|
قصتي مع رهيـــــــــب 2000 عندي جهاز قديم ومغبــر بس وش المشكله ناسيه رمز الحمايه يعني لو ادخل اي شريحه فيه يقول ادخل رمز الحمايه طبعا" حضرة جنابي ناسيته تدرون وش سويت رحت لهذا الموقع http://nfader.z-host.ru/ وقال ادخل رقم IMEI طبعا" كلنا نعرف ان اي جهاز متطور فيه رقم IMEI لكن رهيــب 2000 مافيه IMEI فيه 15 رقم من خلف بعد ماافك البطاريه وكتبته اكثر من مره يقول لي البرنامج IMEI is incorrect! طيب وش اسوي طقت تسبدي ومليــت ابي حل للعلم لااحد يجي يقول اكتبي*#06# لأني صعب اشغل الجهاز وانا مااعرف رمز الحمايه للعلم الرقم المكون خلف الجهاز هو 490520607147859 |
هههههههههههههههههه رحمتك انتي والرهيب حقكـ ان شاء الله يساعدونك ,,, |
ههههههههههههه الله يكون في وعونك والله اني رحمتك كان ودي اساعدك بس مافي اليد حيله وش اسوي |
حلي انتس تروحين تشترين جوال جديد ,, بدآاله’’ عشان تقهرينه خخخخخ للاسف والله كان وديـ اخدمتس بس ,, ما اعرفــ,, |
:stoned: للعلم لا ترحموني كثير لأن عندي خمس أجهزه 1_ رهيـــب 2000 2_ المملكه 3_ e50 4_ بيبي شاعر المليون 5_ بيبي n73 ولكـــن لحبي الشديد بجهازي لان افرط فيه لأنه غالي علــي بس ابي مساعده منكم تكفوووون الفزعه |
بس خمس اجهزه اجل وش تبين بالرهيب تبيعين خخخخخخخخخ |
أفضل حل (الزباله) وأنتم بكرامة |
والله يآلغلا مآله حل,, /.. ألا تودينه لآقرب محل صيانه ويضبطه لك هو,, انا قلت كلامي لآني أفهم بالجوالات,, دام الجوال غالي وديه لمحل وهو بدقيقه يضبطه وخلصنا,, :: سي يآ |
هلا وغلا اختي بنت الزلفي ,, شكل جوالك زعلان عليك لانك مطنشته من فتره وتوك ترجعين له ,, مالك الا تروحين لمحل جوالات ويحلون المشكله لك باذن الله ,, تذكرت المثل . قديمك نديمك .. |
روحي لمحل ضوء القمر<<<<<اذا كنتي ساكنه بالزلفي |
^ ^ حطيه فـيه سسطـل مـــوٍوٍيــه بآذن الله مرآح يفتح الجهآز معك كله :) |
إقتباس:
:surprised: ضوء القمر ايه اعرفه متاكد يعرفون يصلحونه |
إقتباس:
بس والله عن 1000 جوال فيه حركات ماتلاقيها في اي جوال بس لو مقدرت افتح رمز الحمايه مظطره اجيب واحد بداله بس يكون رهيب 2000 |
وش ذا الحب المنقطع النظير <-- ترى متعوب عليها :d لا عاد صتز (صدق) وش ذا الحب :surprised: ... أنا معك أن رهيب 2000 قوي على أيامه وكان ماسك السوق حتى يوم طلع الفيصيلة و المملكة كان مطلوب هو مسكت و النورس <-- يحس بغبار يطلع مع حلتزه (حلقة = أي البلعوم) :d لكن الحل الوحيد و الأكيد تايد بالتأكيد <-- بايخه :d مالك إلا تبيعينه <-- هذا إذا لقيتي من يشتريه :razz: لكن إذا ما تبين تفرطين فيه طفيه وفكي الشريحه وخليه يخلد معك :d واشتري لك رهيب ثاني <-- إفلقيني إن لقيتي رهيب في المحلات هاليومين :razz: هذا وصلى الله وسلم .. والله أعلى وأعلم :d |
إقتباس:
إقتباس:
أجل حلزك :jawdrop: <<<<< كنه حلزك وهو طالع منه الغبار ادري ان الجهاز قديم ومغبر بس انا جهازي نظيف وماجاسه غيره الله يقلع اللي اخترع رمز الحمايه :wallbash: أقول دامك تعرف تصمم وش رأيك تصمم لي توقيع زوين s60s |
| الوقت المعتمد في المنتدى بتوقيت جرينتش +3.
الوقت الان » 04:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd