أبطال أوروبا مباريات نااااريه وفي نفس التوقيت !! عطونا الحل - نادي الهلال السعودي - شبكة الزعيم

smart_boy · #1 14/02/2008, 09:30 AM

السلام عليكم

المعذره عن الازعاج يا شباب لكني مشترك جديد في قنوات art وابي اسالكم عن سياسه القناه في اعاده المباريات ؟؟ يعني متى تعاد كل مباراه ؟؟ وهل تعاد في نفس القناه اللي نقلت فيها ؟؟

لان الويفا شامبينز ليق فيها مباريات ناااار والمشكله كلها في نفس التوقيت فكيف اقدر اتابع اكثر من مباراه ؟؟ بصراحه نفسي اتابع مباراه الانتر والليفر ومباراه الريال وروما
فياليت شباب الخبره والقديمين مع القناه يوضحون لنا هالشي ويا ليت برضه تبينون لنا سياسه قناه الجزيره

ويعطيكم العافيه ,,

Milan_99 · #2 14/02/2008, 10:08 AM

يالغالي .. فيه اللي هو احسن في قناة تنقل كل المباريات يعني متنوعه كل شوي الكامير رايحة لمبارات يعني اذا جا قول للريال على روما راح تشوف ولو جا قول للميلان على الارسنال..;) راح تشوفه وهذي القناة هي سبوت 4 او سبوت واحد والله ماني متاكد ..

--------------------------------------------------------------------------------------------------------

بالنسبة للجزيره انا مشترك جديد .. زيك

هلالي صريح 00 · #3 14/02/2008, 10:30 AM

تنقل جميع المباريات مباشر ( كلها بنفس الوقت ) وبعد ما تنتهي بخمس دقايق يعيدونها على اي قناة غيرها

يعني لو الريال مثلاً نقلوها على سبورت4 الاعادهـ على 5 او 6 ان شاء الله اني افدتكـ

هلالي في جده · #4 14/02/2008, 11:47 AM

قناة art سبورت 4 تتنقل بين المباريات كلها .. اذا فيه هجمه خطيره او هدف تجيبه لك على طول !

لكن انصحك تحدد لك مباراه معينه وتشوفها ..

مثلا شوف مباراة الانتر مباشره ومباراة الريال اعاده << الاعاده تجي مباشره بعد ما تنتهي المباريات زي ما قال لك الأخ " هلالي صريح " !

smart_boy · #5 14/02/2008, 12:55 PM

الله يعطيكم العافيه ويوفقكم في دينكم ودنياكم ,,

مشكورين ما قصرتوا يالغالين وأنا أشهد انكم زعماء بحق وحقيق ,,

smart_boy · #6 14/02/2008, 12:57 PM

معليش اشغلتكم

لكن متى موعد الاعاده الثانيه ؟؟ لاني بصراحه صرت طماع و ودي اشوف ثلاث مباريات !!

هل هي مثلا اليوم الثاني الصبح او الظهر ؟؟

Bojan Krkic · #7 14/02/2008, 03:14 PM

تفضل هذا الموقع وان شاء الله يفيدكـ
http://www.artonline.tv/home/

hilalemooot · #8 14/02/2008, 04:22 PM

بالنسبة لي اذا كان فيه مباراة لـ مانشستر اشوفها وبعد المباريات حط سبورت 4 وتفرج على الاهداف

اذا ما كان فيه مانشستر فرفر بين هالقنوات واللي تشوفها حامية تفرج عليها

R V P · #9 14/02/2008, 04:37 PM

^^^^^^^^^^^^^^

نفس الكلام لكن انا اشووف مباريات الارسنال

smart_boy · #10 14/02/2008, 05:18 PM

^^^^^^^^^^^^^^^^^^^^^^^^^^^^^^^^

طيب واللي مثلي يحب الميلان ويعشق مانشستر ويدوخ مع الريال ويموت في الليفر ايش يسوي ؟؟

ادري انها حركه غبيه تحب فريقين في نفس الدوري لكني عندي في الهويه مشجع مانشستراوي والقلب هاوي وميال لليفر بشكل غير معقول وعجزت ابي اكرههم عشان استقر بس ما قدرت !!

ولد الزعيم البار · #11 14/02/2008, 05:40 PM

سبورت 4 هي اللي يشكل في المباريات

اور ح لبيت عبدالله بالخير يقولون ان عنده تلفزيونات واجد رح تفرج عنده

smart_boy · #12 14/02/2008, 10:55 PM

خخخخخخخخ خلصوا العالم عشان اروح لعبدالله بالخير !!

وبالنسبه لقناة سبورت 4 احس انها تقتل متعه الكوره يعني حلاه الكوره ومتعتها لما تشوف المباراه كامله وتتحمس مع كل هجمه اما تشوف اهداف وبس ما احس لها طعم

سالم 2007 · #13 15/02/2008, 01:34 AM

تنقل المباريات كلها مباشرة في نفس الوقت لكن

من اليوم الثاني تقريبا المغرب إلى ورى صلاة العشا يمكن تنلهن
بالنسبة للجزيرة الرياضية المهمة سهلة
على القناة بلاس 2 يعرضون الرامج اللي تطلع اليوم مثلا أو تذهب للموقع الرسمي يكتبون جدول البث للمباريات وهذا الرابط
http://www.aljazeerasport.net/HomePage

وإن شاء الله أكون قد أفدتك

المسؤول · #14 15/02/2008, 01:49 AM

شوف
انا يوم الثلاثاء ابي اتابع مباراة ليفربول والأنتر لانه اقوى المباريات
ويوم الاربعاء ابي اشوف مباراة ميلان والارسنال لنفس السبب

والمباريات الاخرى تسجيل

~| A z ! z |~ · #15 15/02/2008, 04:40 AM

إقتباس


	تنقل جميع المباريات مباشر ( كلها بنفس الوقت ) وبعد ما تنتهي بخمس دقايق يعيدونها على اي قناة غيرها يعني لو الريال مثلاً نقلوها على سبورت4 الاعادهـ على 5 او 6 ان شاء الله اني افدتكـ

زي كلامي ..