السلام عليكم ورحمة الله وبركاته

بإختصار القصة :-



كنت أتعشى (رز ودجاج *عالفحم وليس كبسة*) المهم خلصت العشا وكان هناك باقي منه كثير
قالتلي أمي ناد أخوك علي يودي العشا المحطة (عمال المحطة طبعا) يعطونا ديسكاونت لما نعبي :clapping::clapping::clapping:
المهم قلت لأمي أنا بأوديه واخذت الكيس ورحت أعطيهم إياه بعدين رحت البقالة واشتريت رد كود
وأنا راجع طريق البيت طبعا مشي ... أشوف ولد يجري وفي يده جوال وعدى من جبي وهو يجري وناظر فيه
قلت والله شكله سرق الجوال ... دخلت الحارة أدور له ولا مالقيته قلت خلني أرجع البيت وشلي صلاح أنا .... المهم دخلت عمارتنا وبيتنا فوق (في الدور الثاني) وأنا طالع الدرج أشوفه جالس يبكي (نفس الولد) قلتله خير يابوي .؟؟؟ قاعد يبكي ويقول لي بصوت ضعيف واضح عليه التعب الشديد ...(( تقدر توديني المستشفى التخصصي)) ؟؟؟؟؟؟؟؟؟؟؟؟؟؟؟؟؟؟

أنا قلت شكله يمثل وما يبغاني أبلغ عليه على الجوال ... قلي تكفى ياخوي ودني المستشفى أبوي ضربني ووراني ظهره ((والله لو ماشفت ظهره ماكتبت الموضوع أصلاً) في تلك اللحظة بغيت أبكي قدام الولد لأن شكله والحمد لله اللي أنعم علينا شكله فقير ومسكين وميسور ..
قلي الوالد ضربني وقطع جلدي شوف ظهري ويدي (طبعاً ظهره كله دم ) قلتله السيارة مافيها بنزين بعدين أهلي نايمين دق على الشرطة ...
قال والمصيبة إنه قال .......

قال: ((( دقيت بس ماهم مصدقيني قاعدين يضحكون علي )))

طبعاً أنا استغربت وشلون يضحكون عليه قال :((سمعوا صوتي صوت ضعيف حسبوني صغير ))((لأنه كان تعبان من الضرب )) قلتله بوديك البيت إمش قال ((مايمديني الوالد يدور علي عنده كورولا بيضاء))
وشوي جات سياره قلتله خش تخبى جوت البيت وانا بشوف السيارة وفعلاأ كورولا بيضاء ...

قلتله إمش أوديك المستوصف قال ((ماعندي فلوس)) وأنا زيه
قلت دق على أخوك قال مايمديني حتى أهوه يدور علي ... بعدين راح جاري في الشارع وقال بصوت ضعيف ((شكراً))

س1 - وش تسوي لو كنت معي وفي نفس حالي ..... ؟؟؟؟
س2 - راضي بسلوك الشرطي ؟؟؟

dfda الصراحة حزنتني على هالقصة المبكية فعلا
ما ادري وش يحس به الاب الظالم هذا :wallbash:
مايدري انه بيجي يوم ويكبر الاب ويكبر الطفل بعدها لن يجد له ابن يهتم به هذا اذا ما عقه او يمكن الولد اذا كبر يضرب ابوه
من معطيات قصتك واضح ان الولد لم يخطىء خطأ كبيرا يستحق علسه مثل هذا الضرب <<< مع ان الضرب ليس علاجا لأي خطأ ولكن اذا فرضنا ان الاب من النوع المتخلف اللي يضرب عند اي خطأ
لو كان الولد اخطأ خطأ كبير لما اتصل على الشرطة
ولو كنت مكانك اخذت الولد لأقرب مستشفى واتصلت بحقوق الانسان واتصلت على الجرايد وقلتلهم صوروا الوضع وفضحت الاب في القاصي والداني
والمشكلة هالولد ماله الا ابوه يعني اذا فضحنا ابوه وفعلنا به الفعايل وين بيروح الولد
ولكن اذا كانت امه مطلقة ممكن في هالحالة نرسله لامه << والمصيبة اذا كانت امه متزوجة من شخص ثاني وما تريد الولد عندها استجابتا لرغبة الزوج الجديد
طيب في هالحالة ماله الا دار الرعاية الاجتماعية يعني يكون الولد يتيم ووالداه على قيد الحياه
الموضوع يحتاج دراسة للحالة ووضع الوالدان ووضع العائلة ككل
واللهم اهدي المسلمين اجمعين
اما الشرطة بينتظرون الى ان يأتيهم خبر وفاته لا قدر الله مثل ما حصل مع الطفلة اثير
بعدها بيتحركون المفروض يخصص رقم مثل ماهو عند الغرب للمشاكل الاجتماعية ويكون هناك
مؤسسة اجتماعية متخصصة للمشاكل هذي فيها كوادر واعية رجالية ونسائية تقوم بالمناصحة والاصلاح ويكون لها دار مخصصة لتلك المشاكل تستضيف الاطفال المظلومين وتعيد تأهيلهم
مثل هالطفل متى ما كبر قليلا واشتد عظمه سيهرب من البيت وينخرط مع الشباب اللي اكبر منه سنا
ويصبح مجرما اما بالسرقات لكي يعيش او بالمخدرات او غيرها من الجرايم
ونحن بلد الله اغنانا بالبترول ولن يعيقنا فتح مثل تلك المؤسسات الاجتماعية وتخصيص ارقام لها
ودعمها بالاجهزة الامنية