|
والله انك صادق في كل كلمه قلتها والله يجمع شمل الهلاليين ويرجعلنا هلال الزعيم ونحقق البطولتين الجايتين |
ارثر جورج كان كبش الفداء للخروج المرير من كأس سمو ولي العهد فمن سيكون كبش فداء البطولة العربية وكذلك الاسيويه ومن كبش فداء بطولة كاس دوري خادم الحرمين الشريفين؟؟؟؟؟؟ اسئله صعبه؟؟؟؟؟؟؟؟؟؟ وجوابها هو : الله يستر |
اخي العزيز( ياقاهرهم ياسامي) تحية طيبة كلامك عسل ياعسل وتسلم والله على هالموضوع السالفة تبي اعضاء شرف ورئيس خبره ورواتب كل شهر ودعم من الجمهور( هاذي هي المتوفرة فقط)وابشر بالبطولات ان شاء الله |
يعطيك العافية أبو هيا على المقال الصريح والواضح والمميز .. وياليييييييت الكل يقرأه .. وأحب أركز على نقطة وهــــــــي : إقتباس:
ومشكووور أبوهيا على هالوقفة الصادقة والرائعة .. في وقت لابد أن نكون فيه يد واحدة .. أخــــــوك <TABLE STYLE=filter:GLOW(color="blue",strength=#+9)><FONT COLOR="white"> القلب الأزرق </TABLE></FONT> |
آخ ياليت اعضاء الشرف يطبقون ماتطلبه يا استاذنا الكبير يا قاهرهم ياسامي . |
ياخي اش فيك انت تطالب الجمهور بمساندة سعود بن تركي وهو اتسدح في امريكاء الفلوس ماهي كل شي ها وش سوت فلوس سعود بن تركي غير النكبات للهلال وبعدين مازلت تدافع عن صديقك المصيبيح يسمح لسامي يروح باريس ولندن ويرفض ذهاب تركي و المطرفي لمكه لأدا فريضة الحج ياخي كافينا تخلف يعني اذا راحل سبب المصايب المصيبيح قفل النادي فيه مليون بس ينتضرون الفرصة ********* عزيزي .. ليست هذه طريقة حوار !! |
اخوي يا قاهرهم يا سامي مدري وش اقولك بصراحه قريت الموضوع مره ومرتين وثلاث وخرجت باشياء كثيره منها ان كل كلمة قلتها تدل على انك انسان فاهم اخوي يا قاهرهم يا سامي الله يعطيك العافيه تقبل تحياتي:) واما بالنسبه لرد ابو حسام فاستغرب ما تفهوه به من بربره على غير سنع ثم من انت يا ابو حسام حتى تتكلم على ياقاهرهم يا سامي بهذه الطريقه؟؟؟؟!!!!! من انت ايها النكرة حتى تتطاول على رمز من رموز الهلال في الانترنت!!! ان كان ظنك ان الاداري الناجح فهد المصيبيح بانه ناكب الهلال على حد قولك اسمح لي اقولك ما عندك سالفه, فالمصيبيح رمز كبير يعصب عليك انت وامثالك تشويه صورته. تاكد عزيزي بان الشجره المثمره هي التي ترمى بالحجاره. وعليك مراجعة حساباتك ولا تنسى تسوي تحليل على مدى حب الهلال في دمك, هذا اذا كنت منتمي للهلال وتهمك مصلحته. تحياتي |
هلا ابو مشعل وش لونك شخبارك الله يسلمك المهم: الهلال يحتظر هذا الموسم والكل يتفرج فالحين بس في الترزز والتصاريح في كل مطبوعه وقناه فضائيه انا نفسي ان الهلال يحقق بطولة الدوري تدري ليش؟؟؟؟ ماهو على شان انها اهم بطوله لا بس عشان تشوفهم وقتها كل واحد يجر بشته وراه وسادل الغتره ويترزززز قدام الكاميرات وهاتي يا تصاريح ويا اشادات فعلا عزيزي ابو مشعل من متى والهلاليين كذا انا اقول عين وصابتهم او ان رئيث النثر عمل لهم عمل من اللي خبرك _____________ اصحوا ياهلاليين والتفوا حول النادي حتى لانخرج بخفي حنين ومن المولد بلا حمص |
ياقاهرهم ياسامي . نعم لكلامك المفصل الحاو و الذي موجه لأخطاء ارتكبت و ليس موجه على انه اتهام المؤامرة |
أخوي أبو هيا السلام عليكم سلمت أناملك من كل سوء,,, @ مفهوم العدل عند هؤلاء أعتقد تلخبط مع "ساحة العدل" وتلاوة بيانات الاعدام يوم الجمعة , فالمسألة لاتعدو أن تكون قصب x قصب,,, @ يبدو أننا أمام حقبة جديدة وخطيرة من " التشجيع" وهي " الحقبة الانترنتية" فهذه المرحلة ستحدث تموجات وتغيرات كثيرة لاندري ألى أين ستقودنا؟ @ياحبي لك يأبو هيا, كيف تطالبهم بالتكريم, وهم يفهمون المعروف مقلوباُ, أليسو يحرمونك من حقك ثم يعيدونه " بمكرمة", ففي المقابل فهم يرون ان إلانضمام للمنتخب بحد ذاته تكريم, حتى لو تمرمطت في المعسكرات والسبع دوخات,, @ على طاري أعضاء الشرف, لقد أضحكني "عضو الشرف!!" الامير خالد بن محمد بقوله" كيف تطالب اللاعبين بالابداع ورواتبهم تتأخر.." فقلت إن الامر وحدة من ثنتين : فإما إنه يقصد الفريق المنافس حيث نزلت منه حنية لهم(ثمانية اشهر لم يستلموا هللة واحدة) أو إن " مصادره مضروبة" لكنه من الواضح أنه لايتابع فريقه حتى من الصحف ( الهلال الفريق الوحيد هذا العام الذي يستلم لاعبوه رواتبهم مع نهاية كل شهر) @ التناقض ستجده في مفهوم بعض الناس للاحتراف, فإذا إنتقل لاعب منا قالوا هذا الزمن زمن" الفلوس", وإذا قلت لهم إن الامير الشاب يدفع" فلوس" قالو لك إن " الفلوس" ليست كل شيء( هل هذا من إرهاصات الحقبة الانترنتية ؟) @ الرئيس لنا أم للاعبين؟ يعني لو خيرنا اللاعبين بين رئيس يحضر حتى التمارين وفي المباريات "يفصخ" بشته للاعب المستبدل ولايترك سداسيات إلا ويسابقهم بالحضور, لكن هذا المسيكين "مامعوش" وسياراتهم المستأجرة ستسحب منهم" لعدم السداد" أم رئيس سيوفر لكم إستحقاقاتكم مع نهاية كل شهر ومكافأت الفوز بعد كل مباراة لكنكم قد لاترونه إلا في النهائيات أو المباريات الحاسمة؟ فليتخيل أحدنا أنه مكان أحد اللاعبين, فمن سيختار؟ @في الدول الاوروبية, رئيس النادي أقل المنتمين للنادي حضوراً, فيكتفى بوجود المدير الفني والاداري, طيب الستم تريدون إحتراف مثلهم؟؟ @ نحن كأمة عربية مسكونون بما يسمى " مفهوم المؤامرة", فعلى المستوى السياسي أو الاقتصادي أو الاجتماعي نحشر مشاكلنا في كورنر" المؤامرة", و معناه بإختصار أنه حجة لمن يريد أن يشل تفكيره ويوفر " مخه" عن البحث في الخلل اسباباً ونتائجاً وحلولاً,, سلمت لنا,, |
هلا اخوي يا قاهرهم يا سامي اما المنتخب .... الكل عارف من هي الشخصيات التي تديره ولا احد يرجو منهم خير ابدا كل قراراتهم ضد المصلحه العامة وضد المنتخب اما الهلال .... فمشكلتنا الاساسيه هي اعضاء الشرف ثم اغضاء الشرف لا نستطيع تبريئة سعود بن تركي ولا اتهامه الا اذا توفرت له مقومات النجاح كلامك كله دُرر يا قاهرهم الهلال و جماهير الهلال في حاجه لك و لامثالك من الكتاب المميزين لتنويرهم ولتوضيح الصوره من حولهم |
والله الظلم ليش لنادي الهلال فقط |
لو يفيد المناقز بالخير يا قاهرهم ياسامي... مااقول الا ((اجر الصوت من جرح برا لي ****** انا والجرح اكبر من زماني)):( ((ومن وين ابتدي؟ياجرحي الندي ******* ابكي على الايام والحظ الردي)) شكرا لكل ماقلته . . . ارق تحيه |
لو سمحتو.. لو سمحتو ,,,,,,, لحظه ......... لحظه ,,,,,,,,,,,,,,,,,,,,,,,,,,, انا من وجهة نظري ........ الحل بسيط ومو بهالتعقيد والخوف هذا كله ,,,,,,,,,,,,,,,,,,,,,,,,,, اولا: يبقى سعود بن تركي ,,,,,,,,,,,,,,,,,,,,,,,,,, ثانيا: يبقى فهد المصيبيح ,,,,,,,,,,,,,,,,,,,,,,,, ثالثا: تنسيق المسعري والقحطاني والمطيري والنزهان والصويلح والرشيد ,,,,,,,,,,,,,,,,,,,,,,, رابعا: طرد الكاتو وتوليو ,,,,,,,,,,,,,,,,,,,,,,, خامسا: التعاقد مع لاعب ظهير ايسر ولاعب جناح ايمن اجانب ,,,,,,,,,,,,,,,,,,,,,, سادسا: الابقاء على ماتورانا ,,,,,,,,,,,,,,,,,,,,, سابعا : تدعيم الفريق باللأعب ابراهيم ماطر بأي ثمن ,,,,,,,,,,,,,,,,,,,, ثامنا: اعادة ذوي الخبرة الى الملاعب( الثنيان , ابوثنين) ,,,,,,,,,,,,,,,,,,, تاسعا: اعادة الصف الواحد لاعضاء الشرف ,,,,,,,,,,,,,,,,,,, عاشرا : عدم المبالغة والتجريح من قبل الجمهور الهلالي الغيور ,,,,,,,,,,,,,,,,,,,,, وبكذا لا يمكن ان ندخل في جدل ماله داعي مادام ان الجميع يبي مصلحة الزعيم |
رد: 30% = 100% إقتباس:
تحياتي |
| الوقت المعتمد في المنتدى بتوقيت جرينتش +3.
الوقت الان » 12:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd