|
يالهلاليين فرحانين انكم فزتوا على الأهلي ... أدخلو ومتأكد راح تتوقف أفراحكم عندي سؤال بس هل حصلنا على بطولة بالفوز على الأهلي .. وكأننا نشجع نادي درجة أولى ياناس ترانا نشجع الهلال وشي طبيعي نفوز على الأهلي ولو أنه متقعد لنا هالسنتين اللي راحت لكن فوزنا عليه مافيه شي مستغرب ماكتبت هالموضوع عشان أقول لاتفرحون اذا فاز الهلال لا الهلال معشوقنا الأول وأنا أكثركم فرح بالفوز لكن بهذه الطريقة 3 أيام ونحن نحتفل وكأننا لن نلعب الجمعه مباراة أخرى بالدوري تجاهل تام من (أغلب) الأعضاء للمباراة القادمة هذا وحنا فايزين على الأهلي اللي ماينافس كيف لو فزنا بكرا على الشباب أو الاتحاد بنستمر نفرح الى نهاية الموسم؟ نفرح اذا فاز الهلال صحيح لكن نفرح وننسى باقي المباريات ننسى أننا متأخرين عن الاتحاد النقاط!! ننسى انه باقي لنا مباراتين مع الشباب ومباراة مع الاتحاد بالدوري ننسى انه باقي لنا مباراتين مع الشباب بالكاس والله الفرح للفوز حلو لكن الفرح الزايد يحسسنا اننا خلاص قربنا من البطولة يؤثر على نفسيات اللاعبين والجماهير أرجو من اليوم تتوقف الأفراح بالفوز على الأهلي الا من انتقادات على أخطاء اللاعبين ونبدأ نستعد للقادم من مباريات سواء بالدوري أو بالكاس ترا الطريق طويل وصعب وهو ميسر للاتحاد أكثر منه للهلال خصوصا آخر المباريات لذلك لا تبالغون بالأفراح لكي لاتضيع البطولة هذه كانت وجهة نظري واذا أحد عنده وجهة نظر أخرى يوضحها وفيه ملاحظه أخيرة مهمه ياما ضاعت بطولات على أندية بسبب الاستهتار بالخصم ويااااخوفي منك يالقادسية من اليوم ورايح نرجو من اللاعبين اعطاء الخصم حقه من الأهمية واللعب بجدية وترك الاستعراض الا بعد التقدم بهدفين أو أكثر دمتم زعماء ودام الذهب أزرق رساوي برساوي |
صادق يابلدياتي مشكور ولابد من أخذ الحذر وإعطاء كل منافس حقه من الإهتمام |
مشكووووووووووووووور اخوي وكلام جمييييييييييييل وانا معك في كل كلمة قلتها |
والله اني خفت يوم شفت الفرح الزايد وقلت هالفرح بودينا لستين داهيه والمشكله انهم متساهلين بالقادسيه لدرجة انهم يقولون اريحوا الاساسيين لفوز الزعيم لابد من احترام الخصم واخشى من المدح اللي ناله ياسر والتايب وانه يخدرهم في المبارايات القادمه خصوصا مبارة الشباب على كاس ولي العهد شاكر لك على طرح مثل هالمواضيع المهمه واللي تفيد النادي والله يوفق الزعيم ...تقبل مروري... |
اللي قاعد يحتفل هو الجمهور وما فيه مشكلة إذا إحتفلنا ثلاثه أيام وبعدين طعم الفوز في هذي المباراه بالتحديد غير لأننا في المباراه السابقه إنهزمنا وبنتيجه كبيرة وفي الرياض أمام جمهورنا أتمنى أنك ما تصعب الأمور على نفسك واللاعبين عارفين هالشئ والمدرب جالس يشد حيله في كل المباريات |
ياخوي معك حق بس الإتحاد لو فاز بكل مبارياته والهلال نفس الشي فإن الدوري راح يكون من نصيب الهلال لأن فارق المباريات بينهم تقريباً 3 مباريات بإذن الله نفرح مع الهلال بلقب الدوري هذا العام وبالنسبة للجماهير الأهلاوية أقولهم هاردلكم هذا حال الكورة وكلا الفريقين قدموا مباراة جميلة |
بارك االله فيك أخي رساوي من المواضيع الجميله التي قرأتها هذا اليوم وفقك الله لمايحبه ويرضاه وأيدك على كل كلمه قلتها .. والدليل مباراة الاتحاد الاخيرة مع الاتفاق كيف اللاعبين نزلوا مستهترين بالمباراة وأنهزم الاتحاد وخرج من كاس ولي العهد ... الحين اللي نبيه إعداد نفسي وتهئية للاعبين وإن شاء الله هذا المامول من إدارة الامير محمد بن فيصل ومن الاخوان المسؤولين على الفريق وشكرا جزيلا على هذا الطرح تحياتي لك أخوك ياحبنيلك يالهلال |
يا الغالي كل المباريات القادمه و بغض النظر عن الفريق كلها مباريات نهائي سواء مع الأهلي أو القادسيه أو غيرهم |
