح والدولة ( سعودي وكويتي ) ======== لكن فعلا كم مرة فكرة فيها ( لو لاسمح الله يصير عندنا فتنه أول حرب أهليه اتوقع كل اثنين بيذبحون بعض ..؟ أكثر مجموعه ماتصمل على 10 افراد .. وإن اجتمعوا بصفه أكيد تلقى بينهم شي مختلف ؟؟ في المر تبة الأولي كلنا مسلمين .............. والثانيه سعوديين .. الإنتماء للدين أولاً .. والوطن ثانياً وخلو عنكم ( الخمبدزه ):upset: متعب قريت موضوعي ؟:naughty: يعطيك العافيه اخوي متعب .. وهالموضوع متعوب عليه .. تقبل مروري .. اخوك الصغير ابو طلال |
| الوقت المعتمد في المنتدى بتوقيت جرينتش +3.
الوقت الان » 04:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd