اعرف ممكن مشاركتي هذه تزعل الكثير مني
لكن ودنا نتكلم بصراحه عن ليلو
هذا اللاعب فرحنا كثيرا عند اعلان التعاقد معاه وذلك بناء علي مازودتنا به شبكة الزعيم من مقاطع لاهداف سابقه للاعب،،،ولكن الي الان لم يقدم مايشفع له ان يكون احتياطي بالفريق الاول
ومع ذلك نجد المدرب يصر علي اشراكه اساسيا في ضل وجود الكثير من المواهب بالفريق الذين في يحتاجون للدعم والذي تلقوه في بداية الموسم وقدمو مقابله الكثير من الابداعات والتي اسعدتنا جميعا
ثم ياتي هذا الكنغولي ويسرق الخانه وهو غير كفؤ لها من هؤلاء الشباب بمساعده من مدرب الفريق وتأيد من الاداره،،ارجو ان الفوز علي الاهلي والي تحقق بطلوع الروح لايجعلنا نغمض اعيننا عن الحقيقة التي قد تصفعنا في حين من الزمان لانستطيع وقتها تدارك الامر وتذهب البطولات ادراج الرياح
ماقصدت الاالصالح العام والله علي ذلك شهيد
تحياتي وتقديري

شكلك ما تابعت المباراة لأن ليلو كان نجمها و جننهم بالسرعة و المهارة و خلخلة الدفاع

إقتباس الرسالة الأصلية كتبت بواسطة ماوراء الفكر . لولا الله ثم ليلو في مبارة الأهلي كان علوووووووووم.. كل شئ سواه قدام الأهلي خلخل دفاعات الأهلي وسوى لهم قلق غير طبيعي.. كان من نجوم المباراة بكل صراحة،لاتقول ليش ماسجل,لأنه مو مهاجم صريح يعني جناح تقليدي..

ما قصرت كفيت ووفيت ناس بدها تكتب بس يمكن كان نايم وقت مباراة الأهلي

ياناس ماادري وش يعجبكم

ماجابت الاداره لاعب اجنبي قلتوا نبي اجنبي جابت الاداره اجنبي تقولون مايعرف يلعب

يكفي فقط ان ليلو بسبب سرعته ومهارته يخلي

دفاعات الفرق الاخرى تفكر الف مرة قبل ما تتقدم وتخاف من اي ارتداد

وحتى ان المدافعين لا يستطيعون رقابة ياسر طوال المباراة لان هذا الكنقولي

اللي مو عاجبك مخوفهم بسرعته اللي ما تدري وش ممكن يسوي ,

لو جنبه احد مهاجمينا البطيئين , اولا راح تكون رقابته سهلة , بيتأخر بالكورة

لين يرجه احد العبي الفريق الخصم من الوسط ويغطي عليه , ياسر راح تفرض عليه الرقابة

باكثر من لاعب , يكفي انه من يوم جا ليلو ياسر في كل مباراة تقريبا يسجل هدف , باقيله

كم شي وبأذن الله يصير تمام , لانه صغير في السن وتوه ما تأقلم مع باقي اللاعبين ,

اضافة لقلة خبرته ......

ابو فاطمة والله انك صادق
ولليو حقكم ماهو بيم ديره مع احترامي لكم يا ناس والله اني قايلها من زمان انه ماهو يم ديره
ابيكم تقرون ذا النص للكاتب عشق الكتابه
المهم انه يكون سريع ومراوغ ويمد المهاجمين بعرضيات حلوه سواء عاليه او ارضيه .. وهذا هو الشي اللي يمتاز فيه ليلو ..

اسئلكم بالله هل يقوم بالدور هذا

وغالباً ماعنده ذيك المهاره الي تخليه يتجاوز الدفاع

والله امركم عجيب حاجه واضحه وبتقولو فيها
انا ما انكر انه متحرك بس بدون فايده غير اشغال المدافعين شوي ماهو كثير

ليلو ممتاز جدا يتحرك يراوغ وبالاضااافة الى سرعته لاعب ممتاز يربك اي دفاااااع والاعب عمره 20سنتين اوثلاث وتلقاه في اوربا ومن افضل الاعبين هناااك وخير دليل على كلامي الاعب الايفو اري عبدالقادر كيتا لما كان يلعب في السد كان سئ في التسديد والتمرير ماعدا المراوغة والمهارات كان مميز فيها وطور نفسة وشوفه الحين في ليون الفرنسي ورجوله صارت قاذفه صواريخ ويعرف طريق المرمى من انصاف الفرص

اخوي الفاضل ابو فاطمه

صحيح ان ليلو يضيع فرص سهله امام المرمى لكنه مع هذا قدم مستوى كبير امام الأهلي

وصنع عده فرص خلنا نصبر عليه شوي قبل ما نحكم عليه بحكم الفشل

وعندك فلافيو لاعب الاهلي المصري اكبر مثل الموسم الاول كل اخوانا جمهور الاهلي المصري

حكم عليه بالفشل لكن الإداره صبرت عليه للموسم اللي بعده و الحين يعتبر افضل لاعب

اجنبي بالدوري المصري

لولا الله ثم ليلو في مبارة الأهلي كان علوووووووووم..
كل شئ سواه قدام الأهلي خلخل دفاعات الأهلي وسوى لهم قلق غير طبيعي..

اشكر كل من شاركنا الرأي من الاخوه الاعزاء
واتمني ان تكون ارئكم افضل من رائي بهذا الخصوص
طالما ان النتيجة هي انتصار الزعيم
ولنصبر لنري ماتجود به الايام !!!
رغم عدم تفاؤلي واقتناعي اطلاقا بهذا الليلو
واتمني مشاركة شباب النادي حتي اذا لاقدر الله ذهبت البطوله
لاتكون خساتنا مزدوجه في خسارة البطوله وشباب الفريق
اتمني ان يكون معارضي قد فهمو ماقصدت والله من وراء القصد

ليــلو فـي مبـاراة الأهــلي كــان نجم .,.

قـدم كل اللي عنده .

لاكن ماهو مكتوب يسجل .,.

بالتوووفيق .

ياجمااعه الخير
اللاعب كاان عنده مشكله اهله
والادااره حلتها وجابتله اهله
من بعد مايجوون اهله وقتها نبدا نحاسبه على اخطاااؤه

نصبر لنهاية الموسم ونشوف وش قدم للهلال

.........................................................