يخووووووووووووي وشفيييهم النهضه وسدوووس رجاء اتمنى ان اسلووووبك بطرح المواضيع يكون مافيه انتقااد وهذي احد مميزات المواضيع المتالقه وشكرا |
اخي الكريم الفرحه حق مشروع للجميع بالتعبير لما يتملك مشاعره تجاهه فريقه ودائما المباريات التي تنتهي في الثواني الاخيره يكون لها نكهه خاصه في قلوب الجمهور وايضا الفرحه بسبب تحقيق الثلاث نقاط ومواصلة الفريق في المسيرة نحو الصداره نتفق معك ان الفرحه تكون مقننه وأن لاتزيد عن الحد المطلوب حتى لاتؤثر في بقية المباريات بالتوفيق للزعيم اخوك هلالي توب |
طيب أنت ماتبغانا نفرح عشان حنا فزنا .. طيب لو انهزمنا برضو تبغانا مانحزن ..!!!؟؟؟ |
صحيح بالغنا بالفرح بس لاتلومنا هدف الفوز ماجاء الا في اخر رمق في المباراه وانشاء هالفوز طريق الدوري ............... |
اهم شي الحضور الجماهيري المباراه القادمه الحضور ثم الحضور ثم الحضور وعدم الاستهتار بالقادسيه وشكرا لك اخوي على مرورك ّ!! |
إقتباس:
يا حبيبي هد اللعب شوي :d حسيت اننا طاقين كنادر حبوب ونهرول على المضمار !! يخوك هذا دورنا كجمهور !! وش تبينا نسوي ؟! نفرح !! ننبسط !! نصارخ !! نطامر !! ندعي !! ننتقد !! ومسؤولية (التحضير والاعداد ) متروكة لـ(11 أسد ) لـ (11 زعيم) في الملعب !! بقيادة (مدربهم) !! حنا (نساند) " العصر من يوم المباراة إلى ان يصفر الحكم معلن انتصارنا " !! باقي الاوقات (( بس نفرح )) (( بس نفتخر)) !! لكل واحد ( مهمة ) !! دوري كمشجع .. (زمن المباراة ) أدعم فريقي واهتف باسمه (فقط لا غير) !! باقي الوقت مفتوح لي (للاستمتاع) !! دور (اللاعب) .. التحضير النفسي والبدني .. بمجرد انتهاء كل (مباراة) !! دور (المدرب) .. وضع التكتيك المناسب !! والتخطيط السليم !! دور (الادارة) .. تهيأة اللاعبين (نفسيا .. وذهنيا ) .. لكل مباراة !! بما أن (الأدوار واضحة ) .. و لم يكن هناك (تصادم في المهام ) !! إذن مالغلط إذا مارست دوري (حتى انتهاء الموسم ) !! (لا نريد مصادرة هذه الادوار ) !! ولا نريد (خلط هذه المهام ) !! سنستمتع بفوزنا على الاهلي (( لأنه انتزع بطولتين الموسم المنصرم )) !! سنستمتع بفوزنا عليه (( لأنه يضم أكثر من 7 لاعبين من افراد المنتخب )) !! سنستمتع (( لأنه الفريق المرعب المتجدد والفريق الوحيد مع نجران الذي استطاع ان يوقف الهلال في عقر داره)) سنستمتع لأن الفوز عليه (( يعني خطوة متقدمة نحو ملامسة الذهب )) !! سنستمتع لأننا انتزعنا الفوز منه (( في ارضه وبين جمهوره)) سنستمتع (( لأننا رددنا الدين .. والصاع صاعين )) !! سنستمتع لأن (دوري كمشجع هو الاستمتاع !! ) !! دعوا الجمهور (( يعيش دوره على اكمل وجه )) لا تقتلوا (الفرحة ) باسم ( التخطيط ) الجمهور لا يخطط !! الجمهور (فقط يهتف ) !! وسأفرح الى نهاية الموسم !! ولن التفت للمباريات القادمة !! لأنها لا تهمني هناك من يتحمل هذه المسؤولية !! وهو (قطعة من جسدي) !! وأنا واللاعب والمدرب والادارة .. (( يكمل كل منا الاخر )) لو حدث (خلل في هذا النظام سيتعرض الفريق لهزات) !! اذن (استمتعوا ) !! وفلوا أبو أبو أبوووووووووووها .. يكفينا (دعوة صادقة) بعد كل صلاة ( يارب وفق الزعيم ) !! هذا دوري !! |
^ ^ فيه بعض اللآأعبين يقرون كلآمك وبيحسوون إنهم ولا أطلق شيء بالعالم :d وإن القادسية تحصيل حاصل ! مع العلم آأن القادسية دعمهم الياقوت بمكآافئات فوز تصل للمليون أو المليونين في حال فوزهم في المباريات المتبقية .. وتصرف بعد المباراة مباشرة :d مدري مباراتهم مع الإتحاد خارج الحسبة والا دايم كل المكآافئات تبدأ بالهلآأل والا االمهم نقاط الهلآل والا الدوري توّه يبتدي ... والا:surprised: < - انلحست الآأخت :d:smilie47: يعطيك العافية رساوي .. وبالتوفيق لهلآألنا :smilie47: |
| الوقت المعتمد في المنتدى بتوقيت جرينتش +3.
الوقت الان » 12:22 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd