نادي الهلال السعودي - شبكة الزعيم - الموقع الرسمي - الفشله او الفشيله.. ههههههههههههه

الفشله او الفشيله..

هي المواقف المحرجة التي تمر علينا..

وقالت العرب تفشل الرجل أي طاح وجهه وفي رواية ضاع وجهه..

وقيل ايضاً فشل الرجل زوجتة أي قال لها انثبري وانطمي ولا كلمة..<<<< قدام أهله

وفشٌل الرجل ولده أي قفل الخط في وجهه ..<<< الله يهديه اكيد قال ابي فلوس

والفشيلة مأخوذه من الفشل...

والفشل .. هو صفة تطلق على مؤتمرات القمة العربية وهي مرتبطة بالشجب فيقال شجب الحكام العدوان الاسرائيلي أي فشلوا..

ويمر على الانسان الكثير من المواقف المحرجة التي تصيبة بالفشيلة..

وكما قال محمد عبدة لا لا تردين الفشايل وش اسوي بالورق..

وسأل احد الاشخاص عن اصعب موقف مر عليه وتفشل تفشيلا.

فقال..

من المواقف الاخيرة التي مرت علي وفشلتني..

قبل كم يوم رحت السوبر ماركت اشتري اغراض للبيت..

ودخلت واخذت العربية احط فيها اغراضي<<< ليش اسمها عربية مهيب انجليزيه يمكن لانه لازم احد

يحركها ويمشيها على كيفة!!!!

المهم بديت امشي بالسوق..

والحديث لمن تفشل..

وكم من طفل كدت ادعسه بالعربية لاني معرف اسوقها وكم من امرأة بغيت اتوطا عبايتها..

خلصت الاغراض ومن ضمنها شفرتين حلاقة صغيرة لي..

وجيت عند المحاسب وجا دوري وكان وراي بنات..<<<هذا اللي مركز عليه

المهم المحاسب سعودي ..

حسب اغراضي وخلص وحطوها بالاكياس وجيت اخذها واطلع ....

وفجأة !!!!

احد الهنود اللي يشتغلون بالمحل ..

قال ..

صديق طلع شفرة من جيب ...

انا كنت ناسيهن في مخباتي ولا حاسبت عنهن

... وحسبوني سارقهن !!!

وتعال دور وجهي قدام الناس..

وسمعت صوت ضحكة ناعمة اتت من ورائي..<<حتى وهو متفشل ركز على الناعمه

لكن ما بغيت التفت لها حتى ما تشوف وجهي ويقولن لبعض خدوده صارن طماط <<ايه هين طماط هو بصراحه اقرب للبيدجان!!!

ودفعت حسابهم وطلعت ما ادري وين طريقي بسبب واحد ..

رفيق ..<<جعله المصع

ومن المواقف المحرجة المفشلة التي قرأتها وسمعت عنها..

قصة مريم والرضاعة ..!!

مريم فتاه بالعشرينات ..

لها عائلة كبيرة واقارب كثيرون وخاصة من الرضاعة وهي لاتعرفهم جميعاً بسبب كثرتهم ..

وفي احد الايام اتاها والدها وهي تجلس بغرفتها تمشط بقرونها الطويلة استعداداً لقصهن مدرجات <<< والا كراسي مسرح..

وقال يا مريم ...

قالت لبيك يا ابتي..

قال بنتي روحي وسلمي على اخوانك وقرايبك من الرضاعة..

قالت استحى ياابي لا اعرفهم..

قال لاتستحين ولاشى ذولى اخوانك..

قالت ابشر يبة وراح ابوها لغرفته يجيب شي..لاتسالون شنو وش عليكم منه

المهم نزلت مريم للمجلس ولقت اخوانها اربع شباب سلمت عليهم وباستهم لانهم اخوانها بالرضاعة وجلست

تسولف معاهم شوي..

المهم رجعت لغرفتها..

وجاء ابوها بعد شوية قال وينك ما سلمتي على اخوانك قالت توني رحت المجلس وسلمت عليهم يبه...؟؟؟؟

وينفجع ابوها ويصرخ فيها يا بقرة اللي بالمجلس ذولي ربع اخوك!!!!

اخوانك بالرضاعه عندي بالملحق ....

اخويا اخوها ما صدقوا خبر <<<ادري فيه ناس بيقولون ليتنا معهم

وتستمر الفشايل جيل بعد جيل ..

ومن ضمن الضحايا المعلمة نوال..

في احد الايام تصحو نوال متأخرة عن دوامها..

وترتدي ملابسها على عجل او خروف وتبلش وهي تصك السحاب <<دبة الله يرجها (مو دبه يعنى شوى سمينه لا لا تخينه لا لا اقولكم وارمه…

وتنطلق الى مدرستها الثانوية ومباشرة تتجه لفصلها لان لديها حصة اولى وتدخل على البنات وعندما تدير نوال

وجهها للسبورة تنطلق ضحكات عالية من كل ارجاء الصف وتتعجب نوال من هذا الامر فهي شديدة وشخصيتها قوية..

ماذا جرى للبنات..

فلماذا تلك الضحكات .........؟؟؟؟

لأن نوال نسيت ان ترمي بنطلون بيجامتها ولبست التنورة فوقة والمشكلة انه طويل اطول من التنورة والادهى

والامر ان لونة اخضر وفيه نقط صفرا{{قبحها الله وش هالمزاج ياليته برتقالي مع اخضر كان تنبلع هي وبنطلونها الله يسعدها محلاها ..

ومن بعض المواقف التي مرت على اناس نعرفهم اخينا وكر المحششين عندما دخل السوق وحاسب وطلع

كفخه الباب الشفاف<<الظاهر الباب كان حيل نظيف معتنين بالنظافه

والزعيم ايضا حصل معاه نفس الموقف وهو رايح بيشوف الجيب الشروكي في المهرجان اللي على طريق خريص..

وهو طالع كفخه الباب الشفاف النظيف..

هذه بعض المواقف المحرجة التي تمر على الناس دائماً..

فانتم اعزائي اعضاء منتدى الزعيم ماهي المواقف التفشيليه اللي مرت عليكم واحسستو معها بطعم الفشيله

وقلتو ياخزياه..

أي يافشلتاه..

أي فشله او فشيله..

تحياتي لكم وبانتظار فشلاتكم..:clapping: