اتمنى طرح رأيكم حول احد لاعبي خط الدفاع الهلالي بكل جرأة...
لاعب كاد ان ينهي الهلال مع الحزم بتخبطاته وكراته العشوائية وارتباكه عند استلام الكرة وكذلك عدم وجود كنترول لديه ليتحكم في جسمه وكثرة تمريراته بالكرة للخلف عند حارس المرمى وانا اقولها واكررها ان الهدف تم بسببه حينما اعطى مجال للاعب الحزم بأن يصوب الكرة التي جاء منها الهدف حينما هرب الى الخلف عن الكره ....... ارجو من جماهير الزعيم التركيز عليه في كل مباراة لتشاهدوا صدق ما اقوله.... حبي للزعيم منعني من المجاملة على حسابه.......انه (المرشدي )

مافيه لاعب لايخطيء وبالنسبه لعنوانك جدا عجيب ؟؟؟!!!!!!

هذي الاخطاء بسبب قتله في دكة الاحتياط

خله مثل العام الماضي يلعب اساسي وبتشوف مستواه وشلون يتحسن

هاللاعب لو استمر من العام الماضي اساسي كان الان في المنتخب

والله معاك حق اخوي مافيه الا تفاريس شايل الدفاع
انا المرشدي من شفته يقول اهم شي كسبنا ثلاث نقاط وانا غاسله يدي بديتول

الله يعين بس
.!

عجايب

اخووووي ترا مو منطق تقوول ركزوا ع الاعب ..!!

المرشدي من افضل الموجودين ترااا ودفاعنا كله بركه

لكن الاهم ان الهلال ككل كل الاعبين ماسوا شئ اليووم وربي مو مستوى الهلال ..!!

كراكوز الزعيم يعيك العافية بس ياليت تحمد الله على الفوز
الشيء الثاني اذا انت تحارب المرشدي وغيرك يحارب المفرج
كذا بينتهي الهلال مو اللاعب اللي بينهي الهلال وتاريخه
وياليت نعتبر من غبرنا
يمكن اللاعب كان مرتبك او عنده ظرف
ولكن لابد ان نقف مع اي لاعب يحصل له مثل ماحصل للمرشدي اليوم والا المفرج في بعض المباريات التي اخفق فيها لكي يعتمد علينا ويقدم كل ما لديه حتى لو حصل له اي شيء لاننا سنسانده ونقف معه

إقتباس الرسالة الأصلية كتبت بواسطة الملاك الطاهر والله معاك حق اخوي مافيه الا تفاريس شايل الدفاع انا المرشدي من شفته يقول اهم شي كسبنا ثلاث نقاط وانا غاسله يدي بديتول

اومااا ثلاث نقاط هههههههههههههه

مافي لاعب مايخطي والنعيمه سجل اجمل اهدافه في مرماه

يا رجال !!

أي شخص تصير عليه العين !! وكل خلق الله يدققون عليه .. لابد (يخسفون فيه الارض) !!

وصدقني لو يجي (المرشدي) ربع التركيز اللي يجي المفرج .. صدقني ان يرجعونه لبقعاء !!

المرشدي يحتاج شوي (ثقة) !! لأن فيه طفاقة !! جسديا وبنيويا (أفضل الموجودين في الدفاع الهلالي) .. لكن فيه الاندفاع السريع ..

فيه نقطة مهمة أبي المرشدي ينتبه لها وهي (الضربات الرأسية ) شفنا اليوم له ثلاث ضربات (مقشرات) بالملي على راسه !! وهو (ارتقى) لها صح !! بس بدون (تركيز) !!

أنا اتوقع (( لو ابعدنا عن تصيد عثراته )) وعطيناه الفرصة !! راح يكون ((نعيمة اخر)) !! بس تكفون لا تستخدمون معه نفس اللي استخدمتوه مع المفرج !!

-----

- توصيات للمرشدي :

1- ركز على الضربات الرأسية في تمارينك !! طولك وارتقاءك تحتاج (تدريب بس ) !!
2- ثق بنفسك أنك (تمثل) الزعيم السعودي !! وإنك قادر على (سد ثغرة يعاني منها الهلال من زمان) !! لذلك شيء مهم إنك تحط بداخلك فلتر حصانة ضد ((النقد اللي يهز هالثقة)) استخلص (كلمات الغضب) من هالجمهور اللي ما يرحم !! وخذ اللي يهمك ويطورك !!
3- اذكر قد سمعت من التخيفي شخصيا .. ان لاعبي الخط الواحد .. متى ما كثرت جلساتهم مع بعض .. وفهموابعض في سواليفهم وفي تمارينهم .. كانوا اكثر تجانس في الملعب !! وهو صادز !! لذلك مهم ردم اي حواجز بينك وبين خط الدفاع .. ولاعبي الارتكاز اللي يدعمونك !! والاظهرة بلا ادنى شك !!
4- جمهور الهلال يعول عليك الكثير .. نبي نشوفك صخرة ناشبة لأم الخصوم ..

بالتوفيق للمرشدي

اشكر الاخوان الذين مرو على الموضوع وشاركوا بالتعليقات
وانا يهمني جدا ان يكون الهلال بألف عافيه .... ولكن المرشدي الظاهر انه يتخيل نفسه داخل ملعبه يطامر بدون كوره الله يستر على زعيمنا....................ودمتم متزعمين !!!!!!!!!