السلام عليكم ورحمة الله وبركاته
كيفكم يا زعماء ..
مبروك الفوز على شقيقنا نادي الأهلي وعقبال كأس الدوري وولي العهد وكأس الأمير فيصل بن فهد - رحمه الله -
كيف أول أسبوع دراسة .. ؟؟
موضوعي حقيقة ليس بجديد لكن من باب التذكير ولأني حالي كحال كثير من المتابعين للرياضة خصوصا رياضتنا الحبيبة ملينا وحنا على نفس المنوال ما يتغير أي شيء لا وتتزايد التساؤلات .. ليه ؟ ما في إلا كذا ؟ كيف كذا ؟ ملينا من هالشيء .. غير المحطة ههه .. الشرهة على إللي جالس يطالعكم .. يعني كلام مثل كذا وخلينا واقعيين .. إلخ
تساؤل .. ؟؟
في الحقيقة المتابع الجيد والناقد الهادف للرياضية السعودية .. الخليجية .. العربية .. العالمية .. بمختلف ميوله كان كبير أو صغير كان ذكر أم أنثى ليلاحظ أشياء كثيرة في عالم الكرة تحديدا تعج بالتساؤلات الكثيرة وعلامات التعجب الكبيرة والإستفهامات المتنوعة بأشكالها على أشياء معينة تحدث فقط داخل المستطيل الأخضر .. ومنها الشيء إللي راح أتكلم عنه وهو : ( التسديد من خارج منطقة الجزاء أو خارج خط الـ 18 ) وما بطولة كأس أمم أفريقيا الأخيرة إلا خير دليل فلذلك أطلق كثير من الرياضين لقب بطولة الأهداف من مسافات بعيدة .. طبعا وكما نعرف إن اللعب والمهارة والإحتراف والإجادة بالحركات والخدع هي موهبة فطرية ونتيجة جهد وتمارين وهذا شيء على مستوى العالم مو فقط عندنا لكن والحمدلله الرياضة السعودية ولادة نجوم ومواهب كثيرة لكنا ما نشعر ولا نشوف هالشيء متواجد إلا عند لاعبين معينين وكأن هالشيء مختص فيهم ومحتكر لهم وغيرهم لا وهذا غلط فمثلا .. عمر الغامدي ماشاء الله خير مثال عندنا بالهلال .. تيسير الجاسم بالأهلي .. وغيرهم كثير سواءا الآن أو سابقا وما هدف فؤاد أنور في كأس العالم 94م إلا دليل قوي .. لكن نشوف أحيانا مهما سوى المدرب أو الخطة تغيرت اللعب نفس الشيء وما يتغير والأسلوب واحد وما في شيء اسمه سدد من بعيد .. أنا أتكلم من باب عاتب محب .. وأنتظر ردودكم وأرائكم حنا نعرف إن هالشيء موهبة وفكر عالي لكن هل تشوفون إن التخصيص والإحتكار في مثل هالأمور كويس ومفيد يعني يقتصر على لا عب أو اثنين ويكونون معروفين .. ؟؟ هل عدم انتشار هالشيء دليل عجز وخوف من اللاعب من ردة جمهور أو لاعبين أو إدارة أو ما شابه .. هل اللاعب العربي مثلا ما نتكلم عالسعودي يفتقد هالميزة أو تكون عادية عنده .. وبالرجوع لكأس الأمم الأفريقرة الأخيرة نشوف الكثير من الأهداف من مسافات طويلة ومن أسماء يمكن مو معروفة وشفنا مصر كيف تسجل وغانا وغيرهم من المنتخبات ..
همسة محب ..
في أذن الإدارة الهلالية وعلى رأسها أبو سلطان في أذن كل من يعشق الزعيم .. دعوة للتكاتف لتجــديد أو شراء بطاقة اللاعب طارق التائب ..
أمنية ..
* قناة الزعيم .. ؟؟؟؟؟؟؟؟
محبكم .. أنتظر الردود الهادفة