بـــــسم الله الرحمن الرحـــيم


الـسـلام عليكم ورحمة الله وبركاته

اصبحكم/امسيكم بكل خير ...ورده

بدون مقدمات راح ادخل بالموضوع ..


قبل فتره اصدر القرار الغريب العجيب بالزياده 5 % وقوبل هذا القرار باستغراب واستياء شعبي كبير ..فقد ظهر ذلك واضح على الصحف والمنتديات ومن ضمنها مجلسنا التحيف راينا مقالات منتقده واخرى ساخره من القرار..

في الجهة الاخرى هذي الايام نعيش واقع برنامج شاعر المليون والبرنامج الاخر ستار اكاديمي والكل يرى الدعم الشعبي والقبلي خاصة برنامج شاعر المليون فنرى التميمي يصوت للتميمي والعتيبي يصوت لابن قبيلته والقحطاني والمطيري وجميع القبايل تقوم بنفس العمل دون النظر لمستوى شاعر القبيله وكفاءته
وقبل هذي البرامج اتت موضة مزايين الابل وراينا مقدار المبالغ الجنونيه التي تصرف على امور تافهه..

نحن الان امام امرين متناقضين ..
اناس تكتب وتشتكي وكأنها في فقر ومجاعه ...ولكن الذي نراه ان هناك مبالغ ومصروفات لامور تافهه ...لفت انتباهي رد سابق لاخي جرح يشكي عن احدى القبايل ودعمها لشاعر القبيله

إقتباس كنت في نقاش اليوم مع زميلي في العمل " من نفس قبيلة احد المشاركين في الحلقة السابقه " ويقول لي بـ الحرف الواحد : ][ ان في منطقتهم اقيمت مخيمات ضخمه جداً لـ دعم ابن قبيلتهم ..!! ، ويقول لي انه دخل احدى المخيمات وحصل " بطاقات سوا " من كثر عددها كانها سياره واقفه في وسط المجلس ، ما تشوف اللي خلفها .. كل واحد يدخل وياخذ من البطاقات ويصوت ..!! ][

صراحه شعب محير ...
اناس عليهم حد القصاص وليس امامهم الا دفع الديه لا ترى الا القليل في حين نرى الابل تباع بملاييييييييين ..من متى الحيوان اغلى الانسان ؟؟؟؟؟
انا لم اكتب دفاع عن القرار ..فكم كنت اتمنى انه لم يصدر هذا القرار لانه لن ينفع سوى شريحه واحد ..ولكن ارى الناس تحتج وتصرخ من الحاجه ولكن واقعهم مختلف الا فئه معروفه ونعلم اماكنهم ...واتمنى ان ربي يفرج عليهم ويرزقهم فهم في فقر وحاجه من قبل سقوط سوق الاسهم ومن قبل ارتفاع الاسعار ومن راى برنامج صاحب القضيه راح يعلم من اقصد..

لا اعلم هل الزياده اصبحت موضه ام ان الناس محتاجين حقا؟؟؟
لكن اتمنى ان يكون الشعب في حال افضل ..واتمنى ان يبتعدوا عن صرف اموالهم في الامور التافهه وعدم الاسراف وان يحمدوا الله على نعمه


اتمنى من ابونا ابو متعب قبل ان يصدر زياده لنا ان يرى حال اخواننا العايشين في المناطق النائيه التي لا تتوفر فيها اهم مقومات الحياه ..


قفله
ااااااااااااهـ يا زمن شخص يصلي للجمعه وهو لابس (بوكسر)
بوكسر:موضه كاختها طيحني ولكن الفرق ان السروال الداخلي يكون بارز من اعلى الجنز ..


في الاخير يبقى جميع ما كتبته وجهة نظر ...






سلاااااااااااااااااااااااااام

إقتباس قبل فتره اصدر القرار الغريب العجيب بالزياده 5 % وقوبل هذا القرار باستغراب واستياء شعبي كبير ..فقد ظهر ذلك واضح على الصحف والمنتديات ومن ضمنها مجلسنا التحيف راينا مقالات منتقده واخرى ساخره من القرار..

ابو ناصر ورده

افعالنا تناقض اقوالنا ، الله يعين بس

لي عودهـ في رد موسع لـ موضوع مهم وفي وقته ورده

الله يستر بس
قول هاذولي رجال
أما تعال المدارس وشوف
تحتار من الكلام اللي ينقال
اللي يصوت عشان القبيلة واللي عشان جمال الشاعر اللي ........إلخ
يعني والله أنا كنت أحب البرنامج لكن بعد هاذي المبالغة
صرت ما أطيق أحط عليه
تقبل مروري
بني حارث

هناك من يحتاج و هناك من لا يحتاج هذه الزيادة !!


الإسراف بالأمور التافهة لابد من الالتفات إليه من قبل مشائخنا الكرام و أئئمة و خطباء المسجد الحرام لكي يعوا الناس مما هم فيه !!


أما عن القفلة : يا رجل عادي أنت في 2008

يعطيك العافية على موضوعك التحيف !!

وعليكم السلام ورحمة الله وبركاته
هلا بك اخوي أبوناصر موضوع رائع

تسجييل إعجاب بالموضوع وبصاحبه ولي عودة موسعه للموضوع .

وبكل بساطه راح اقولك نحن شعب فسقان مع الأسف
ولي عوودة إن شاء الله أبوناصر أخو قلبي

أنا وياك ...

ناس تتذمر ع الزياده ...

وناس يالسه اتصوت ع البرامج ...
او الاغاني ...

صراحه كلها ماله داعي ...

حتى برنامج شاعر المليون لا اتصوت اذا مستخسر خمس دراهم ... خلهن في جيبك ... لأنك بتستفيد منهن لليوم الاسود ... الله يبعدنا عن اليوم الاسود ان شاء الله ويبعد القارين ...

ايلس تابع بس ... >>>>>>شراتي يعني ...

والله والله لو اخويه كان مشارك ... والله ما اصوت له ...

والله مب بخل ... لكن ... لأشياء ثانيه ...والحمدلله الخير وايد

................

الحين ناصر الفراعنه ... معروف انه بياخذ المليون والبيرق ... ف ليش الناس اتعب عمرها واتصوت ...؟؟؟!!! ما اعرف >>>>حتى اخواني فاضين قامو يصوتون لناصر
بس ناصر يستاهل
::

::

بالنسبه للبنطلون اللي اتقول عنه ...

صدقك صارت موضه ...

بس الحمدلله انه ... نحن ما يلبسون الا في البر عشان الدراجات ... ما يقدرون يلعبون بكندورة

واصلا ما يليق ع الاماراتيين يلبسون بناطلين وقمصان ...
اذا حد من اخواني لبس ... اقوله شكلك غلط ... وجنك مصري مستوي

وعلى طول يسيرون يبدلون

::

::

والحمدلله على كل حال ...
وشكرا لك ع الموضوع الرائع اللي خليتنا اناقش فيه موضوعين حساسين ...

للأمام دائما
دلووووووووووووووعة الامارات
ورده

كلامك فالصميم اخوي

ناس بتاكل كل حاجه وناس عاوزه اي حاجه

للأسف وصلنا لحال يرثى له

والله يستر من الي جاي

5

إقتباس نحن الان امام امرين متناقضين .. اناس تكتب وتشتكي وكأنها في فقر ومجاعه ...ولكن الذي نراه ان هناك مبالغ ومصروفات لامور تافهه

أوافقك تماماً

قمة التناقض ..ولنترك أمر الزيادة جانباً
أصبح التذمر والتباكي عادة عندنا

كل الشكر لك أخوي ابو ناصر
دمت على طاعة الله ,,

بعد التحية ,,

إقتباس صراحه شعب محير ... اناس عليهم حد القصاص وليس امامهم الا دفع الديه لا ترى الا القليل في حين نرى الابل تباع بملاييييييييين ..من متى الحيوان اغلى الانسان ؟؟؟؟؟

من أشد الأمور التي أثارت إستغرابي الحشد الرهيب من القبائل لتكليف الناس فوق

طاقتهم في وقت نحن في أمس الحاجة إلى التوفير وأعتقد أن الدخول في مبدأ المنافسة بين

القبائل فتح الباب على مصراعيه لمزيد من الإسراف والتبذير في الوقت الذي تعالت فيه

الأصوات المندده بزيادة الأسعار وإرتفاع مستوى المعيشه في مشهد حافل بالتناقضات ,,

أبو ناصر ,,

أشكرك على طرح هذه القضية ,,

تقبل مني أطيب التحايا وأصدقها ,,

وعليكم السلاام وعليكم ورحمه الله وبركاااااااااته

هلا اخووي ابونااااصرررر

ايه والله هذا الحال عندنا
ناس تبي تاكل وناس منشغله بشراء بطاقاات التصويت وغيرها
ولكن نسلط الضوء على مدى حاجه االاغلبيه
المسرفين بيجي يوووم يعرفووون ان هالخرابيط مانفعتهم واكيد مطالبتهم بالزياده مو من حاجه ولكن رغبه بالرفاهيه اكثررر الى مدري الى اي حد بتوصل
ولكن نقوول فلوسهم وهم حرين فيهاااا
والتصويت وهالمزايين والله ماهي الا دلاله على نقص العقوول والفراغ الي يعيشونه الشعب
لو احد قال لهم تصدق لهالفقراااء استكثرر 100 ريال وهو يدفع ملايين على ابل


اللهم امين اسال الله ان يرزق اخواننا المحتاجين
والله قصص تضيق الصدرر خصوصا من حديثي الزووواج

وحال الشباب بالمساجد مانقول الله الله يصلح الحال بس كل شي في تراجع حتى العقووول
بالمقابل بنااااااات رايحه للمسجد بكامل زينتهاااا وعطرها (وهي بتمر من رجال )
والا بريحه البصل



ابوناصر
اطلاله جميله منكـ
لاعدمنـا حضورك

ود يليق بك

هناك أناس يموتون جوعا وهناك أناس يموتون تخمة !!

مال المبذر لايصل إلى الفقير !!

فمايبذله المبذر يذهب في سبيله بل في سبيل الشيطان ,, والجائع ( وما أكثرهم ) قليل منهم من يمد يده للناس وكثيرون لايسألون الناس إلحافا ,,

رأينا بأعيننا وسمعنا بأذاننا مايجعل السعيد حزين حياته كلها !!

ومع ذلك سبحان الله نعيش حياة متناقضة ,,

نرى هؤلاء وهؤلاء !!

ربما يكون هناك شقيقان أوجاران أو قريبان ,,

أحدهما يهان والآخر بطران !!