|
@@ صـجـيـتـونـا ... ازعـجـتـونـا ... ذلـيـتـونـا @@ السلام عليكم جميعا :) موضوعي باختصار وبدخل فيه على طول ... مواضيع الجماهير كثرت ..... كل واحد يمدح جمهور منطقته ويسب جمهور الرياض ... وكل شوي طالعلنا موضوع وين جمهور الرياض والله انكم تفشلون !!! وكل ما صارت مباراة خارج الرياض الكل يقول الله يعين جمهور الرياض على الانتقاد والسب !! ****************************************************************** يا شباب واللي يرحم والديكم سويتو قلق للمنتدى كله .... كلنا اخوان ... وكلنا نحب الهلال ... وكلنا نعشق التشجيع وتحميس الاعبين ... مرات الهلال يلعب باسبوع اكثر من مباراة ... اذا لعب الفريق الاول وما حضرنا بننجلد من كثر الانتقاد ..... اذا لعب الاولومبي نفس الشي ... اذا لعب الشباب والناشئين نفس الشي ... يعني لو فيه خمس مباريات بالاسبوع لجميع الدرجات !! يبونا نحضرها كلها والا نتحمل الانتقاد والمشاكل والهواش !! المشكلة ان فيه ناس ما تقتنع ان 5000 مشجع ممكن يملون ملعب برا الرياض ... واذا حطيتهم بملعب الملك فهد ما يعبون نص الواجهة ... وبرضو يبون كل الجمهور يقعدون جنب بعض ويحاشرون بعض ... ياخي فيه ناس تحب تقعد بالهدوء وراء البيبان ... فيه ناس بالدرجة الاولى والممتازة ... فيه ناس مع الرابطة .... انتم ما تناظرون الا اللي بالواجهة وبس !!! فيه ناس ما تقتنع ان الرياض من مدن المملكة الرئيسية وهي العاصمة ... يعني تلقى كثير من اهل الرياض عنده الف شي غير الملعب ... الرياض مليانة موب مثل بعض المناطق ... كل المنطقة ما تجي ربع الرياض ... يعني فيه ناس عندهم دوامات وشغل قلق وقت المباراة ... يعني حتى ما يمديه يشوفها بالبيت !!! فيه ناس مشغولين مع اهاليهم بغض النظر عن طبيعة الانشغال ... فيه ناس بعيدين واجد عن الملعب وما يمديهم يروحون ... فيه ناس قدرتهم المادية ما تسمحلهم يحضرون مباراتين او ثلاث باسبوع ...!! تخيل واحد عنده خمس اخوان ... يا كلهم يروحون يا كلهم يقعدون ... متوقع انه بيدفع 100 ريال هو واخوانه كل مباراة ... والله ابوهم لا يكرشهم :d فيه وفيه وفيه ... وبالاخر اقول لكم ... التمس لاخيك عذرا !! يا اخي ما تدري وش ظروف الناس لا تلومهم وتهاوشهم !! تكفووووووووووووووون لا تسوون قلق ... كلنا اخوان وجماهير الرياض حتى وان غابت بعض اللقاءات ... لكن عمرها ما تاخرت عن الحضور بلقاءات الحسم .... واقصد بلقاءات الحسم اللي يكون الجمهور له دور بالحسم قبل الاعبين ... .... مختصر الموضوع .... خلاص يكفي قلق ... يكفي تعصب وعنصرية ... يكفي ننتقد بعض .... جمهور الرياض هو جمهور الهلال جمهور الغربية هو جمهور الهلال جمهور الشرقية هو جمهور الهلال جمهور نجران ... تبوك ... القصيم كل مناطق المملكة هم جمهور الهلال ... صدقوني بعض الجمهور من كثر انتقادكم يعاند وما يروح للملعب ... مثلا اليوم مباراة الهلال والاهلي بجدة ... تلقى مواضيع بالمنتدى شوفونا اليوم يا جمهور الرياض ... تلقى الواحد يمن علينا انه بيحضر ويهاوش ... ياخي المباراة بجدة ومشكور انك بتحضر وش دخل جمهور الرياض تهاوشهم !!! @@@@@@@@@@@@@@@@@@@@@@ @@كـــــــــــــــــــلــــــــــــــــــــــنــــــــــــــــــــــا اخـــــــــــــــــوان@@ @@@@@@@@@@@@@@@@@@@@@@ تحياتي للجميع وبالتوفيق للهلال :) قفلة : اتمنى من المشرفين حذف جميع المواضيع اللي تدعو الى العنصرية بين جمهور الهلال الحبيب :) يبقى الهلالي ذوق في كل الاحوال ..... من مستوى ذوقه تحدد ميوله :clap: خلوكم ذوق :clapping:s13s |
قفلة : اتمنى من المشرفين حذف جميع المواضيع اللي تدعو الى العنصرية بين جمهور الهلال الحبيب :) |
مع أني أوفقك من حيث المبدأ <<<<< حلوة من حيث المبدأ. ولكني أختلف معك في أن من واجبات الجمهور اللي يحضر الملعب أن يساند اللاعب مش يقعد كأنه يتفرج على فيلم سينيمائي وإلا مسرحية. |
بيض الله وجهك وصح لسانك |
مشكورين على المرور :) اخوي هلال ليبيا:) انت ما تتخيل الوضع ... الرابطة اذا ما كانت بالواجهة بين جمهور الهلال والله ما يستفيد منها الا اللي حولها ... لان الجمهور اللي بالملعب ما يسمع كويس بالمايك حق حقوي خصوصا اذا فيه اهازيج جديدة شلون بيرددها الجمهور !! تبغى الجمهور يتفاعل ... خل حقوي والرابطة يجون وسط الجمهور ... الحق يقال حقوي والشباب اللي معه ما يقصرون ... لكن والله بعيدين وما يمدينا نسمع شي ... |
إقتباس:
دمتم بزعامة |
اليوم ان شاء الله على الملعب من بعد المغرب |
كلنا نتفق على حب الهلال |
أخوي نحن لا ندعو إلى التعصب بل نحن نوعي ونحث عل الحضور وفق القدرة والاستطاعة فقط لا غير .. وإن وجد الكلام الذي تفضلت به فهو موجود في فئة متحمسة وهي ترى فريقها يلعب أغلب مبارياته في الرياض والحضور أقل من عادي .... |
أحترم فيك روحك العاليه فلم تكن متهجم جدا رغم بعض التحامل الذي أبديته الذي ينبع من حبك لجميع الهلاليين وخوفك عليهم وأعتقد أنك لو كتبت موضوع ولو بقليل من التعابير لتجنبت ذك ............. أقدر إنشغالتكم . أقدر ضروفكم مهما كانت . أقدركم ويكفي أن نادي الهلال عندكم . أتفق معك في أكثرية ماقلته لولا بعض الجمل التي تمنيت ألا تكتبها . يكفي أن الزعيم يأتينا مرات تكاد تعد بالأصابع ويلعب عندكم مرات كثيرة بل نصف مبارياته في السنه في أرضكم أتمنى ألا تغضب من الإخوان لأنني على يقين أنها لاتخرج عن نطاق عتاب محب أو لعلها من باب التنافس على تشجيع الزعيم وتشجيعكم للحضور تمنياتي لك وللزعيم بالتوفيق ............. مستشار الهلاليين |
^^^^^^^^^ اخواني اللي فوق :) الكلام اللي قلتوها هو احد اهم اسباب غياب الجمهور ... وهو ان الهلال دايم موجود بالرياض ... الحين انت تشوف الناس وقت الربيع كلها تروح للبر عشان طبيعة الجو الحلو ... لو الربيع طول السنة !!! هل تتوقع ان الناس طول السنة بتكون بالبر !! انتم ما يجيكم الهلال الا مرة او مرتين بالسنة ... عشان كذا لازم تستغلون الفرصة .... وهذا الفرق :) يعني يوم جاء مانشستر ... كثير ناس اسغلو جيتهم للرياض وراحو للملعب ... مع انهم موب هلاليين بس عارفين ان الفرصة ما رح تتكرر .. اتمنى الصورة وضحت لكم واشكر مروركم جميعا :) |
والله انك صااادق وحنا نفرح كثير اذا شفنا جمهور كبير للهلال خارج ارضه لانهم كلهم يمثلون الهلال و يعشقون الهلال اما بخصوص جمهور الهلال بالرياض صح الكثير منا مقصر وانت ممكن قلت بعض الاسباب بس ان شاءالله مباريات الهلال القادمه راح تشوفون الحضور الجماهيري |
أقول بيض الله وجهك و كثر من أمثالك و الله لا يحرمنا من مواضييعك |
قفلة : اتمنى من المشرفين حذف جميع المواضيع اللي تدعو الى العنصرية بين جمهور الهلال الحبيب :) |
يعــطيك العااافيه .... <<< بس يضل جمهـور الرياض هـو جمهور الوفي >> بيتصفق !!!!! أمزح وجميع المواضيع ماطرحت إلا حبا بالهلال .. |
| الوقت المعتمد في المنتدى بتوقيت جرينتش +3.
الوقت الان » 08:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd