^^^^...ياشلهوب انت فاشل...^^^ - صفحة رقم 3 - نادي الهلال السعودي - شبكة الزعيم

action_140 · #31 22/02/2008, 12:25 AM

إقتباس

الرسالة الأصلية كتبت بواسطة الهلال465


	ليش تكتب عنوان غير الموضوع تبي عشان كل الجمهور يدخل بس تبي تشتهر وماتدري وش تسوي رح نم ترا بعد بكره مدرسه يا بزر

تصدق انك دلخ

العنوان هو تفكير كوزمين اللي كتبته بالموضوع
يا خوي كم مره قلتلك اقرا الموضوع اول بعدين هايط على راحتك
شف عندي لك دكتور بشهار ممتاز كان يتعالج عنده الهريفي (ينفعلك جدا)

action_140 · #32 22/02/2008, 12:33 AM

إقتباس

الرسالة الأصلية كتبت بواسطة أبوصالح الهلالي


	يعطيك العافية أخوي ....,,, وأنا لا أنكر ما فعله وقدمه الشلهوب في السنين الماضية من تألق وإبداع وحب للفريق ..,, لكن !!! في ظل تراجع وانخفاض مستوى اللاعب محمد الشلهوب (( الملاحظ عليه في الفترة الأخيرة )) وهذه الفترة بلا شك تمر بجميع اللاعبين وليس الشلهوب فقط لكن مسألة ان اللاعب يدخل في التشكيلة الأساسية في ظل تراجع مستواه وهنالك مواهب لها مستقبل كبير في كرة القدم مثل ( فهد المبارك و وسعد الذياب )) فهذه في اعتقادي فكرة مرفوضة عند الجميع ...,, وإدارة النادي غير ملامة في وجود الشلهوب على دكة الاحتياط فأي لاعب سواء كان كبيرا أم صغيرا ..,,, نعم نحترمه ونقدر له ما قدمه لكن أنا أرفض فكرة من يقول أن يدخل اللاعب في آخر خمس دقائق من اللقاء (( للتكريم )) فالفريق يكون في حاجة الفوز في اللقاء ...,,, ويظل الشلهوب لاعبا كبيرا ولا يختلف على ذلك اثنان..,,

اخوي لو اللي يلعب بدال الشلهوب الفريدي او الكلثم ولا الدوسري ماقلت شي بس ان يلعب بداله الخثران (مع حبي الكبير له) لأ لأن الخثران تأقلم مع مركز الظهير وصعبه يرجعونه وسط مره ثانيه بعدين سنه كبير
شاكر مرورك يالغالي

هلالى طرابلسى · #33 22/02/2008, 12:56 AM

مشكور اخى على الموضوع الى نابع من حرصك على الهلال وتقديراً للاعب الكبير محمد الشلهوب

اعتقد والله الاعلم....ان المدرب له وجهة نظر كالاتى:

الفرق المنافسة تركز بشكل متزايد على مراقبة التائب....والشلهوب هوا الحل لهذه المعضلة

ولكن...عندما تلعب ضد فريق سريع.....تبقى المعضلة اخطر بتواجد 2 لاعبين صنع لايجيدوا الدور الدفاعى

ولهذا يبداء المدرب بلاعب واحد...وحالياُ التائب....ليقوى الارتكاز......ويزج بليلو مع ياسر كلاعب متنقل بين الاطراف بحرية لكى يفاجاء الخصم ويربكه من تمريرات طويلة وفوق التائب المراقب موجهة لليلو من لاعبى الارتكاز او الدفاع .... وهنا نرى انه ايضاُ يضحى بالكورات الى التائب حتى تأخد المبارة حيز اخر وتغلق الخطوط الهلالية الدفاعية.....ثم من بعدها يدخل الشلهوب لتغيير الخطة الى هجومية بحثة على حساب الخثران او لاعب ارتكاز اخر

واتوقع ان المدرب حريص وليس تقليلاُ منه من قدرات الشلهوب

والله اعلم

M L K 3 · #34 22/02/2008, 01:03 AM

من الموضوع .. أسمح لي أقولك بدري عليك هذا أبو بندر

الهلال465 · #35 22/02/2008, 01:11 AM

إقتباس

الرسالة الأصلية كتبت بواسطة action_140


	تصدق انك دلخ العنوان هو تفكير كوزمين اللي كتبته بالموضوع يا خوي كم مره قلتلك اقرا الموضوع اول بعدين هايط على راحتك شف عندي لك دكتور بشهار ممتاز كان يتعالج عنده الهريفي (ينفعلك جدا)

(وَإِذَا خَاطَبَهُمُ الْجَاهِلُونَ قَالُوا سَلاماً)

فتى@حائل · #36 22/02/2008, 01:31 AM

إقتباس


	^^^^...ياشلهوب انت فاشل...^^^

الله يهداكـ بسس

وش لون تقول الشلهوب فاشل؟

كل مدرب وله تكتيكة فيه ةطارق و ....و....و........

ابوهلي · #37 22/02/2008, 01:46 AM

شفتو
ابكررها
شفتو
ابي اكررها
وابي اكررها
وبعد ابي اكررها

action_140 · #38 22/02/2008, 01:57 AM

إقتباس

الرسالة الأصلية كتبت بواسطة ابوهلي


	شفتو ابكررها شفتو ابي اكررها وابي اكررها وبعد ابي اكررها

والشي اللي بتكررها وتكررها
لغز هو ؟
تكلم كلام واضح اخوي علشان نعرف نرد عليك

التــــ14ــائب · #39 22/02/2008, 02:04 AM

يأخي حــرامــ عليك بالله عليكـ هذا موضوعـ يأخي الاعب يشوف هذا الكلام على طول يتحطم موضوع وبكل امانه ومع احترامي لك الفــــــــــــــــــــــــــــــــــــــــــــــــــأشـــــــــــــــــــــــــــــــــل من كتب المـــــــــــــــوضوع

انتراوي الهلال · #40 22/02/2008, 02:18 AM

اقولك انت واياه منهو الشلهوب علشان تدافعون عنه وتخلون المدرب خطا شوف ريال مدريد مع كابيلو

اول من شرف الدكة راؤول و كاسياس وثم لحقهم بيكهام انا ما انكر ان الشلهوب لاعب كبير وكل
الاندية تتمناه

والمفروض نعذره لظروفة ولكن كمان نعذر المدرب لان محمد لا يخدم التشكيل الجديد

لعلمكم لو ما غير المدرب التشكيل ممكن ما نفوز على بعض الفرق الضعيفة مثل النصر والحزم هذا التشكيل دفاعي

على الورق ولو كان ليليو يعلب تمام كان كل الجماهير تظن الشكيل هجومي بحت ارجوكم اتركوا المدرب يشتغل

على راحته ولا تضغطون على الادارة اخاف بكرة تقيل المدرب تراه الي اكتشف امكانيات الزوري

عطوة فرصته وفي نهاية الموسم اذا حبيتوا طالبوا بالاقالة وانا اظمن انكم راح تطالبون الادارة بالتمديد مع هذا الداهيه

hisham yasser · #41 22/02/2008, 02:18 AM

إقتباس

الرسالة الأصلية كتبت بواسطة ابو جبره


	والله ما اتوقع انك فاهم اكثر من المدرب !!! ياناس كل مدرب له تكتيك جديد كل يوم طالع لنا واحد دخلوا فلان علان يبي يلعب المدرب يبحث عن مصلحه النادي بالدرجه الاولى بغض النظر عن الاسماء متى مارجع الشلهوب لمستواه الحقيقي ستجد كوزمين يشركه اساسيا

ياسلام على كلامك المنطقي والصحيح

فعلا كل واحد من الجمهور مفكر نفسه أعرف من المدربين !!

hisham yasser · #42 22/02/2008, 02:31 AM

إقتباس

الرسالة الأصلية كتبت بواسطة ليتكم مثلي


	اي والله لو أن ياسر احتياط في أغــلب المـباريات كان قلتوا المدرب فاااشل بس عشانه الشلهووب ياحبيله قلتو تكتيك مدرب !!! بعدين شي طبيعي ينزل مستواه الله لايلومه ملازم دكة الاحتياط اربعه وعشرين ساعه صراحه شي يقهر !! ولا اذا دخل خمس دقايق او عشر دقايق هالوقت بذات مايمديك تحكم على لاعب من مباراة وحده فكيف بعشر دقايق !! مع انه أفضل لاعب اسيوي 2006 وأسير دكه الاحتـياط !! بلا كوزمين بلا هم اهم شي الشلهووووب مايتحطم من القعده احتياط !!

لا والله .. أهم شيء مصلحة الهلال !!

ومصلحة الهلال ان ندع المدرب يعمل بدون تدخل في عمله

خل البطولات تضيع ونربك الفريق عشان الشلهوب يلعب !!!!

"الساااهر" · #43 22/02/2008, 02:38 AM

موضوع ماله داعي
ماشفت في مباراة الاهلي الشلهوب ايش سوى يوم نزل ماشفت كيف حرك الوسط

hisham yasser · #44 22/02/2008, 02:39 AM

إقتباس

الرسالة الأصلية كتبت بواسطة ((برنس حائل))


	اي مدرب اللي يجعل الشلهوب حبيس دكت الاحتياط والله هذا الوضع مايرضي مشجعي الزعيم وذا صااار للشلهوب ماصار للتمياط والله ماراح اشجع الكوره السعوديه لا ن الشلهوب لاعب مايمر على الكوره السعوديه 000 ولا يختلف اثنين على احقيت الشلهوب بان يكون اساسي 00 وبكل صراحه نستغني عن مئة مدرب ولا نتخلى عن الشلهوب الموهوب000 تقبلو مروري0000000

أكيد لايختلف إثنان أن الشلهوب يلعب أساسي سابقا

لكن حاليا في ظل انخفاض مستواه وقلة حماسه وتركيزه كلامك غير صحيح !!

hisham yasser · #45 22/02/2008, 02:44 AM

إقتباس

الرسالة الأصلية كتبت بواسطة "الساااهر"


	موضوع ماله داعي ماشفت في مباراة الاهلي الشلهوب ايش سوى يوم نزل ماشفت كيف حرك الوسط

أي حرك الوسط .. والله مايحرك وسط الهلال وهجماتنا إلا التايب

الشلهوب نجم كبير ولكن مو في مستواه أبدا من سنتين هذه الحقيقة بدون مجاملات !!