..][.. فريقنا فريق الـ(ـحـ)ـالمية (( يــنــدك )) بخماسية ..][.. طلّع حرتك ..][.. - صفحة رقم 11 - نادي الهلال السعودي - شبكة الزعيم

AC_MadriD_UTD · #151 16/02/2008, 01:14 AM

إقتباس

الرسالة الأصلية كتبت بواسطة zezoo00oo


	شباب اللي لعبوا افزعولي تكفوون

زيزو .. خذ الكلام مني .. بما إني أقرب واحد للحفلات اللي صارت البارح خخخخخخخخ

اللي سجّله أبو نظّارات .. وكان باك يسار .. بس يشهد الله الرجال ما قصّر طول المباراة

ألا بسألكم .. أبو أخضر اللي لقم هامور كبري

.. منهو ؟!

الكلاسيكي · #152 16/02/2008, 01:35 AM

<< هذا المشرف جاي يتريق ثانيه

سليمان ورا ماتقفل الموضوع ..

عاجبك ان الاعبين والجمهور يتذمرون منكم ..
مسويين ديموقراطيين .. اقول لو منكم ياللاعبين مثل ماطالب البطل فارس الزعيم!!
باقالة اسير طالبوا معه .. بس لاتتعاقدون معي جتني عروض من الجمهور

بعدين ابعرف منهو اللي لابس نظارات برواز ابيض !!

ومن اللي دخل ولابس اخضر !! صاير كنه اشاره متحركه في الملعب

وابعرف من الطويل اللي يتحرش .. للحين متحمس ابعطيه انذار وينه

هلالي الجنوب .. المره الجايه نبغى نشوفك حارس << تراه عرفك

وحارسكم والله بطل .. بس من قالوا جمهورنا شرفي وهو كاب العفش

اجل كيف زحلطن الهدف الاول .. !! مدري كيف حسيت اني اطالع لقطات طريفه

ماعلينا .. بجد ترا اللي فوق مزح .. وانا اقول لكم ثانيه ترا ودنا مسلمين عليكم كلكم
وكان ودنا انكم جايين معنا للاستراحه لكن اعتذر اسير واعتذرتوا كلكم ..

وابو صفاق اكسافي من اول دقيقه وهو مسوي مصاب ..
المباراه الجايه صرفوه قولو المباراه في استاد الملك فهد

دمتم .. ع فكره .. لو مالقيت نظارتي ترى انتوا بتدفعون قيمتها

لان الشكوك تدور حول سليمان .. لاني شفت عليه نظارات قلت شكل هذي نظارتي

دمتم بود .. وتقبلوا احترامي .. ورده

فـارس الـزعـيـم !! · #153 16/02/2008, 01:59 AM

إقتباس


	اقول لو منكم ياللاعبين مثل ماطالب البطل فارس الزعيم!!

فيه احد داعي علي ؟

ارد على اشاعه هنا والقى في المجلس اشاعه ثانيه

هذا وانا مالعبت اجل لو لعبت ظنكم بنشوف اللاجزيتا والتوتوسبورت معنونين اسمي في الرئيسية

عادل

الصـدقي · #154 16/02/2008, 02:33 AM

حبيبي زيزوا زي ما قالوا الشباب

اللي سجل فينا هو الباك اليسار لابس شورت ابيض وفنيلة المان بس والله الرجال لعب مجهود طيب

انا كنت لابس 7 روزسكي وبرمودا ابيض ..

قالوا لي الشوط الثاني محور واخبر المحور يلتفت يلقى دفاع

آخر المبارات ما فيه الا واحد بس ههههههههههه

ودي اعرف منهو والله مدري وش يوزره كان لابس ميلان ومالعب من اول المباراة نزل بديل بدال اسير الشوط الأول

والله مخه نظيف

المهم زيزوا انا وانت طلعنا برائة

الحمد لله

..

أبــو غــامــد · #155 16/02/2008, 02:35 AM

إقتباس


	هلالي الجنوب .. المره الجايه نبغى نشوفك حارس << تراه عرفك

مشكلتي اني مثل حراس الهوكي .. بس ارد برجولي .. ماقد رديت بيدي

إن شاء الله المباراة الجاية راح تكون مجزرة بسبب وجود .. وجوود .. وجوووود .. خلوها لوقتها

هلالي رغم ابتعادي · #156 16/02/2008, 02:56 AM

إقتباس

الرسالة الأصلية كتبت بواسطة الصـدقي


	ودي اعرف منهو والله مدري وش يوزره كان لابس ميلان ومالعب من اول المباراة نزل بديل بدال اسير الشوط الأول والله مخه نظيف ..

شكلك تقصدني

بس وضح مخه نظيف

أسيــ الزعيم ــر · #157 16/02/2008, 03:02 AM

والله صكيت المسن على اني بنام .. لكن تذكرت اللي سجل الهدف وهالمرة متأكد مليون بالمية .. يكفي انه ماتواجد هنا

لا تلوموني الشباب اول مرة اوجهم امس وللآسف لخبطت بينهم

اللي سجل الهدف هو Pharma D

الصدقي آسف ورده

ابونورة

رابح الله يخسك اجل هذا لحن :@

غلاهم وماخذه حلاهم · #158 16/02/2008, 03:16 AM

خمسه قويـــــــــه والله

يالله تعوضونها بس مو قدام ابناء المجلس العام *ــ*

XAVI · #159 16/02/2008, 03:19 AM

إقتباس


	عموما .. المباراة مسجله شريط فيدوا .. اذا تبون نسخه نعطيكم ( لتعم الفائده وتعلم المهارات والإستفادة من التكتيك )

ابو طلال عطني الفاصل المهاري حقي اللي في نهاية الشوط الاول هههههههههههههه

لـzizoـيـفـر · #160 16/02/2008, 03:55 AM

إقتباس


	ألا بسألكم .. أبو أخضر اللي لقم هامور كبري .. منهو ؟!

احم احم هذا خويي واسمه سعيد .. لاعب بنادي الشباب

الناشئين ..
ومنتخب في احدى المدارس الثانوية .. :p .. وعضو في شبكة الزعيم << مابقى الا تكتب سيرته ..

S U L A I M A N · #161 16/02/2008, 04:08 AM

الكلاسيكي .. مضيع خاتم انت الله يهديك مهب نظارات

فيه أحد يضيع نظاراته الله يهديك ياعادل

نظارات هذي يبو مهب بطاقة ماستر كارد ماتدري عنه هي ببوكك ولا لأ

لا باين ان السالفه لوك بس

عبد الله المقصود بـ عبد الله هو أسير مهب انت يا لقفي

شباب .. والله يازقرت المجلس فالين أمها تصاريح وفلات والله رحمتهم وقسم

: مانلومهم فايزين على العالميه يؤ !

R a k a n · #162 16/02/2008, 04:10 AM

عادي ياعيـال تصيـر في أحسن العوايل

فريقنـا فيه كم واحد بطل والله .. يبيله تنظيف بس ( وجه يناظر اليوفي وبس خخخ )

اهدافهم غبيه ياجماعه والله العظيم انزاجي مايقدر يسجل مثلهاا بس يله حـظ وفهاوة حكم

وخشونه مدري وش تبي من حقين المجلس ..

لكن معوضه ان شالله ..

إقتباس