|
أسوء لاعب هلالي في مباراة الديربي السلام عليكم ورحمة الله وبركاته،،، مبروك الفوز على الغريم التقليدي نادي النصر ولا تقولون النصر مو غيرمنا التقليدي والدليل الجمهور الان وبعد ما انتهينا تقريبا من احتفالنا بالفوز والتشميت في نادي النصر علينا مراجعه حسابتنا وبصراحة فيه لاعب هلالي رفع لي الضغط والسكر والكلسترول عمــــــــــــــــــــــــــــــــــــــــــر الغــــــــــــــــــــــــــــــــــــامدي اللي بيزعل لا يكمل الموضوع عمر الغامدي مستواه من سيء الى أسوء من العام الماضي وقبله بعد لا يعرف يستلم كورة ولا يعرف يمرر ولازم عنده يرجع بالكورة ورا حتى لو كانت هجمة مرتدة واللي حصلت لنا كثير ولاكن للاسف اضاعها ابو الشباب حتى فكر كروي ماعنده ولست انا الوحيد اللي يقول الكلام هذا وهناك كثير ولدرجة اني اتشام اذا كان من ضمن التشكيلة بس الظاهر ان واسطته قوية مو بس في النادي حتى مع المنتخب وانا بصراحة عن نفسي ما تقبلته ابد وعمر لازال وسيبقى اسواء لاعب هلالي الرجاء اليحث عن حل او بديل لهذا الشخص اللي حــــــــــــــــــــــــــــــــــــــــــــــــــــــــــــــــــــــــــرام عليه اسم لاعب هلالي او حتى لاعب مسفر القحطاني سوا اللي ماسواه المفرج طلية مسيرته مع الهلال بالتوفيق للكابتن مسفر وللاسف ان بعض تشمتوا فيه من اول مباراة |
اخالفك في الراي انا اشوف ان عمر الغامدي حتى لو كان في النواحي الهجوميه ليس ممتاز ولكنه لاعب مهم جدا جدا و الدليل مبارة الاهلي وكيف تغير اداء الهلال بعد نزوله تحياتي لك |
مع احترامي الشديد لك شكلك نايم يوم تشوف المباراة عمر الغامدي من افضل الاعبين كان وكان جندي مجهول في المباراة .. وتوقيت موضوعك اكبر خطاء اليوم مباراتنا في دور ربع النهائي مع الحزم وتجي تتكلم ... |
أخالفك الرأي ومن رأيي الشخصي ما تعرف تقرأ المباريات ... عمر نجم وسيبقى نجم ومن ركائز نادي الهلال ولا تنسى المباراة النهائية العام الماضي |
الصديق كماتشو الله اعلم من اللي كان نايم وبعدين اقراء الموضوع كامل زين بعدين قل خيرا او اصمت |
أخالفك الرأي |
باين انك ماتفهم بالكوره شي اخوي الكلام اللي انت قاعد تقوله كبير لانك مشجع هلالي اخوي عمر الغامدي بنسبه لي من افضل لاعبين الهلال حاليا اخوي انت واللي مثلك مايعجبكم شي وبعدين اي لاعب لازم ينزل ويصعد مستواه و الغامدي من ركائز الزعيم وانا عندي مقترح انه تغير اسم الشبكة من شبكة الزعيم الى شبكة سب لاعبين الزعيم |
اخالفك الراي تماما |
اللي مايعرف الصقر يدعس على خشمه والله العظيم ان ماعندك سالفة بالكوره شكلك شارب بيض والا ماكل جرجير ياخي بعض الناس مايعرف الاعب وين يلعب وماذا يلعب حبيبي عمر الغامدي مايلعب هجوم علشان يجيب لك قول عمر يلعب محور واحيانا جناح ايمن وانا ارى انه افضل اللا عبين الذين يجيدون هذا المركز مع احترامي للجهال في الكوره وانا ارى انك تكتب موضوع زي الناس او اصمت وذاكر |
بالعكس عمر الغامدي الجندي المجهووووول |
حرٍآم عليك .. عمرٍ آلغآمدي .. لأعب مهم .. |
يا ليت يكون فيه احترام متبادل بين الأخوان الأخ ذكر وجهة نظره وعلينا أن نحترمها من وجهة نظر المتواضعة ( ولو ان الحديث في هالموضوع متأخر ) أعتقد ان أقل اللاعبين مستوى في مباراة الهلال والنصر هم ( مسفر القحطاني وخالد عزيز فهد سرور) رغم صناعته لإنفرادية ياسر التي تسبب بها ضربة جزاء أما بقية اللاعبين فمستوياتهم مقنعة .. والله أعلم :) أما أفضلهم فبلا شك ... الدعيع التائب وتفاريس والزوري |
اخالفك الراي تماماً عمر الغامدي افضل لاعب محور في الدوري |
والله حرام عليك والله انه من اميز اللاعبين خصوصــا في مباراه النصر في كل مكان تلقاه ماشاء الله عليه وبعدين فيه معلومه لازم انك تفهما ((المحور دوره الدفاعي اهم بمليون مره من دوره الهجومي)) وعمر ماذكر مدرب مر على الهلال الاويكون اساسي ماشاء الله عليه |
يا حبي لك يا جونيور الهلال شوف يا احد حلين الاول : يا انك ما شفت المباراة الثاني : انك شفت مباارة غير اللي حنا شفناها يا حبيبي من افضل لعبيه الهلال في هذا اللقاء ابو فهد الله يخليه لنا ومن افضل لاعيبة الهلال في المواسم الخمس الاخيره والله عمر الغامدي لاعب من الطراز الاول في السعوديه من نواحي عديده واهمها ناحية التكتيك لذلك تشوف اغلب المدريين يعتمدون عليه اعتماد كلي الله يخليه لنا ابو فهد |
| الوقت المعتمد في المنتدى بتوقيت جرينتش +3.
الوقت الان » 12:31 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd