هالمدرب هذا خطير وداهية صدقوني يناس لعدة اسباب:
- التخلص من الاعبين الي مو في مستوي الهلال مع احترامي الكامل لهم وعارفين من اقصد وماودي اذكر اسماء. (في الهجوم والظهير الايمن خاصة)
- ركن الشلهوب في الاحتياط لما شاف مستواه نازل . وشوفو الشلهوب كيف يحتري فرصة الدخول ولما لقاها شوفوا كيف كان متحمس.
- اظهار نجوم مركونين في دكة الاحتياط لمدة طويلة مثال:
زرع الثقة في الهليل وتوظيف قدراته كامدافع. وشوفوا كيف مستواه. والخراشي .... عليكم الباقي.
- دمج العناصر الشابة مع الفريق الاول بشكل تدريجي ورائع حسب الظروف. كالزوري والكلثم والفريدي بالطريق.
- كوزمين لديه بعد نظر . اصراره على مشاركة ليلو .. لان لديه القناعة ان هاللاعب مبدع.. ومباراة الاهلي خير دليل والقادم احلى.. واصراره على مشاركة المفرج رغم الضغوط الجماهيرية لكن شوفوا يوم غاب وش صار بالدفاع. وهذا كوزمين يشرك مسفر وبنشوف النتايج قريبا.
_ تقفيل المناطق الدفاعية من اولويات هذا المدرب . وهذا شي جدا لان لو الهلال مايقفل المناطق الدفاعية كان الفريق يكون ضياع كنهائي الموسم الماضي.
- وقولوا ماقالها مون 20بطولات هالسنة كلها هلالية باذن وتوفيق الله. وابرجع لكم اخر الموسم وابذكركم.



-

المدرب بشر ... ولابد أن يخطئ

يجب أن نتقبل أخطاء المدرب ,, وأن نستمر في مناقشته بصفتنا محبين وعشاق لنادي الهلال

كلام جميل أخي الكريم

إقتباس الرسالة الأصلية كتبت بواسطة قاهر الضروف مع احترامي لرأيك كوزمي مو في مستوى الهلال تغيراته دائما سيئه ومتأخره مثلا في مباراة الأهلي التايب في أول نصف ساعه لم نشاهده والسبب الرقابه اللصيقه عليه وأيضا عدم وجود صانع ألعاب غيره ولكن بعد نزول الشلهوب الإضطراري تغير الهلال والتايب للأفضل يعني لو ما أصيب الزوري كان الشلهوب ماهوب لاعب. وغير كذا المدرب قبل طرد تفاريس كان ناوي يتحفنا بإبداعات الأسطوره خالد العنقري لكن بعد الطرد سحب العنقري واستدعى الهليل

طيب هذي نقطه تحسب للمدرب !!
يعني تبديله كان بحسب ظروف المباراة ..

كوزمين يعجبني واتمنى الصبر عليه فهو يحتاج منكم الصبر فقط

صاااااادق والله !

ليت الجماهير كلها مثلك ..!

واتمنى الصبر على كوزمين لأنه دااهية .......!

ميزت كوزمين انه ركن الاعبين الي انخفض مستواهم على دكة الاحتياط علشان يحاولون يرفعون مستواهم

كوزمين مدرب عالمي ومدرب درب بالشانبيوز ليق

مدرب تكتيكي رائع

اتمنى ان يستمر هذا الداهيه مع الهلال

وانا متاكد لو طلع من الهلال ماراح يدرب الا انديه عالميه

إقتباس الرسالة الأصلية كتبت بواسطة the blu dragon صاااااادق والله ! ليت الجماهير كلها مثلك ..! واتمنى الصبر على كوزمين لأنه دااهية .......!

انا احس ان كوزمين عنده شي وبعدين اهم ميزة بهالمدرب انه يقرا المباراة صح انا اتمنى نوقع معه خمس سنوات

داهـيـة مـيـن .. !! الله يسـتر ما يودينا بداهــيـة .. !!

خطته مكشوفه للجميع وتكتيكه واحد لكل المباريات يذكرني بوتسـيرو البرتغالي ..

ثلاث محاور وكل مباراة يطلع محور وينزل محور .. !!

كوزمين أنا أشوف إنه داهيه لكن يعاب عليه الخوف قليلاً

و بالنسبة للاعبين كل مدرب و له وجهة نظر

لكن أتمنى التركيز على اللاعبين الحالين مع الصويلح يكون أفضل

إقتباس - ركن الشلهوب في الاحتياط لما شاف مستواه نازل . وشوفو الشلهوب كيف يحتري فرصة الدخول ولما لقاها شوفوا كيف كان متحمس.

أولاً أعلنها في أكثر من صحيفه أن طريقته هي من قتلت الشلهوب
شوف طارق التائب لاعب متحرك في الملعب ولم تحدد له خانه ولو نزل الشلهوب راح يعيق
من تحركات التائب عشان كذا الشلهوب ورقه رابحه في ملف السيد كوزمين

إقتباس - اظهار نجوم مركونين في دكة الاحتياط لمدة طويلة مثال: زرع الثقة في الهليل وتوظيف قدراته كامدافع. وشوفوا كيف مستواه. والخراشي .... عليكم الباقي.

الهليل كان الحل الوحيد للمدرب كوزمين في المباراه حتى يغطي الدفاع وما كان هناك الا هاللاعب
يعني لا تبني تحليلاتك على أشياء وهميه

إقتباس - دمج العناصر الشابة مع الفريق الاول بشكل تدريجي ورائع حسب الظروف. كالزوري والكلثم والفريدي بالطريق.

الزوري أثبت نفسه ويستحق لكن شوف الكلثم ما صار يلعب أبداً والسبب غير معروف
وبعدين حلوه كلمتك الفريدي بالطريق أحسك تلعب على نفسك

إقتباس _ تقفيل المناطق الدفاعية من اولويات هذا المدرب . وهذا شي جدا لان لو الهلال مايقفل المناطق الدفاعية كان الفريق يكون ضياع كنهائي الموسم الماضي.

لو تلاحظ أن المدرب سبب نكسة للهلال حتى انك ما تشوف خالد عزيز على القوس
معقوله كل الركنيات حقت الأهلي خطيره والسبب ما فيه لاعب على القوس وانت جالس
تمدحه وتقول يعتمد على تقفيل المناطق الدفاعيه ولا عطنا تفسيرك لمنطقه القوس الفاضيه ..!!!

إقتباس - وقولوا ماقالها مون 20بطولات هالسنة كلها هلالية باذن وتوفيق الله. وابرجع لكم اخر الموسم وابذكركم.

أتمنى أنها تكون كلها من نصيب الهلال وخصوصاً أن الهلال هالسنه حظوظه قويه ولا زالت
قائمه وعقبال ما نشوف ثلاثيه هالموسم لكوزمين ولمحمد بن فيصل


ألف شكر على الموضوع وعقبال ما نفرح بالكأس