الحمد لله رب العالمين والصلاة والسلام على أشرف الأنبياء والمرسلين ومن تبعه بإحسان إلى يوم الدين .
مساكم / صبحكم الله بكل اللي تمنونه بصراحه موضوعي هذا ماهو إلا عبارهـ عن إستفسار أضعه بين يديكم راجياً من الله ثم منكم أن
أجد إجابه وافيه شافيه كافيه لما أرمي له .
قدر الله علي وقدمت على كثير من ( الشركات و البنوك و الدوائر الحكوميه ) باحث عن العمل
لكن ماتوفقت للحين بالوظيفه ، اللي لفت نظري إن أغلب الوظايف سواء ( خاص / حكومي )
تتطلب وجود اللغه الإنجليزيه كـ شرط أساسي !!
وللأسف لغتي العنجليزيه مثل معرفة النصر بالبطولات من عشر سنين يعني مآآآآهنا لغه ياحسافه .. فـ قررت إني أدخل عالم الإنجليزي غصب طيب الله ييسر .
والحين أنا صامل جازم على الآخر إني أدرس اللغه .. وعندي حماس عجيب لها .. فـ الله يعافيكم
بغيت مشورتكم في الموضوع هذا قبل لايطفى حماسي ،، لأني ماعندي خلفيه كويسه عن المعاهد
ونوعية الدورات اللي أدخلها وكذا ..
والله يعين على الدوام .. الصيح تقنيه والعصر معهد .. وكله لعيون الوظيفه اللي أبغاهـ ياصديقيني إنكم تعلموني وش هي أحسن المعاهد بالرياض وأفضل الدورات وياحبذا لو أرفقتوا معها قيمة الرسوم ويا أنا يا أنت ياغازي القصيبي ... بالإنتظار .