1- أول شيء .. أقول هاردلك لفريق العالمية .. وخيرها بغيرها .. وقعتم ضحية لفريق يخطط للفوز بأساليب غير رياضية :

- سرقة جوال الحارس للتشتيت انتباهه .. والدليل هدف لخالي من الهم بكرشته وهدف من المشاغب بخشمه ولو لاعب أبو طلال كان جاب دبل كيك بالبشت

- الانبراشات العجيبة .. اللي يوم شافها عادل البطي أمس .. قال : حنا فاتحين أكاديمية برشلونة .. وراها صارت أكاديمية إتي برشا ؟!! حتى سمعت والعهدة على الراوي اللي ما أدري من هو إن مولع بالهلال منبرش من الثمانطعش حقتهم .. ووصل للثمانطعش بتاعت العالمية .. وحسبه الحكم تسلل !!

- وصلني خبر إن لاعبين المجلس وبتوصية من رئيس النادي ماتسبحوا من عيد الأضحى .. وخاضوا المباراة برائحة تصرع الطير الذي يشق عباب السحاب ومن زود النذالة لاعبين ( مان تو مان ) عشان الريحة تصير .. مركزة !!

- ماودي .. أفتن .. ولا أحب الفتنة ... بس فريق العالمية المفروض يقدم احتجاج فوري على مشاركة بعض عناصر فريق المجلس ... واحد عنده إيقاف .. وواحد من منتدى الجمهور .. وواحد مشرف على مجلة الزعماء .. مع إني ما أنصحكم تتحمسون لنتيجة الاحتجاج لأن فريق المجلس مدعوم من ناس كباااااااااار


2- بالنسبة لتصريح صعيري المجلس ( الهاوي ) .. وتكفله بزواج 3 من عناصر الفريق .. أقول لهم : والله من قل ماتزوجتوا !!! وأدعو المدعو الهاوي إلى عدم تضييع وقته وجهده في تصريحاته التي يحاول فيها استفزاز ( الجمهوريين ) .. لأن فريقنا عنده ارتباطات وجدول مشاركات حتى الثاني من نوفمبر الموافق للثلاثين من أغزطز من عام 2017 ونص ومع ذلك نحاول نضغط على أنفسنا ونخليكم تصورون .. مع أبو لما بشرط ترشحون اثنين منكم بس يمثلون الفريق في عملية التصوير لانشغال نجمنا الكبير ابو لما .. يعني مخصصين لكم دقيقة وثلاثطعش ثانية للتصوير .. يالله تكفي لتصوير اثنين بس مع أبو لما .. يالله اجحدوها

3- فيه إمكانية أيضا كما وعدت سابقا .. لإقامة مباراة مع فريقكم .. لكن بنرسل الصف الثالث .. ويشترط أن تقام المباراة في أقرب براحة من مستشفى الشميسي .. كما يشترط أن يسمح للاعبينا بارتداء الأدوات التالية :



وتم وضع هذا الشرط من قبل جهازنا الطبي بعد رؤيته للمذبحة البشرية .. اللي صارت للعالمية .. ويابخت من اعتبر من تجارب الآخرين .. صحيح إنه الفريق الثالث .. بس يبونهم أهلهم بعد

4- السامي كسمو الهلال : أنت حادثتهم هاتفيا وباركت لهم وأنا ضربت لهم مشوار وحضرت وباركت لهم .. معتقدين إن فوزهم كان قانوني وبأساليب رياضية وفنية بحتة .. بس بيني وبينك بعد ماتأكد لي غن فوزهم فيهم مؤامرات وأساليب رخيصة .. قررت أسحب تهنئتي وأسحب معها تهنئتك الهاتفية نيابة عنك

5- أمس رحت لهم بحسن نية وبناء على دعوة من الغالي اللي أقدره كثير مولع .. لكن عضو شرفهم الداج .. هاوي الصعيري .. يوم شاف العشاء قرب .. قام هو ورئيس النادي .. يحشون بسامي .. يدرون إني أبعصب وأبطلع ماتعشيت .. كل ذا قعاطة مع إني أصلا ماكنت بتعشى لأن عشاهم مشكل فلافل .. وأنا ولائي دائما وأبدا للشاورما