اول شي الحمد لله على الفوز اللي طعمه غير وعاد الأسباب معروفة...
مبروك على عودة الهلال لجزء من مستواه وان شاء الله المستوى كله

كل المواضيع تتكلم عن اللعيبة قلت اتكلم عن المدرب....
المدرب اليوم أثبت أنه مدرب داهية ويقرأ المباراة والدليل 7777:

- الأهلي معروف انه يعتمد على الهجمات المرتدة بانطلاقات الوسط الشاب و تحركات مالك معاذ، لكن كوزمين وقفها بثلاث محاور ( الغامدي-عزيز-الخثران) وبالتالي ضاعت المرتدات ومعها ضاع مالك.
-لاحظت إن ليلو و ياسر يتبادلون المراكز مرة واحد يمين والثاني يسار والعكس وبكذا ضيع الدفاع والمهام الموكولة لهم.
-التائب ماكان له أي أثر في الشوط الأول ولكن المدرب قرأ الأفكار وخلاه في الشوط الثاني يتحرك يمين ويسار وبالتالي خلق ثغرات في النص ودخول الشلهوب ساعد في هذا الموضوع.
-بعد طرد تيفا بدل تبديلات صحيحة وصار يلعب بطريقة 1-3-5 في حالة الدفاع و 1-5-3 في حالة الهجوم.لكن بعد ماطرد لاعب الأهلي تغيرت الطريقة إلى 1-4-4 ويمكن شفنا المدرب يوم يشرحها .
-ولما شاف خطة الهجوم عقيمة دخل الشلهوب واللي ماقصر وأدى اللي عليه وزيادة.

الزبدة إن المدرب داهية وليته يجدد معنا سنوات طويلة.

التائب اليوم يكفي قولك ( وياتائب تراك في قلبي ذايب).

مادري اقتنعتوا بأن ياسر لاعب حسم!!!!


آخر شيء مبروك الفوز وعقبال الدوري وولي العهد و الأبطال وكل شيء <--- واحد طماع
اليوم ليلو بدع وخلخل الدفاع ولو ندري انه عشان حرمتك كان جبتها أنا على حسابي.

المدرب عالمي .. مايحتاج إن حنا نتكلم عنه ..


ولكن بعض الأعضاء يشوفه أنه يلعب بثلاث محاور .. مع أنه مايلعب بثلاث محاور .. بدأ يتكلم على المدرب


كوزمين جبان .. كوزمين خواف .. وهو ياليته يدري أنه مايلعب بثلاث محاور .. ماغير يتكلم على عماها..


والنقطه هذي وضحها أبو سلطان في تصريحه قبل المباراه ..

دمت بود ..

مدرب ضايع و3 محاور واضاع الاهلي اهداف وطارق الحسنة الوحيدة الهدف

مازال التنظيم الدفاعي سيء

ولكن من ناحيتي لا اظن ان الهلال قادر على تحقيق بطولة هذا الموسم او المواسم القادمة ,

اللهلال محتاج على الاقل خمس لاعبين جدد (سوبر ستار)

ومحتاج شغل كثير حتى يكون قادر على المنافسة وتحقيق البطولات

اليوم الاهلي لم يكن يبحث عن النتيجة , لانه يفكر في كأس ولي العهد والبطولة الاسيوية ,

عندما كان يفكر في النقاط فاز على الهلال في عقر داره , كوزمن يعجبني في شيء واحد وهو ثقته

في العناصر الشابة واكتشافه لاكثر من موهبة , ولكن يعيبه فقط التنظيم الدفاعي , متى ما استطاع ان يقفل

المناطق الخلفية جيدا حينها هدف واحد يكفي الهلال للفوز في كل مباراة , بهذه الطريقة

وسهولة اختراق الدفاعات الهلالية فان الوضع صعب جدا , لنكن واقعيين ....

إقتباس الرسالة الأصلية كتبت بواسطة "العشق الهلالي" مازال التنظيم الدفاعي سيء ولكن من ناحيتي لا اظن ان الهلال قادر على تحقيق بطولة هذا الموسم او المواسم القادمة , اللهلال محتاج على الاقل خمس لاعبين جدد (سوبر ستار) ومحتاج شغل كثير حتى يكون قادر على المنافسة وتحقيق البطولات اليوم الاهلي لم يكن يبحث عن النتيجة , لانه يفكر في كأس ولي العهد والبطولة الاسيوية , عندما كان يفكر في النقاط فاز على الهلال في عقر داره , كوزمن يعجبني في شيء واحد وهو ثقته في العناصر الشابة واكتشافه لاكثر من موهبة , ولكن يعيبه فقط التنظيم الدفاعي , متى ما استطاع ان يقفل المناطق الخلفية جيدا حينها هدف واحد يكفي الهلال للفوز في كل مباراة , بهذه الطريقة وسهولة اختراق الدفاعات الهلالية فان الوضع صعب جدا , لنكن واقعيين ....

تنظيم دفاعي سئ ..!!


بأي منطق تتكلم ..؟؟


الهلال أقوى دفاع في الدوري وتقول تنظيم سئ ..!!


أخوي العشق الهلالي .. دائما أتابع ردودك .. وفي أكثر الأحيان تكون منطقيه ومقنعه .. ولكن ..


أحيان تشطح شطحات مال أمها داعي .. حاول أن تكون أكثر منطقيه في ردودك..


دمت بود ..

انا ما راح اقول ان المدرب داهية والا ما يصلح للهلال

بس ودي اقول شي

تخيلوا لو الهدف الثاني اللي جا بآخر الدقايق ((بمجهود فردي))وبخطأ دفاعي دخيلوا انه ما تسجل الهدف

وش راح يكون ردود الجماهير والاعلام عن ال 3 محاور

واحب اوضح شي أن الهدفين كلها بمجهود فردي وبأخطاء دفاعية فادحه ولا يوجد سبب تكتيكي في الخطة وراء الهدفين

الهلال لا يوجد لديه حلول هجومية غير فردية ياسر الممتازة و مجهودات التايب الجبارة وبس

انتم تلعبون على انفسكم ولا كيف ؟؟
يعني بالله هذا مستوى الهلال المعروف زعيم اسيا ؟؟؟ وين هلال زمان بس
الفريق من السنه الي فاتت وهو مو على بعضه والحين جاي تقول المدرب داهيه مع احترامي لك اصلا من شفته نزل الغنام مكان عزيز وانا غسلت ايدي منه
اتمنى من المدرب يغير طريقته ويلعب لعب هجومي ويعطي الشباب فرصه وخاصه الخراشي مكان ليلو الي من مباراه الى مباراه يثبت فشله

اذكــــروا اللـــــــــــــــــــه يا جماعة الخيــــــــــــــــــــــــر .... الى الحيـــــــــــــــــــن الحمـــد للـــــه الامـــــــــــــــــوره زينــــــــــــــــــــــــــــــــــه وبتـــــــــــــوفيق الله كل شئ يصـــــير اللـــه كريـــــــم ........

الحمدلله على الفوز ، والحمدلله على الهلال ، والحمدلله على وعي وعقل ورزانة لدى الهلاليين عامة .

إقتباس الرسالة الأصلية كتبت بواسطة ميولي للزعيم انتم تلعبون على انفسكم ولا كيف ؟؟ يعني بالله هذا مستوى الهلال المعروف زعيم اسيا ؟؟؟ وين هلال زمان بس الفريق من السنه الي فاتت وهو مو على بعضه والحين جاي تقول المدرب داهيه مع احترامي لك اصلا من شفته نزل الغنام مكان عزيز وانا غسلت ايدي منه اتمنى من المدرب يغير طريقته ويلعب لعب هجومي ويعطي الشباب فرصه وخاصه الخراشي مكان ليلو الي من مباراه الى مباراه يثبت فشله

ألحين أنا بسألك .. مدرب وصلك للربع النهائي من الكأس هل هو فاشل ..؟؟

وصلك الى وصافة الدوري وقريبا تحقيقه انشاء الله .. هل هو فاشل ..؟؟

مدرب يحتل معه الفريق المركز الثاني في كاس فيصل .. هل هو فاشل ..؟؟

للأسف أنتم تتكلمون بدون منطق ..!!

لغة الأرقام هي من تشهد لكوزمين لا أنا ولا أنت .. دمت بود

الزبدة إن المدرب داهية وليته يجدد معنا سنوات طويلة.

التائب اليوم يكفي قولك ( وياتائب تراك في قلبي ذايب).

مادري اقتنعتوا بأن ياسر لاعب حسم!!!!


كلام سليييييييييييييييييييييييييييييييييييييييييييم

اسمح لي اخوي
لولا الله ثم الحلول الفرديه ولا الهلال بياكلها
على فكره امس لو الهلال في حالته الطبيعيه والله ان تلخ الاهلي بالاربعه
لكن الهلال يعتمد على الكورات الطويله ؟؟؟ من اول المباراه
والشي الثاني تبديل محور بمحور هذا اغرب شي