|
أفضل دولة لـ الباحث عن تعلم اللغة الإنجليزية السلام عليكم .. أنـوي في العطلة الصيفيه القادمة السفر لـ احد الدول الغربية لـ تعلم اللغة الإنجليزي ..,.. لكن سؤالي ماهي أفضل دولة .؟ و هل 3 شهور مفيده و الا تضيع وقت بس .. .؟ |
احسن شي اخوي انجلترا والله التعليم فيها زين انا مجرب |
والله ياخوي انا مانيب مجرب لكن اعرف واحد سافر ماليزيا الصيفية الماضية وقعد 3 اشهر ودرس انجليزي وماشاء الله بلبل الان في الانجليزي :) |
الصراحه من الصعب ان تحكم على دوله عن دولة اخرى .. جميع دول العالم بإمكانك الإستفاده منها في جميع المراحل .. خصوصاً في نطاق التعليم ... بالنسبه لامريكا انا افضلها اكثر .. لان الشعب حبيب إلى ابعد درجه .. رغم الاحداث اللي صايره ولكن الدوله لها نظره .. والشعب له يختلف مع الحكومه ::: بعيداً عن السياسه .. بإمكانك إختيار اي دولة مع اني افضل امريكا لدراسة اللغه ::: والله يكتب لك الخير |
امريكا.. | |
امريكا........ |
انا فنيوزلندا واقول افضل الموجود امريييكا |
بريطانيا وماليزيا |
طيب كم يعرف عن سعر الدراسة في أمريكـا لمدة 3 شهور شامله سكن مع عائلة - مدرستة التعليم و على فكرة تذكره ذهاب وعودة من السعودية لـ أمريكا كم سعرهـا ؟ |
دراسة اللغه بامريكا ياعزيزي الرسوم تقريبا بيكلفك 2600 دولار شهريا للمعهد+ السكن مع عائلة وهذا من اغلى المعاهد طبعا يعني يمكن تلاقي ارخص بشوي تبي انت تدور عائلة السكن مع عائلة لشهر يتفاوت حسب الولاية من 500 دولار الى 1200 دولار التذاكر انت و اختيارك لشركة الطيران و موعد سفرك وهل فيه عروض ام لا اخوي 3 شهور جيده نوعا ما عشان تتعلم اساسيات لغة انقليزية او تطور لغتك شوي كان عندك الاساسيات وهي تعتمد اولا واخيرا عليك انت ولا تنس مسألة الفيزا لامريكا ومشاكلها امريكا حلوه لكن الفيزا و تجديدها و مشاكل الفيزا هو اللي يكرهك فيها |
عفواً اخوي ... خالي بأرامكو ... <<< وش اسويلك :) واشوف يمدح لي كندا .... وبريطانيا في تعلم الانقليزيه 1/ كندا 2/ بريطانيا الله يوفقك يارب |
إقتباس:
انا اشوف كندا افضل إذا كانك تحب البرد مهوب البراااد فيه فرق البرد البرد ابو -20 رح كندا اهلها طيبين رخيصه نوعاً ما .. والعوائل رخيصه وحاول ترووح لقريه مهيب مدينه كبيره علشان ماتشغلك عن الدراسه هذا اهم شئ وخلك مقدام << حلوه على التعرف على الاجانب .. وخل عنك السعوديين لمدة ثلاث شهور لاحق عليهم إن شاء الله |
والله انا بكندا ومرتاح جدا الحمد لله |
أخوى نصيحة من لك لا تروح الا وانت تعرف اساسيات اللغة الانقليزيه يعنى القواعد وكيفية تركيب الجمل وتركيب السؤال وزى كذا موب اذا رحت هناك تضيع عليك الثلاثة أشهر وأنت مااستفدت شى .. وأحسن لك خذ دورة هنا بالسعودية وعلمهم انك بتروح برا عشان يعطونك مستوى مناسب .. وأنا ان شاء الله ناوى على نيوزيلندا .. والله يوفق الجميع |
كلام اخوي اللي قبلي صحيح لكبر غلط انك تروح تدرس لغة بره وانت ميح لغة كيف وانت بتروج بس 3 شهور؟ ضروري تعرف اساسيات و ياليت تدخل من الحين معهد عشان تتطور اللغة انا ادرس الحين بكلورادو امريكا والوضع حلو جدا بس شي براد بالشتا بس دامك بالصيف تبي تجي انا انصح بكندا نفس دراسة امريكا واما بالنسبة لبريطانيا ففيه شباب يقولون ان المعاهد هناك كثير منها همه اقتصادي بحت !! اهم شي ان المعهد اللي تسجل فيه يكون تابع لجامعة معروفة عشان تضمن نوعية التعليم وبالتوفيق |
إقتباس:
إقتباس:
إقتباس:
إقتباس:
إقتباس:
وكلنا ودنا نعرف ليش امريكا افضل من بريطانيا او ليش بريطانيا افضل من استراليا وهكذا كلنا نبغى نستفيد أتمنى إيضاح الاسباب في الردوود وشكراً لتعاونكم |
s60ss60ss60s نصيحة أخ لاتروح غير نيوزلندا أرخص في السعر والتعليم 100% والشعب كله يتكلم اللغة الانجليزية ( اسأل مجرب ) |
عزيزي انا أقترح عليك بريطانيا .. !! وبريطانيا فيه ميزه حلوه فيزتها تطلع خلال أسبوع بالكثير ..!! أما أمريكا يبيلك تطامر من والى السفاره .. ويا يعطونك فيزا او مايعطونك ..!! لكن اذا تتوقع ان الفيزا تطلعلك .. في المده الي انت تبيها رح لأمريكا لأنها هي الموطن الأم للغه |
بانسبه لي أنا أرى ان كندا أفضل الموجود....................... |
اعتقد نيوزلند ..!! لاني اعرف ناس رايحين له ..!! واللحين ماشاء الله بلابل ..!! |
تبي نصيحتي رح انجلترا بس المشكله انها غاليه شوي انا فيها الحمدلله لغتي من اول شهرين تحسنت بشكل ملحوظ ,, |
كندا بصراحه جيده ومعاهد فانكوفر زينه بس مشكله فانكوفر مدينه كبيره وتشغلك عن دراستك .. بس معاهد قويه بصراحه |
من ناحية تعلم اللغة بريطانيا هي اصل اللغة ثم كندا ثم امريكا وانت وشطارتك في التعلم وبعدين لا تروح بعيد في السعودية معهد يدربك ويبتعثك لبريطانيا تدرس |
بسم الله الرحمن الرحيم وعليكم السلام ورحمة الله وبركاته من المعروف أن اللغة الانجليزية من أهم اللغات في العالم ... وتعليها ليس بالشي الصعب ولا المستحيل وعلشان تتعلم هذه اللغة لازم يكون عندك إرادة قوية بالتعلم اللغة ( والمكان غير مهم ) من واقع تجربة طويلة في هذا الموضوع راح أعطيك اللى عندي من معلومات ... بصراحة فلوسك تحدد الدولة ... يعني من 35 إلى 40 ألف ريال توديك بريطانيا وانت مرتاح من 20 إلى 25 ألف توديك أستراليا وكندا وباقي الدول ما عدا أمريكا لأن ما عندي خلفية عنها انا أنصحك ببريطانيا 1/ الجو العام هناك يساعد على تعلم اللغة الانجليزية 2/ الانجليز يتكلمون بالطريقة الصحيحة ( هم أصحاب اللغة الاصليين ) 3/ أغلب المعاهد هناك متخصصين بتعليم اللغة للغير الناطقين بها ( وهذا مهم ) يعني المال ليس هدف الأول 4/ كثير من العوائل تساعدك على تعلم اللغة 5/ أغلب العامة من الانجليز يساعدونك في تصحيح الأخطاء ( وخاصة كبار السن والأطفال ) وهذا رابط راح يفيد كثير من ناحية الجو الدراسي + البحث عن معهد جيد http://www.britishcouncil.org/ar/uae-educationuk نصائح حول الدراسة هناك 1/ حاول الابتعاد عن المناطق القريبة من لندن ( لأن أغلبها عرب ) 2/ لا تروح لم المناطق الشمالية لأن اللهجه هناك شوي ثقيلة -------------------------------------------------------------------------------- وإذا تقدر تسكن مع عائلة أفضل لك من السكن المنعزل وإذا كان لدى العائلة أطفال يكون أزين و أزين ( لأن الطفل يحب الكلام والكثير وهذا راح يساعدك كثير) ويستحسن أنك تدرس نصف دوام ( Part Time ) لأن الدراسة من دون تطبيق ما لها فائدة لكن الدوام الجزئي يعطيك الدروس الهامة ويتيح لك الفرصة بالتطبيق ما درست بالشارع ( المحلات والأسواق تسكر الساعة 6 مساءً ) --------------------------------------------------------------------- وأنا أشوف أفضل معهد أسمه Bell School وأي خدمة انا تحت أمرك [email protected] |
على فكرة نسيت أعطيك أسماء كتب جيدة وهذه الكتب ( Self-study ) يعني من غير معلم للقواعد English Grammar In Use أختر المستوى اللى يناسبك وللمفردات English Vocabulary In Use واذا بغيت هذها الكتب على هيئة PDF عطني خبر هذه الكتب من جامعة كامبرج في بريطانيا |
انصحك يالغالي بأمريكا .. هي من افضل الدول في المعاهد الانجليزية انصحكـ... |
والله اخوي انا بكندا ومرتاح مره مره مره وانا من اول 3 شهور وانا متعلم لغه عليييييييك بكندا ومن ناحية كم التكلفه بتكلفك مابين 20 الف ريال الي 30 الف ريال انت وصرفيتك |
| الوقت المعتمد في المنتدى بتوقيت جرينتش +3.
الوقت الان » 02:40 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd