|
ضـــــــــاع حلمه في الطب !! ادخل ضرووووري أولا السلام عليكم ورحمة الله وبركاته اخواني / اخواتي ... انا عندي ولد عمي جاب نسبة 84 % في ثاني ثانوي ( الفصل الأول ) المهم هو كان حلم حياته انه يكون طبيب وهو ماشاء الله عليه ممتاز لكن ماتوقع يجيب هالنسبة حتى المعلمين استغربوا من نسبته !! هو كان متوقع يجيب على اقل تقدير 95 % والحين هو قااااعد يبكي وميت من القهر يقول انه خلاص ماعاد له أمل يدخل كلية الطب ؟ هل هذا صحيح ؟؟ يعني هل يقدر اذا عدل نسبته انه يدخل الطب؟؟ وكم المعدل المطلوب لدخول كلية لطب ؟؟ تكفووووون أبي تردووون علي بسرعة لأان الولد محبط نفسيا تماما !! |
قله لايبكي :d اذا يبي يدخل طب .. يروح يدرس برى أفضل له . |
يعني فيه امل بها النسبة يدخل طب ؟؟ طيب وين يروح اي بلد !! |
بيني وبينك 84 ماتوكل العيش هاليومين :d ولاحتى الجبيل الصناعيه مهو عاد الطب قويه شوي :d انا اللي هو :dانا تحس واحد مغرور جبت 97 وكان ودي ادخل طب بس الله لايوفقهم ماقدرت بعدين تحقق حلمي الا وهو كلية الصيدله وهالكلام صار له 6 سنين يعني قله لاتفكر ولا شي وانصحه بكليات ثانيه وكلمه كلام واقعي ولا يصير عقله صغير ويكبر عقله ويفكر بس بشي مهو داخله اساسا ولا يدخل على حسابه بالاردن ولا اوكرنيا هناك يمكن يقبلونه |
وانا اخوك انا نسبتي 91 ماتاكل عيش |
خله يركز على القدرات والتحصيلي الثانويه ماعليها الا نسبه ضعيفه وري يوفقه |
إقتباس:
انا عاجبتني الدراسه بأوكرانيا اذا خويك جاد ويبي معلومات ارسل لي رساله خاصه وارسل لك منتدى خاص بالطلبه السعوديين بأوكرانيا :stoned:. |
الحين هو بثاني ثانوي باقي له الترم الثاني وثالث ثانوي يقدر يرفع نسبته واذا رفع النسبه يسجل بجامعة القصيم السنه التحظيريه ويجيب معدل فوق ال4 ويضمن الطب |
إذا كانت عنده المواد العلمية أقل من ال 90 ما يقبلونه في جامعة الملك سعود ( أعتقد) ... لكن عشان يعرف وضعه زين .. قله يضرب الدرجات بعدد الحصص ويشوف كم بتصير نسبته ( أتوقع تنقص:( ) لكن إذا شد حيله في القدرات والتحصيلي والاختبارات الجاية يمديه يحصل بعثة :) ** طريقة حساب المعدل الفعلي : مواد الدين + الأدب + القرآن + الجيولوجيا + الرياضه + السلوك + المواظبة (مضروبة في 1) النحو + الحاسب ( ×2) الأحياء + الفيزياء + الكيمياء +الانقليزي (×4) الرياضيات (×6) يجيب مجموع درجاته ( بعد الضرب) ويقسمها على 36 وكذا تطلع لهنسبته مضروبة ((هذا إذا كانت المدرسة ما ضربت الدرجات )) ** لكن ترى نسبته (النهائية ) لو يجيب 100 في كل الشهادات الجاية بيصير 96 :( أمله الوحيد إنه طبعا يبدع في الثانوي .. والأهم القدرااااات والتحصيلي :) |
أعرف واحد تخرج ونسبته 92% ومادخل طب ..(حجتهم انهم اكتفو ) وغير كذا يحسب حسابه .... القدرات كم بياخذ ( النسبه نزول يعني) في حل انه الترم الثاني مايدخل !!! ( يعيد ثاني من جديد) ----- (... على فكره جامعه الامام بيكون في قسم طب ) |
الكلية التقنية وبــــــــــــــــــــــــــــسـ:d 88 المستقبل بينــا يديك |
يا بوي السنة اللي راحت الظاهر قفلوا عند 95 حتى العسكرية لازم ممتاز :D الله يعين الجميع |
\ / هلا أخوي ،، ما رآح أطول عليك أنا أخوي نسبته 93 وهو الآن بسنته الثانية بكلية الطب وصدقني القدارت والتحصيلي أهم شئ لانه حصل على 85 في الإختبارين وهناك من أخوياه من حصل على 98 في الثانوية ولكنهم أخفقوا في هذه الإختبارات فلم يحالفهم الحظ بالقبول ،، ولو حسبناه أنا وانت وولد عمكـ بمعدله 84 ولو حسبنا انه بيحصل على كأقل شئ 95 في المئة في الترم الجائ والسنة اللى بعدها ( ترمين آخرين ) فراح يطلع معدله بالضبط 92.25 بالضبط وأحسب حسابكـ لو قلنا أنه 95 فقط وبإمكانه يجيب أكثر ،، وأنا شخصيا معدلي أكثر بمعدل أخوي بكثير وفضلت كلية الهندسة والمجالات كثيرة ومتنوعة فبمعدل في حوالى 92.25 كأقل تقدير ومع إجادة وتفوق في إختبار القدرات والتحصيلي والمقابلة الشخصية فلن سيكون هناك سوى 30 في المئة تقريبا على المعدل العام سيكون على معدل الثانوية العامة ،، وبإمكانه أن يختار الطب أو الهندسة ،، هذا ما أردت قوله هنا ،، فلقد أحزني وضع ولد عمك وقول له ،، ساحر عقول يطمأنك ويقول شد حيلك ولكل مجتهد نصيب :) وتقبل فائق إحترامي وتقديري دمت بعبير الجوري \ / ورده |
----------------------------------------------------------------------> مره اخرى اسأل عن هذي وش فايدتها الي بطرف المشاركات شكل فايدتها كبيره لان فيها قوقل :d وجوجل ما تدخل بشي الا رابحه :d قصمنجيه :d |
ياأخوان فيه احد يعرف وشلون يحسب المعدل التراكمى للجامعة .... ياحبييييييييييييييييييييييييل اللى يعرف |
| الوقت المعتمد في المنتدى بتوقيت جرينتش +3.
الوقت الان » 03:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd