#1  
قديم 14/02/2008, 12:17 AM
الصورة الرمزية الخاصة بـ الهلالي 11
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
مباراة الهلال VS الحزم ... شي شفتوه ... وشي ما شفتوه:)


السلام عليكم جميعا

في البداية الف مبروك فوز الزعيم
اللي بصراحة تاخر وخوفنا بس الحمد لله بالنهاية جاء
اتمنى ان الله يرزقكم صبر وتكملو الموضوع للاخر
انا بتكلم عن نقاط صارت ....
وبتكلم عن وجهة نظري كشخص حاضر بالملعب ...
لا احد يجي يقولي ما عندك سالفة ....
لان مرات اللي بالملعب تكون الامور واضحة قدامه اكثر من اللي خلف الشاشات

*******************************************

نبدأ على بركة الله

1/ محمد الدعيع

وحش ... وحش ... وحش ما شاء الله عليه

والكورة اللي بغى ينكبنا فيها غلط من المرشدي
والله طريقة ترجيع الكورة من المرشدي للدعيع طريقة نكب عفش
لا احد يلوم الاخطبوط والله انا عذرته فيها

2/ مسفر القحطاني
بصراحة من قبل لا يطلع الاعلام طيره بالعجة!!!
صحيح سوى شي ما احد ينكر ...
بس برضو نكبنا بكم كورة غبية ... وما رفع ولا كورة صح!!

والاهم لو تعدون كم اوت لعب بالمباراة وشوفو ما استفدنا منها شي !!

يعني 95% من الاوت اللي جهته هو كان يلعبها
ودايما يتاخر فيها ونادر الكور اللي يرميها صح !!
يا يقطعها لاعب الحزم او توصل للاعب هلالي محجر عليه

حتى اخر شي فيه شايب جنبي بتقرون سالفته اخر شي
ارتفع ضغطه منه يوم شافه يرمي الاوت اي كلام ...
قاله تكفى ناظر اي شي ازرق وناوله

3/ مارسيلو تفاريس
والله انه صخرة وفعلا الدفاع بيعاني من بعده

وفوق ادائه الدفاعي المتميز ...
اذا اخذ كورة ما يحب الفلسفة يا على طول تسطيح للهجوم
او يلعبها كورة طويلة للجناح عشان يختصر تمريرات ويبني هجمه سريعة
باختصار ... والله اني لسني احبه يطلع من الهلال


4/ ماجد المرشدي
لو اتكلم من هنا لبكره الصبح يمكن ما اخلص
عشان كذا بختصر وبقول ....
تكفى يا ماجد خلك على قد مستوى واسم الهلال ....

والله اني اليوم قلت يا زين المفرج

5/ عبدالله الزوري

لاعب واثق من نفسه بكل معنى الكلمة
اذا طلع يرفع عرضية ... يخش على المدافع بكل قوة جسمه ومعه الكورة...
لانه واثق ان اي تهور من المدافع بلنتي او فاول خطير
جد لاعب ربك معطيه ملامح وجه حتى لو كان منكوب يموه عليك انه واثق

6/ عبدالعزيز الخثران
لاعب فيه بركة الشيوخ
من جد انه علامة فارقة بالفريق
اليوم سوى كل شي وانا شخصيا ما شفت منه اي غلط
ويكفيني القول اللي جابه
شفتو وش فايدة اللي دايم يحافظ على الدين وصلاة الفجر

7/ خالد عزيز

لاعب من طراز عالمي
شكيت وانا اتابعه ان الهلال جاب باتريك فييرا!!!
او ماكليلي ... او او او الخ
لاعب يقطع المويه والكهربا والاوكسجين على الخصم
اللي يفكر يمزح او يستهبل او يحاول انه يوصل الباب
على طول ابو عزيز يحجرله ويقوله ... وين اثباتك
طبعا من الاثبات يبين هو لاعب هلالي او لا

8/ عمر الغامدي
ايضا لا يقل عن عزيز كثيرا وان كان غلط كم غلط صغير
لكن عموما ما قصر وبصراحة انا يعجبني الغامدي والهلال كله

9/ طارق التايب
الشوط الاول شكيت انه طارق اللي نعرفه!!
مرتبك ... تمريرات خاطئة .. والكور الثابته كلها ضايعه!!

بس الشوط الثاني رجع لمستواه وبدأ يستعيد الثقة بنفسه
مع انه قهرني بالكورتين اللي ضيعهن عند الباب
بس مع كذا الجمهور يتحمس معه بكل احواله

حتى هو يستاهل والله ...
الاعب الوحيد اللي كان يجي عندنا ويحمسنا


10/ ليلو امبيلي
داري ان الجميع بيقولي ما يعرف بالكورة وانا معكم

بس بصراحة لاعب سلق سلق سلق

والله يا شباب سرعته تميزه !!!

يعني جاب لنا فاولات بسرعته ...
طرد لاعب ...
ضبط اكثر من هجمه ...
ويربك الدفاع وهذا يفتح المجال لياسر وغيره

انا بقولكم شي واحد ...

لا تناظرونه كمهاجم صريح ...
اعتبروه يلعب عشان يجيب لنا فاولات خطيرة
عشان يطرد لاعبين
عشان يصنع هجمات مرتدة بسرعته
واذا جاب قول خير وبركة

وتراه صغير يعني راعو عمره شوي
الى الحين عقله ما صار احترافي 100%


11/ ياسر القحطاني
هذا حبيب الشعب زي ابو نادين

طبعا اذا انتقدته بنجلد
واذا مدحته بنجلد بتقولون ما مدحته كويس

بس من جد شكرا ياسر حسمت اللقاء وريحتنا
والكبير يبقى كبير ... ومسكين اللي ما عنده ياسر

@@@@@@@@@@@@@
لن اتكلم عن التبديلات لكن باقي كم نقطة

1/ بصراحة المدرب تاخر بتغيراته
خصوصا الشلهب كان لازم ينزل بدري شوي
وقبل لا احد ينفخ ... انا يعجبني كوزمين


2/ من وجهة نظري ...
نجومية اللقاء يستحقها كل من ...
خالد عزيز بالصدارة
يليه الخثران وتفاريس والدعيع

الباقي ما قصرو بس هذولي كانو بيرفيكت والكمال لله

3/ عزيز كان متحمس كثير اليوم ...
ويصارخ ويعطي توجيهات
من جد حسيته يصلح كابتن بالمستقبل
يعني ان شاء الله بعد خمس سنين هو بكون القائد


4/ بصراحة الجمهور اليوم يفشل ...
انصدمت يوم وصلت الملعب لم اكن اتوقع اطلاقا هذا العدد!!

5/ فيه واحد جنبي شايب كبير بالسن
يا هو رايق انواع الهواش
يوم خلص الشوط الثاني واحنا ننتظر الاشواط الاضافية
اتصل على خويه يشكيله من لاعبين الحزم
يقوله يا هم جلدو لاعبين الهلال جلد
والحكم بس ينفخ علينا من اول فاول للتايب كرت

ووراي واحد شايب بعد<== يا كثر الشياب عنده
هذا جاي مع ولده الصغير

كل ما انكسر واحد وجات سيارة الاسعاف الصغيرة
يستانس يقول يا حظ اللي يسوق


6/ بصراحة الحكم اليوم كان ممتاز باعتقادي
اغلاطه ما اثرت على نتيجة المباراة
قهرني بشيء واحد...
انذار التايب بايخ ... مال امه داعي!!!

7/ الظاهر انه بقى شوية ثلج من صالة التزلق حقت يوم الجمعة
بعض الهجمات ما تلقى الا واحد طايح ومنسدح


8/ كان فيه نصراوي مسوي يفتخر بالشعار حقهم بين جماهير الهلال
وخويه يحجرله زي اللي يقوله لا حد يشوفك وننجلد


يوم حس ان كثير يناظرونه
لف ورفع صوته وقال... عادي ياخوي
وش فيها لوكنت احب النصر وبنفس الوقت اعشق الهلال


9/ لا حد يتكلم على الرابطة ...
لان اكثر اللي يتكلمون اتحداكم لو حاضرين بالملعب!!

طبعا صعب ان الحقوي يقعد ساكت طول المباراة!!!
وصعب طول ال90 دقيقة يشجع!!!

لكن اليوم ما قصر بس بصراحة المفروض مكانه بين الجمهور
لانه عند المنصة بعيد مرة وما يتفاعل الا اللي حوله

10/ واضح ان كان فيه مشاكل عند الرابطة!!

ما ادري وش بالضبط ...
بس انا ما كنت اسمع الا الحقوي بالميكرفون
يقول اللي ما يحترم نفسه والله لا اناديله العسكري
وشوي تسمعه يقول بس يا ورع
اخر شي يوم قفلت معه بدا يقول وين العسكري
واحد من العساكر يجي
طبعا انا ما ادري وش صار بس احس ان احد انجلد



11/ رحمت الجهاز الطبي
بس يطيح واحد تلقاهم يركضون مليون
ومسوين اخلاق ما يبون يدخلون من نص الملعب
ويلفون لفة طويلة من ورى الباب
واذا وصلو للاعب يقوم ما فيه الا العافية ...
تحس انه يستهبل عليهم ويصور برنامج صادووووه

موب كل المرات طبعا... كان فيه اصابات مؤثرة!!

داري طولت عليكم ...
بس فيه اشياء واجد ثانية لكن احس اني زودتها
لكن بقفل موضوعي بهالقصة


اليوم اخذت معي ولد اختي عمره 6 سنوات
اول مره اخذه للملعب

المهم يوم وصنا ما شريتله تذكرة

يوم وصلنا للبوبابة العسكري غمزني وقال:
ليش تذكرة وحدة وين الثانية
قلتله يوووووه لازم يعني !!!
قال ايه ...
ناظرت ولد اختي وقلتله رح جب تذكرة وانا بنتظرك
وما تشوف الا الولد نزل راسه وبدأ يستعد للدموع
اخر شي ضحكنا وقلتله تعال خلاص نمزح

المهم بالملعب من هول الموقف<== متعوب عليها من الصبح ادورلها على جملة
المهم من الرهبة عشان اول مرة
الشوط الاول ساكت بس وهادي واذا تحمس بدا يهاوش بايديه وهو ساكت
الشوط الثاني بدا يتحمس ويهاوش الاعبين
الاشواط الاضافيه بدا يغني مع الرابطة ... يا هلال
والمشكلة اني قايله الشوط الاول بيلعب الهلال
والشوط الثاني بيلعب الانتر ومانشستر وصدق يا حليله



الشكر موصول لجميع الاعضاء اللي دخلو
ووصلو لهذا السطر ....
يعني من جد انكم صبورين وتستاهلون الشكر اللي الى الحين تقرون

تحياتي لكم وان شاء الله اذا صرت رايق نزلت بالردود مواقف ثانية

واللي حضر المباراة وعنده شي لا يبخل علينا

تحياتي لكم ... وان شاء الله من انتصار الى انتصار

وانا تعمدت اذكر مواقف من المدرج اكثر من الملعب ...
عشان انقل لكم اللي ما شفتوه ...
ما حبيت اقولكم شي انتو اصلا شايفينه بالتلفزيون



قفلة :
لا تخافون على زعيمكم قدام الشباب
انا متاكد انه بيكون غير وعلى قد البطولة

اخر تعديل كان بواسطة » الهلالي 11 في يوم » 14/02/2008 عند الساعة » 04:03 PM
اضافة رد مع اقتباس
  #2  
قديم 14/02/2008, 12:25 AM
زعيــم مميــز
تاريخ التسجيل: 07/03/2005
المكان: NaJd
مشاركات: 1,733
[
ووراي واحد شايب بعد<== يا كثر الشياب عنده
هذا جاي مع ولده الصغير

كل ما انكسر واحد وجات سيارة الاسعاف الصغيرة
يستانس يقول يا حظ اللي يسوق[/COLOR]


اضافة رد مع اقتباس
  #3  
قديم 14/02/2008, 12:29 AM
الصورة الرمزية الخاصة بـ هـلالـي ملكـي
زعيــم متألــق
تاريخ التسجيل: 15/09/2007
المكان: نادي الهلال
مشاركات: 1,449
يعطيك العافيه يابطل والف مبروك الفوز
اضافة رد مع اقتباس
  #4  
قديم 14/02/2008, 12:36 AM
زعيــم فعــال
تاريخ التسجيل: 18/01/2006
المكان: امريكا
مشاركات: 329
مشكووووووووووور يابطل


ومبروك الفوز
اضافة رد مع اقتباس
  #5  
قديم 14/02/2008, 12:36 AM
في انتظار تفعيل البريد من قبل العضو
تاريخ التسجيل: 13/05/2007
المكان: السعودية
مشاركات: 447
مشكور اخوي على الموضوع والله الجماهير اليوم تفشل
اضافة رد مع اقتباس
  #6  
قديم 14/02/2008, 12:38 AM
زعيــم متألــق
تاريخ التسجيل: 17/10/2007
مشاركات: 1,007
مشكور اخوي
اضافة رد مع اقتباس
  #7  
قديم 14/02/2008, 12:39 AM
موقوف
تاريخ التسجيل: 26/11/2006
مشاركات: 20
سووووووووووووووو ثانكيو
اضافة رد مع اقتباس
  #8  
قديم 14/02/2008, 12:41 AM
زعيــم نشيــط
تاريخ التسجيل: 21/10/2005
مشاركات: 513
موضوع رايق ..


بس ياليت تعلمني وش سالفة كوره عمر الغامدي صدز دخلت المرمى يوم خلص الشوط؟
اضافة رد مع اقتباس
  #9  
قديم 14/02/2008, 12:48 AM
الصورة الرمزية الخاصة بـ GOLDEN BOoOy
زعيــم مميــز
تاريخ التسجيل: 02/09/2006
المكان: Japanese
مشاركات: 1,861
موضوعك حلوووو

وضحكتني

وشكلك بثر

.>>امزح امزح هع هع


وشكرااا
اضافة رد مع اقتباس
  #10  
قديم 14/02/2008, 12:48 AM
زعيــم نشيــط
تاريخ التسجيل: 06/11/2001
المكان: بقيق
مشاركات: 725
الحمد لله خلصت الموضوع ..

بس عندي سؤال ممكن ..!!!

س / على كل هالسوالف وباقي عندك تبي تضيفها بالردود ، أنت شفت المباراة ؟؟
اضافة رد مع اقتباس
  #11  
قديم 14/02/2008, 12:52 AM
زعيــم فعــال
تاريخ التسجيل: 26/12/2006
المكان: فـــ قـلـبـهـآ ــي
مشاركات: 258
وش عندك تركز على الجلد مالجلد............................ههههههههههههههههههههه
اضافة رد مع اقتباس
  #12  
قديم 14/02/2008, 12:53 AM
زعيــم فعــال
تاريخ التسجيل: 01/12/2006
مشاركات: 471
هههههههههههههههههههههههه
والله ان هرجك كثير ما شاءالله عليك
هههههههههههههههههههههه

بس الكرت اللي اخذه التايب صحيح لانه منع هجمه للحزم
اضافة رد مع اقتباس
  #13  
قديم 14/02/2008, 12:54 AM
زعيــم متواصــل
تاريخ التسجيل: 08/12/2006
مشاركات: 57
إقتباس
بس ياليت تعلمني وش سالفة كوره عمر الغامدي صدز دخلت المرمى يوم خلص الشوط؟

^ ^ ^

ايه الكورهـ دخلت والجمهور فرحانيين على انها قوووول .. بس سامعين صفارة الحكم !!

==

إقتباس
واضح ان كان فيه مشاكل عند الرابطة:9

ما ادري وش بالضبط ...



هذ الله يسلمك جوا العسكر على الدقيقه 35 الشوط الأول .. واخذوا حقووي وطلعوا برا ..

المهم بعد مدهـ قصيرهـ رجع ولا غنا الى بعد بداية الشوط الثاني بعشر دقايق تقريباً !!

على ما اعقتد عشان كلامه اللي طلع بالمايك وهو يهاوش الورع

==

صراحة مباراهـ حلوهـ لاكن فيها بعض الأخطاء ومن ضمنها ؤفعات مسفر القحطاني .. كلها يصيد حمام فووق !

وعمر الغامدي مايوزع لعب كثير

وطارق ابدع الشوط الثاني .. لاكن فيه كورتين انقطعت منه وشكلت خطر كبير !

وياسر كبير .. بس فيه كم كورهـ بالشوط الثاني قاعد يسحب عند منطقة الجزاء وآخر شي انقطعت منه !!


بس صراحة نجم المباراهـ خالد عزيــز !!

وشكراً
اضافة رد مع اقتباس
  #14  
قديم 14/02/2008, 12:55 AM
زعيــم متألــق
تاريخ التسجيل: 16/09/2004
مشاركات: 1,015
مشكور على الموضوع

بس فيه ملاحظه عليك

خلصت الابتسامات كلها نزلتها في موضوعك
اضافة رد مع اقتباس
  #15  
قديم 14/02/2008, 12:55 AM
زعيــم متواصــل
تاريخ التسجيل: 25/09/2007
مشاركات: 161
مشكووور والله موضوعك اعجبني
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:28 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube