:: عاجل : المجلساويه يسحقون العالميه بـخماسيه 5 - 1 :: - صفحة رقم 8 - نادي الهلال السعودي - شبكة الزعيم

أسيــ الزعيم ــر · #1 15/02/2008, 04:51 AM

ألف مبروك يا شباب .. قبل كل شي طبعا ً تشرفت بمواجهتكم قبل كذا والبارح ازددت شرفا ً وبهجة ً

وتشرفت بوجيه جديدة .. شكرا ً يا محمد على الفكرة

هذا رد وبروح أنام رجلي صالت علي الله يصول كبد شيطانكم .. نعنبوا ابليسكم شكلكم متدربين الثلاثاء على كيفية الإنبراشات

ابوفهد شكرا ً لك

فعلا ً كنت صادق في قولك أننا اذا تركناهم يفوزون سنرسم إبتسامات مفقودة خاصة ً بعد رمضان

<< دوروا من ابوفهد عاد

إقتباس


	وأثبتنا أن التفكير يغلب العضلات ..

الإنبراشات تسبق ذلك :@

مبروك وتستاهلون .. وهنيئا ً لكم بإدارييكم

ورده

وبعدين قلنا مجلس عام .. بس عام لكل شي زين مو حتى " النشالين " عندكم

تصبحون على خير ورده

هلااالي وأفتخر · #2 15/02/2008, 04:55 AM

هذا التصميم حلوو ..

يعطيك العافية فتى نجد : d

abo_nasser · #3 15/02/2008, 04:58 AM

اووووووووووووه ...ايش هذااااااا ...ايش هذاااااااااا <<الحربين

الف الف مبرووووووك للمجلساويه ...

بخماسيه تبكي التيوس المجلس يبكي الحالمي...

تصاميم روووووووعه

اخيرا
اللي يبي شيء ما شفتوه يكلمني ...

سلااااااااااااااااااااااام

hilalemooot · #4 15/02/2008, 05:03 AM

^^

اذا فيه بشي ماشفتوه حركة سرقة جوال حارسنا دزلي رقمك خاص

عادل

.. مبروك .. انا متأكد انه مهوب منكم من حدى المرتزقة اللي لا ينتمون للمجلس او للعالميّة

بسام يقول مايبي الجهاز يبي الشريحة بس

abo_nasser · #5 15/02/2008, 05:12 AM

إقتباس

الرسالة الأصلية كتبت بواسطة hilalemooot


	^^ اذا فيه بشي ماشفتوه حركة سرقة جوال حارسنا دزلي رقمك خاص عادل .. مبروك .. انا متأكد انه مهوب منكم من حدى المرتزقة اللي لا ينتمون للمجلس او للعالميّة بسام يقول مايبي الجهاز يبي الشريحة بس

كل اللي عندي لقطات على لاعبينا ونجومنا مافيه غيره حتى لاعبيكم طامسين وجيههم,...

ثانيا تاكد من رفاقتكم وانا خوك اول ..

وامسك اذن حارسكم وقله خل عنك الدلاخه

...ما تعرف احد تعطيه الجوال الى نهاية المباراه

قله يقابلني على الصراط ...

سلاااااااااااااااام

أنا معك · #6 15/02/2008, 05:07 AM

حركتات والله ..

طيب ماتبون لاعب وسط

أبوشلاخ الهلالي · #7 15/02/2008, 05:17 AM

أبو ناصر وين الشيء ما شفتوهـ ولا تبي ترز عمركـ بس

LBa your heart · #8 15/02/2008, 05:22 AM

الف الف مبروك الفوز ورده

As " RoMa" 10<-- أكبر مهايطي ياشباب

من حقين العالميه

الله يسامحك ورده

... المهم لاتزعل اذا جاك مني شي .. بس حركات التمثيل مو علينا

هذي مخلينها للنصر ولاعبينه

وسرى الليل يابو خمسه

الفهد · #9 15/02/2008, 05:42 AM

اطالب بأعادة المباراة وتعيين مارشلو خالد (فارس الزعيم) كمدرب للفريق واقالة سليمانكارد خرااااااااب السفينه

وأطالب بتطعيم الفريق بلاعبين شباب وابعاد من تعدا المرحله الجامعيه

Glory Madrid · #10 15/02/2008, 05:43 AM

مبروك 1000 مبروك للمجلساويه ،، وهاردلك يالعالميه >> بس قويه !!!

ابو طـــــلال · #11 15/02/2008, 05:49 AM

الف مبروك ابطال المجلس الأشاوز ... وعدتوا وفيتو بالوعد ...

الف مبروك لاعضاء مجلس إدارة ومدرب ولاعبين وجمهور والجهاز الفني والإداري لفريق المجلس العام ( فريق الحلم )

مقتطفات من اللقاء ..

* اسير الزعيم كنت مبدعا ورائعا في ابتسامتك الجميله مع كل هدف يلج مرماك .. ( احس انك ماتدري ان الأهداف عليك )

* لاعب في العالميه ( عصل ) ويلبس نظاره اطارها ابيض ( والله ياهو خشن )

يلعب وهو يعض لسانه من النغاله اللى فيه

* يسمعون بالتمويه .. يقالهم بيخدعون الحكم ( المفتح أوي ) وهو من جنبها .. يبي يصفر والجماعه يلعبون بثلاثطعش لاعب !! ولولا اننا علمناه والا الرجال ماجاب خبر .. حتى فريق العالميه مايعرفون بالتمويه

.. سبعه واقفين جنب بعض ؟؟ طيب ودك تتحايل على الاقل تفرقوا .. واضح ان عددكم فوق الـ 11 .. بس ماالوكم الخمسه تعور الراس

* يتهموننا بسرقة الجوال .. والحمد الله حنا مو مقصرين مع لاعبتنا .. شاهي ومويه وذبايح .. وبطاقات سوا .. وهدايا وجوائز ماليه وعينيه .

.. وانتم ثلاثه من فريقكم جايين وبراطمهم بيضاء من العطش .. يالله لحقناهم وهم في الرمق الأخير .. ولاقاروره مويه ياكافي !!! ماغير نصرف لهم من خزينة النادي قوارير مويه

*تم زحف كثير من جمهور الرياضه العالميه لفريق المجلس العام .. بعد ماشاهدوا من ابداع وفن ولعب يستحق التشجيع والمشاهده .. مما سبب لنا الكثير من الإحراج مع اعضاء مجلس إدارة فريق الرياضه العالميه .. لكن وش ذنبا اذا الناس معجبه بالفن والهندسه

* الحكم احتسب اكثر من عشرين دقيقه وقت بدل ضائع .

. موظف الملعب طفى اللمبات ويلمح له ان الوقت انتهى !! يارجال خذ فلوسك وصفر .. ياحكم اخلص علينا .. والحكم جازله التحكيم .. يقول ( مابي مابي )

* رغم ماحدث من مخاشنات من هنا .. وهناك .. إلى ان اللقاء اتسم بالأخوه بعد نهايته وتم تبادل ( العلك ) على اللاعبين

* خالي من الهم بعد إطلاق الحكم صافرته وإنهاء الشوط الأول .. قام بنزع فانيلته وقام بإعطائها للاعب من الرياضه العالميه بقصد ( تبديل الفنايل ) >>> مستعجل على هالحركه هوبا

>> جاي من ابها علشان هالموضوع بالذات .. شايفها بفلم

* خشم المشاغب قدم مجهود رائع وتوج ابداعه بهدف جميل يحمل توقيع ( خشمه )

وكتب على الهواء ( انا منيب طالع لو تنقزون ) وصرفها بعدين انه كتب ( أنا احبكم ) لكن هين سلطان على مين تلعبها !!

* معاذ اليوفي قدم مستوى رائع .. وكذالك عادل ( زعيم افريقي ) ومولع ( متعب ) والبرنس .. وجميع اللاعبين قدموا مستوى اكثر من رائع

* ماجد مقبل رفض التبديل .. وتمرد على المدرب ... وانا شخصياً ( فشلني قدام الجمهور ) عاد نبي نعاقبه .. بس شرح وجهة نظره بالإستراحه وعذرناه ..

* السامي كسمو الهلال ... ومشرفين قسم الجمهور .. فزنا على الرياضه العالميه ( بالناشئين )

وبالخمسه .. انتم نبي نلعب معكم ( بالبراعم ) ونتوصا فيكم .. بس جهزوا شيبانكم ..

*بعد غياب الحكم في بداية المباراة .. طلب منا الفريق المقابل ان يحكم شخص من قبلنا .. وتم الرفض بشده .. علشان مايجي واحد يقول الحكم معكم .. والحكم جاملكم .. وعسانا نسلم .. وفعلا تم اختيار حكم محايد ومع ذالك لم نسلم .. وإلا وش رايك يايسلم ؟؟

* كلاسيكي .. والهاوي .. نجوم خارج التشكيله .. قدموا كل مالديهم من أجل تقديم فريق واعد واللاعبين ماقصروا واسعدوهم ..

* القيصر .. ظلمتك .. احس انك ماتعرف تلعب ولا كيرم .

. بس اثبت انك تلعب صح .. وانك قدها وقدود

* يسلم .. في المبارياة الجاية ... حلق شعرك او لايروح وقتك وبالك في تعديل طاقيتك ياخوي ؟

*خالي من الهم .. يوم وصلت للبيت سألتني الوالده : ياوليدي سمعت واحد يصرخ ؟؟ عسى ماطاحت عماره ؟؟ قلت لا هذا هوبا طاح ويسمع بالتمثيل ..

*الحكم يتمتع بلياقه عاليه .. بس مامعه صافره .. ولا ساعه .. ويحكم وهو حاط ايدينه بمخابيه .!! وحافي .. واخر الوقت قام يهاوشنا هههههههههه

بغيت اخذ الصفاره منه واقوله ارجع للمدرجات واحكم مكانه .. بس الهاوي قالي عطه فرصه

بس يعجبني الولد شديد .. وبعد المباراة وادعنا بإبتسامه وتهنئه .. شكرا لك ياخليفة ( على بوجسيم )

* بعد نهاية المباراة الهامه ستلاحظون عدم ظهور المتواجدون في المواضيع وذالك لازدحام ( السيرفر ) الخاص بالمنتدى

وهذا الشي يحصل غالبا بعد كل مباراة مهمه

وفي الختام .... شكرا لكل من شارك في المباراة وهاردلك .. بصراحه تشرفنا بمقابلتكم .. وكلها مباراة وديه .. تعارف .. هدفها الحقيقي هي التواصل فيما بين ابناء منتدى الزعيم .. ولايوجد بيننا خاسر .. في النهايه هي مباراة تخلص .. نرجع حبايب .. حتى وان صار فيه شوي ذبات .. يعني لاتكودون .. بشويش .. حنا وانتم ..

الحكومه تهدي الموظفين خمسه بالميه ... والمجلس يهدي الخمسه للعالميه