نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   صيـد الإنترنــت (http://vb.alhilal.com/f92/)
-   -   رسالة لخادم الحرمين الشريفين (http://vb.alhilal.com/t537485.html)

لمعة الزعيم 18/02/2008 05:29 PM

رسالة لخادم الحرمين الشريفين
 
رسالة عاجلة الى صاحب السمو الملكي الملك عبدالله بن عبدالعزيز ال سعود
أوجه رسالة للوالد القائد خادم الحرمين الشرفين (حفظة الله وأطال في عمره)

من واجبات الأبووووه أن الأب يستمع لصرخات أبنه وضمه على صدره وإذابة كل آلامه

والملك زي ابوي،، لأحد يتدخل بين أب وطفله



ابشرك يا خادم الحرمين الأسعار مضبوطة والمواد الغذائية متوفرة

ما نقصنا بس إلا الخبز يرفعون سعره

وخذ عندك بعض الأسعار

قشطة المراعي صارت 4 ريال

حبة المظبي 22 ريال

الكفرات ارتفعت 30 بالميه

الأدوية 25 بالمية

تخيل يا خادم الحرمين جبن كرافت والمراعي السايل ارتفع

طيب وش نسوي لبزارينا المشكلةيقدرون الكرافت السايل مع الصامولي

الببسي صار 20.5

والأيجارات أرتفعت

وقسايم المرور زادت

الحمدلله على النعمه أمن وآمان

الله لا يغير علينا

حتى رز ابو كاس ارتفع

لا وازيدك من الشعر بيت رزمة الكراث والبصل صارت بريالين

شفت شلون حنا بنعمه



بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه

ونعطي لبنان مليار ونص دولار

ونرسل لمصر المعونه السنويه

تعرف ماشاء الله حنا.. من كثر الفلل التمليك.. الناس صارو يأجرون ببلاش

ممكن طلب طال عمرك.. ابي سلف 12000 ريال

عندي دين اسدد فيه لي سنه ولا خلص.. كل شهر 500 ريال

الله يرحم حالنا والله..


ابشرك طال عمرك

قبل كم يوم حطم سعر برميل البترول الرقم القياسي وصار يباع بـ 99 دولار

ورصيدي أيضا حطم الرقم القياسي في نفس اليوم وصار فيه 17 ريال

الحمد لله شفت كيف أنا بخير



أحب اطمنك صرنا نسوي رجيم غصب عنا

تعرف اللحم ما عاد نعرفه

حتى الدجاج ما عاد نأكله

صرنا رشيقين

تسمع بالكرش ما عاد نشوفها

تسمع بالبطن اللي لاصق في الظهر

يوووووه في كل مكان نشوفه

نم قرير العين الشعب بخير

لاتتعب نفسيا ودور في النت توأم تفصلهم

توائمنا ليش ينفصلووو

صلة الرحم زينه خلهم يتشابكون طول العمر

يمكن لو فصلناهم يتهاوشون ويفترقون

خلهم متشابكين في جسد واحد

الله لا يغير علينا

ابشرك طال عمرك شعبك تطور

استبدل البكاء بطعم الملح ببكاء بطعم الدم

آآآآآآآآآآآآآآه يا حلو مذاقه

ودك تجربه؟؟

انا أقولك وشلون

نظف منزلك من حليب الأطفال

نظف جيبك من الفلوس

نم ومخباك فاضي

خل زوجتك تصحيك من النوم قبل الفجر

وتقولك أن طفلك ما عنده حليب

دق الشماغ ولف على جيرانك

دور سلف.. علشان تشتري حليب لطفلك
الجميع بيطردك لأنهم طفارى

انس انك ملك وأرجع للبيت

بتدخل على أنغام بكاء طفلك

عندها ستحتقر نفسك وانت عاجز عن اشباع طفلك

عندها ستلعن اليوم اللي انولدت فيه

عندها ستلعن اليوم اللي انولد طفلك وصرت مسؤول عنه

عندها ستضمه وستبكي من القهر

ستنزل دموعك وتحس بطعم الدم في حلقك


تذكر طال عمرك يوم حنا صغار وش كانو يقولون لنا

كانو يقولون الرجال ما يبكي

عيب تطلع دموعه

صرنا نصيح عادي

البكاء صار ملازم لنا

والسبب كومة لحم (أطفال ونساء) في رقبة الواحد

يبكي لأنه عاجز عن توفير الحياة الكريمة لهم

بس ودي أقولك شي قبل ما أروح أصيح


تدري وش معنى الرجل يبكي قدام زوجته وأطفاله
معناها تساقط كل قيم الرجولة اللي تعلمناها في طفولتنا


معناها إحساس المرأة بالانكسار وعدم الأمان

معناها خنوووووع ما بعده خنووووع للظروف القاسية اللي وضعنا فيها

معناها أمور كثيرة ما راح تفهمها.

ارسلها لكل من تعرف عسى ان يصل صوت المعاناه الى مليكنا

فيعرف مدى سعادتنا وفخرنا بوطنيتنا


منقوووووووووووووووووول

محمد2242 19/02/2008 01:55 AM

اشكرك على النقل بس....................

لا تعيق بصراحة وانا اختلف مع كاتب الموضوع اختلاف كلياً

الحمدلله على النعمة والخير الي احنا فيه على الاقل احسن من غيرنا وبصراحة الكلام يطول في مثل هالمواضيع

:::::ومضة::::::

سؤال ؟ ليش الواحد الي على قد حالة ما يعترف انه على قد حاله يعني لازم جوال وسياره اخر موديل
وساعة ماركة و و و و و و الخ...
ياليت احد يجاوبني !

لمعة الزعيم 19/02/2008 07:56 PM

إقتباس:

الرسالة الأصلية كتبت بواسطة محمد2242 (مشاركة 7802449)
اشكرك على النقل بس....................

لا تعيق بصراحة وانا اختلف مع كاتب الموضوع اختلاف كلياً

الحمدلله على النعمة والخير الي احنا فيه على الاقل احسن من غيرنا وبصراحة الكلام يطول في مثل هالمواضيع

:::::ومضة::::::

سؤال ؟ ليش الواحد الي على قد حالة ما يعترف انه على قد حاله يعني لازم جوال وسياره اخر موديل
وساعة ماركة و و و و و و الخ...
ياليت احد يجاوبني !

مرحبا أخوي

مشكووووور على مرورك

طيب واللي يعانون من نقص في توفر المواد الغذائية ( الضروريات ) بسبب ارتفاع الأسعار ومايهمهم أبداً ماركة ساعاتهم او جوالاتهم أو سياراتهم ( الكماليات )

أيش يسووون ؟؟؟؟؟؟

واحنا كشعب عايش في ظل ميزانية مرتفعة ولله الحمد وبترول وافر مفروض مايمر عليه يوم يحس بنقص في المواد الغذائية أو غلاها ............

لا تعليق أكثر

great.terry 20/02/2008 09:01 AM

بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه


عاد انا ما قاهرني الا هذي
و ليته يبين بعيونهم
الا انواع الاهانات

fuad29009 20/02/2008 10:15 AM

لاتعليق..................................................................................


الوقت المعتمد في المنتدى بتوقيت جرينتش +3.
الوقت الان » 07:02 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd