السلام عليكم ورحمة الله وبركاته
بسم الله الرحمن الرحيم
في البداية حاب اشكركم على منحي وسام التميز للمره الثالثه 
اولاً أتمنى الفوز هلالي وان شاءالله الهلال رااح يحقق الفوز في المباراة
ويحقق الثلاث نقاط .. المباراة رااح تكون كانها نهائي الفوز ولا غير الفوز شي ثاني
الهلال بيدخل المباراة عليه ضغوط .. وأتمنى من الاعبين التركيز في المباراة وأتمنى
انهم مايستعجلون اهم شي .. نركز ونحافظ على شباكنا ونلعب على اخطأهم ونستغل
نقاط الضعف في الفريق الاهلاوي .. ونركز على نقاط القوة في الفريق الاهلاوي ونحاول
ان حنا نحد منها .. الكل يعرف ان الاهلي السنه هذي مهوب الاهلي العام وسط الأهلي
هو نقطة ضعف الفريق الأهلاوي كايو ماهو كايو العام صاحب العبدالله مستواه نازل
تيسير مستواه ايضاً نازل المحاور الأهلاويه تعتبر هجومية أكثر من انها دفاعيه وأتمنى
ان المدرب يستغل النقطه هذي ويكثف الوسط الهلالي ويقسم الوسط الهلال لـ قسمين
قسم للدفااع وقسم للهجوم مثل التائب والشلهوب مهامهم هجومية فقط عزيز الغامدي
الغنام مهامهم دفااعيه فقط ان شاءالله الهلال راح يحقق الثلاث نقاط وأتمنى ان نحقق
الثلاث نقاط باقل مجهود ممكن ..،
/:/ 
/:/ المحور الأول : مامدى تأثير ضغط تقارب أيام المباريات وصراع الفريق
على كل جبهات البطولات في المقابل يدخل الفريق الاخر (الأهلي) بطموحات أقل بكثير من (الهلال)؟
لذلك هل تتوقع ان يؤثر ذلك الضغط بشكل (سلبي أو ايجابي ) على الفريق؟
/:/ /:/ صراحه انا لا استغرب من الاتحاد السعودي هذا التخبط وأكبر مثال فريق يلعب مباراتين
ورى بعض كل مباراة تفرق عن الثانيه يوم واحد ! لاعبين الهلال دائم مايطلعون ويصرحون
ان الدوري ارهقنا وان المباريات ورى بعض وشفنا التائب كيف تعرض لأصابة في مباراة
الحزم بعد ان تأثر من تمديد المباراة لـ شوطين اضافين التائب ماقدر يكمل المباراة لانه
الجمعه لاعب قدام النصر مباراة خروج المغلوب والاربعاء لعب قدام الحزم ايضاً خروج
المغلوب والاثنين رااح يلعب قدام الاهلي مباراة تحديد المصير اي نقطه يفرط فيها الهلال
راح يفرط بالدوري اعتقد انه الفرق السعوديه عانت من الارهااق وهذا الشي راح ينعكس
على المنتخب السعودي وعلى قوة الدوري السعودي أكبر مثال الاهلي يعتمد على الاعبين
صغار السن امس شفنا الاهلي لاعب في بطولة كأس الامير فيصل بن فهد يعني الاهلي تبونه
يلعب لاعبين صغار في السن من قطاع الشباب او الناشئين او انه يرهق لاعبينه او انه ينسحب
من البطولة !! أكيد رااح يأثر على الفريق الهلالي والفريق الاهلاوي ايضاً وشفنا كيف تأثر
طارق التائب من ضغط المباريات وكيف كنا راح نفقد أفضل لاعب هلالي في اهم وقت في
الموسم السعودي أتمنى من الاتحاد السعودي ترتيب جداول المباريات واذا هم ماعندهم
الامكانيات انهم يضعون جدول مرتب مهوب مشكله اذا استعنا بأختصاصين مثل الدوريات
الاوروبيه فيه ناس مختصين بالاشياء هذي وأكبر مثال الدوري القطري الي مايعاني الا من
بطولة كأس اسيا لان ايضاً بطولة كأس اسيا غير مرتبه وماتدري متى تلعب الا مع بداية الموسم
/:/ /:/ المحور الثاني :وماهي الخطة المناسبة التي ينبغي على المدرب البداية بها؟
وماهي افضل تشكيله المتوقع الزج بها من قبل مدربنا كوزمين؟
/:/ /:/ الخطه الانسب للفريق الهلالي يوم الاثنين ان الهلال يهاجم وبنفس الوقت يدافع ولا يقبل
هدف في مرماه ان شاءالله المدرب يلعب بتكتيك ويكون الدعيع بالحراسه واربعه مدافعين
قدامه وثلاث محاور مهامهم او 85 بـ % دفاعيه ويكون التائب والشلهوب متفرغين لـ صنع
العب ومساندة القحطاني ويكون عبدالله الزوري ومسفر القحطاني مساندين للهجمه الهلاليه
يكون الهلال هو الي راح يمسك العب ويتحكم بالمباراة ويكون عنده كذا حل انه يلعب ويهاجم
مع العمق او مع الاطراف لان لما يتقدم عبدالله الزوري يكون خالد عزيز مغطي مكانه ولما
يتقدم مسفر نفس الشي يكون الغامدي او الغنام مغطي مكانه وبالتكتيك هذا راح الهلال يمسك
العب ويتحكم بالمباراة وراح يكون مثل ماقلت يهاجم من الاطراف ومن العمق أتمنى المدرب
يجرب الخطه هذي وصراحه المهاجم الكنغولي ليلو الهلال مايستفيد منه كثير يعني نشوفه
يضيع كور سهله لعبه خلاص صاار معروف يعني اذا مسك الكوره لازم يسحب وبــطريقته
المعروفه مراوح بعدين يلف يسار طيب كل مره كذا شي طبيعي الفرق الثانيه رااح تعرف له
او اذا المدرب بيلعب 4 .. 4 .. 2 يلعب بدر الخراشي ماشاءالله تبارك الله لاعب يعرف وين
يتمركز يعني متى بياخذ الفرصه !! لاعب اعتقد انه احرج المدرب اي مباراة يلعبها يسجل
هدف اذا الهلال يملك لاعب بامكانيات ياسر يقدر يرجع ورى ويصنع لعب ليه مايكون فيه
مهاجم قناص يعرف وين يتمركز ويعرف كيف يسجل حتى لو كان محظوظ اسي ميلان الايطالي
جاب بطولة اوروبا للانديه بعد ماشاتو كوره وصدمت بالاعب انزاجي ودخلت قول مع ان الاعب
انزاجي كان يتمشا بالملعب اهم شي في المهاجم انه يسجل الاهداف وماشاءالله على بدر مكينة
اهداف ومثل ماقلت الهلال يملك لاعب يسجل ويصنع ويزعج ويراوغ ويملك لاعب يتمركز ويضرب
بالراس ويسجل من انصاف الفرص مثل الاعب بدر الخراشي /:/ /:/ افضل تشكيلة في نظري انا
محمد الدعيع
عبدالله الزوري .... ماجد المرشدي ..... مارسيلو تفاريس ..... مسفر القحطاني . خالد عزيز ..... الغنام ..... عمر الغامدي . محمد الشلهوب ....
.... طارق التائب . ياسر القحطاني /:/ /:/ المحور الثالث: ماهي نقاط ( الضعف و القوه )في الفريق المنافس ليتم التركيز عليها؟
ومن اللاعب الذي ترى ان يستخدمه المدرب كـ ورقه رابحه وفق مجريات المباراة؟
وهل هناك ملاحظات لـ (الحارس - الدفاع - الوسط -الهجوم) لفريق الهلال في اخر مباراة
ترى بأنه يجب تصحيح الوضع فيها قبل المباراة القادمه؟
/:/ /:/ نقاط الضعف في الفريق الاهلاوي هي قلة الخبره واهم نقاط الضعف محاور الفريق الاهلاوي
محاور الفريق الاهلاوي تيسير وصاحب مهامهم الهجومية او ابداعهم في الهجوم افضل بكثير
من الدفاع واتمنى المدرب يركز على النقطه هذي انه يستغلها ويحاول يحد من خطورة الاعبين
الاهلاوين .. ايضاً نقطة ضعف واضحه ودائماً ماتستغل هو حارس فريق نادي الاهلي ياسر
دائماً يخرج بالتوقيت الغلط ودائماً تدخل اهداف على فريق الاهلي من الشي هذا واكبر دليل
هدف العراق على السعوديه في كأس اسيا على النهائي من ضربة زاويه نقطة ضعف واضحه
جداً في حارس فريق نادي الاهلي أتمنى استغلالها .. اما الورقه الرابحه دائماً اقول بدر الخراشي
او الاعب ليلو امبيلي لما يتقدم الهلال اتمنى المدرب يزج بالاعب هذا لان الاعب هذا مزعج
يعني يسحب محمد الشلهوب ويدخل ليلو لانه رااح يثبت الظهير ورااح يحتفظ بالكوره مع انه
راح يفقدها في الاخير لكن نستغله في الحد من تقدم الاظهره وفي المحافظه على الكوره وسرعته
الوسط فيه كذا ملاحظه عمر الغامدي عمر الايام هذي فاقد الكثير من مستواه ومهوب عمر
الي نعرفه يعني صار يحتفظ بالكوره كثير صااير يحاول يسوي جمل مهاريه ! مع ان عمر
كان من أفضل الاعبين محافظه على مستواه يمكن المدرب المباريات الي راحت ماكان يطلب
من يغطي او يدافع لكن عمر ماشاءالله تميزه لياقته ولما يكون في خانة المحور تلاقيه يمين
ويسار وكان هو وخالد عزيز من افضل المحاور ومازالو لكن عمر اخر ثلاث مباريات نزل مستواه
واتمنى انه يلتفت لـ نقطه هذي اما الاعب فهد المبارك الاعب فهد صحيح لاعب مهاري ولكن
وش نستفيد من المهاره اذا ماكان فيه باصات او اوفرات او تمرير قصير يعني فهد المبارك كلنا
شفناه لما فك كورته قدام النصر وشفنا كيف ياسر كسب بلنتي لـن فهد ماتفلسف بالكوره كسبنا
بلنتي وهدف لكن شفناه قدام الحزم كان الشلهوب على يمينه وياسر على يسااره لو يمرر الكوره
راح ينفرد ياسر او الشلهوب وشفناه كيف حاول يمر من مدافعين ! وانقطعت الكوره وشفنا المدرب
كوزمين كيف عصب وتنرفز من الفلسفه الزايد اما الاعب ليلو والله مدري هو اساساً كله ماقتنعت
فيه عشان كذا مادري وش اقول ووش اخلي ! أتمنى من المدرب انه يوجه الاعبين ويفهمهم اخطاهم
وان شاءالله راح يتداركونها بأذن الله /:/ /:/ المحور الرابع : ماهي توقعاتك لنتيجة المباراة ( _ & _ )
مع ذكر رؤيتك الخاصه عن ماهو متوقع من احداثها(( مساحه حره للعضو ))
/:/ /:/ اتوقع المباراة راح يكون فيها اهداف واتمنى انها تكون من صالح الهلال اتوقعها
3 ــ 2 للهلال اتوقع ان راح يكون فيه طرد على احد لاعبين الاهلي لـن اهم شي
يستفيد منه الفريق الاهلاوي قدام الهلال انه يكسر ويضايق الاعب طارق التائب
ولاعبين الاهلي صرااحه مندفعين واتوقع انه راح يكون فيه طرد لأحد لاعبين الاهلي
وان شاءالله يستغله الفريق الهلالي اذا حدث الطرد *_* واتوقع ان الشلهوب راح
تكون له بصمته في المباراة وراح يبدع الاعب عبدالله الزوري كالعاده اما التائب
اتوقع انه رااح يختفي في المباراة هذي لـن مثل ما قلت لكم لاعبين الاهلي يتقصدون
كسرت التائب والتائب رااح يخاف من الاصابه ورااح تقل ابداعاته /:/ /:/ المحور الخامس: ((ما هي رسالتك للجمهور)) لـ حضور المباراه والمسانده لدعم الفريق والوقوف معه ؟
/:/ /:/ اتمنى من جمهور الهلال في المنطقه الغربيه مساندة الهلال كلنا شفناكم في اعتزال سامي
الجابر وبيض الله وجيهكم قطعتو الفين كيلو عشان تحضرون المباراة الحين المباراة عندكم
وفي ملعبكم الي تحبونه وتحضرون فيه دائماً الهلال المباريات الاخير رااح تكون مثل مباريات
النهائي كانه يلعب على كأس لآن اي نقطه يفرط فيها الهلال رااح يفرط بالدور أتمنى مساندة
الفريق وأتمنى ان حقوي يقعد مع الجمهور الهلالي مايكون في المدرجات المقابله عشان يتحمس
الجمهور ويساند الفريق الهلالي وماشاءالله جمهور الهلال في المنطقه الغربيه ما يحتاج توصيه
دائماً يقف مع الهلال ويشجع من بداية المباراة الى نهايتها /:/ /:/ هامور البورصه 
. . 
█ الحوار المفتوح █ ماقبل مباراة ● الأهلي×الهلال ● ( آرائكم و توقعاتكم) 
VS 
بالحيوية حتى في دكة البدلاء 
الوضع العادي
