بسم الله الرحمن الرحيم


السلام عليكم ورحمة الله وبركاته


مساء/صباح...الخير لجميع اعضاء وزوار منتديات شبكة الزعيم......اما بعد



كان يا ما كان في قريب الزمان في يوم من ايام سنة 2006 الميلادية..

ظهر رئيس نادي الهلال السعودي....الأمير محمد بن فيصل ...حفظه الله ورعاه... ليتكلم عن حفل سيقام لنادي الهلال بمناسبة مرور 50 عام على تأسيسه...وهو ما يسمى بــ( اليوبيل الذهبي )...

وكان الموعد المقرر لأقامته والذي يتزامن مع مرور الخمسين عام هو في سنة 2007 !!

وكان في مناسبات كثيرة يذكر الجمهور بهذا الحفل ويتوعد بحفل كبير يتناسب مع مكانة نادي الهلال..والبطولات التي حققها خلال مسيرة الـ50 عام..

ففرحت كثيرا الجماهير الهلالية واستبشرت خيرا...

فمنهم من قال : ( شكله بيصير حفل مو طبيعي , والله لأحضره لو اني في المريخ)..

ومنهم من قال: ( الحمد لله انه جاء في وقت رئاسة محمد بن فيصل..لأني اتوقع يسوي حفل كبير عشان يسكت الجمهور اللي نسوا انه جاب 5 بطولات للزعيم )...

ومنهم من قال : ( ان شاء الله يجيب نادي عالمي كبير عشان نفرح اكثر )..

وغيرهم كثير.....وكان الشارع الرياضي كله يتكلم عن هذا الحفل الذي سيقام , بل كانوا ينتظرونه على

احر من الجمر لكي يستمتعوا به وبالفريق الذي سوف يأتي..الكل كان يتكلم عن هذا الفريق الذي سوف

يأتي والكل كان يمني النفس بأن يحضر فريقه المفضل..فهذا يريد برشلونة وذلك يريد الريال وذاك يريد

تشيلسي واخر يريد الانتر وهناك من يريد مانشيستر...ولكن اكثر الاخبار كانت تقول ان برشلونة هو

من سيحضر,

وفي منتدى من المنتديات كان يقول ان نجوم السامبا كلهم سوف يحضرون!!!...

مرت الأيام وانقضت سنة 2006 بخيرها وشرها ....

ودخلنا في سنة 2007... زاد الفرح زاد الاشتياق زاد الوله..انها السنة الذي سيقام بها الحفل..نعم

اقترب الموعد .... ياالله كيف سيكون الحفل يا ترا؟ من سيأتي بالضبط؟؟ متى الموعد بالتحديد؟؟

هذا الأسئلة كانت تأتي في ذهوننا تارة وتذهب تارة.......... ولكن لا اجابة سوا ( انتظروا)..

انتظروا...بسيطة انتظرنا عام والحين احنا في العام اللي سيقام فيه الحفل يعني عاادي ننتظر!!..

ليه كم بننتطر؟؟ شهر شهرين ثلاث اربع..ان شاء الله يكون في نهاية السنة..

وفجأة اتت مفاجأة للجمهور الهلالي..الا وهي توقيع شركة موبايلي مع نادي الهلال السعودي عقد

رعاية للنادي بقيمة 200 مليون لمدة اربع سنوات ...

زادت الفرحة فرحتين .... والله عقد خيالي ويستاهل الزعيم....

وراحت الأيام والناس مع موبايلي والهلال .......

وهنا الفاجعة الكبرى!!...انتهت سنة 2007 يعني لا حفل ولا خرابيط..

ونست الناس الحفل التاريخي...ونسوا مسيرة الـ50 عاما الحافلة بالانجازات الخيالية ...

ولكن يبدو ان الــ200 مليون انسوا محمد بن فيصل وبعض جماهيرنا الحفل...

لا ألومهم فهي 200 مليون يعني بالعامية وبلغة الفقراء ( فلوس واجد )..!!

كتبت هذا الموضوع لأعبر عن مافي داخلي من حزن على عقولنا التي استخفوا بها ....

ولكن الشكوى لله....فتوقيع عقد بـ200 مليون وجلب 5 بطولات = مهزلة بالكيان الهلالي..

وبيني وبينكم... اذا سألكم احد عن موعد الحفل..انصحكم بالأجابة عليه: ( كيف الحال؟!!)

.. والسلام عليكم ورحمة الله وبركاته

كل عام وانت بخير

كيف الحال >>>من جد نسينا الحفل

saja وانت بألف خير

انت في وادي واحنا في وادي..


روووووح الهلال...اقولك الشعب كله يعني جت عليك انت..


مشكورين

إقتباس الرسالة الأصلية كتبت بواسطة نواف البريكي saja وانت بألف خير انت في وادي واحنا في وادي.. روووووح الهلال...اقولك الشعب كله يعني جت عليك انت.. مشكورين

طيب ياخوووووووي وانا وش قلت

كل عام وأنت بخير فيها شيء غلط

وش سالفة الأعضاء اكثرهم مكهربين

طيب ولا تزعل كل يوبيل وأنت بألف خير

خلاص يا ساجا كلش ولا زعلك ...انا اسف


الرحال.. شف يالأخ اللي مو كفو يسوي حفل زي رجال مساعد... لا يتكلم ويسافر ويحرج نفسه..

وبعدين من طلب حفل؟؟؟؟


الحفل المفروض يقام سنة 2007 ........... يعني( كيف الحال)

انا اشوف لاإستخفاف ولا هم يحزنون
المسألة ومافيها تفاوت في مستوى عقليات الاعضاء
ولا أحد يفضل حفل أستعراضي على خمس بطولات وعقد بمبلغ خيالي أتوقع أن الهلالي خاصة والعاقل عامة يعرف وش يفضل وش اللي يفيد النادي

كيف الحال كل عام وانت بخير تبطي حفل

كل عام وانت بخيير

انا نسيته

وخلاص ما فكرتبه

انا اشوف لاإستخفاف ولا هم يحزنون
المسألة ومافيها( تفاوت في مستوى عقليات الاعضاء )<<<< وش دخلها
ولا أحد يفضل حفل( أستعراضي على خمس بطولات)<<< من وين جبتها؟؟ وعقد بمبلغ خيالي أتوقع أن الهلالي خاصة والعاقل عامة يعرف( وش يفضل وش اللي يفيد النادي) <<< من اللي قارن ذي بذي؟؟






دشناوي....كيف الحال؟؟ وش تقول انت..والله ما تدري وش السالفة؟

ارجو اعادة قراءة الموضوع بوضووح..

الظاهر ان الموضوع طاح عليه جدار يعنى نسوا أو تناسوا ,
واذكر وقتها حطو مسابقه تصميم لافضل شعار للمناسبه ولاادري وش صار عليها هم اعلنوا صاحب افضل تصميم للشعار الفائز .
وبالاخير اتمنى ان توجه هذا الطرح الى ادارة المنتدى لعل وعسى ان يكون هذا الطرح مسموع لدى المسئولين في النادي.