|
!! ..][ آآآهـ تخيلـوا لو هـذا موجـود في السعوديـــة ][.. !! بسم الله الرحمن الرحيم مساكـم / صبحكـم .. اللـه بالخيـر جميـع :smilie47: حقيقـه اليـوم عنـدي موضوع ,, من زمـااان وأنا حـاب انزلـه ,, ولكن ما فضيت الا اليوم :d الموضوع يتكلـم عن [ السينمــا ] !! السينمـا وما أدراك ما السينمـا !! :smilie47: السينمـا عالم آخر يعيشه شباب المجمتعات الأخرى في دول العالم أجمع ! الا [ شباب السعوديـة ] !! لماذا !؟ السينمـا .. هو عـرض بروجيكتر على شاشه كبييره داخل صاله عرض .. يعرض فيها جميـع الأفلام السنيمائيـة ( الجديدة ) في السوق العالميه .. هـل تؤيـد السينمـا في الوقـت الحاظـر !! في ظل وجود فراااغ كبيير يعيشـه كثيير من الشباب !! وإهمـال مواهبهم والقضاء عليهـا !! من قبل الجهـات المختصـه !! حقيقـه السينمـا بالنسبـه لي يعني الكثير والكثير ,, وأنا أؤيد وبقوووه السينمـا ! لأنهـا راح تحل [ جـزء ] بسيـط من الفراغ الي يعيشونه الشباب !! يعني ! ليـه حنا يالسعوديين ما عندنا زي دول الخليج !! ليه هم عندهم سينمـا ,, وأفلام ,, وأسواق ,, وفالينهـا صح !! أما حنا هنا كل شي ممنوع !! :stoned: أوكي حنا ما قلنـا نبي نسوي الأشياء [ المحرمـه شرعـاً ] لكــن على الأقل يقضـون على الفراغ اللي حاصل عند الشباب !! وأولهـم [ محدثكـم ] ! يعني عاجبهم الوضع كذا !! ( تحشيش - تفحيط - مغازل - لواط - زنا - سرقه ) إلـخ .. جرائـم لو بعدهـا من اليوم الى بكره ما راح أحصيهـا !! كل هذا بسبب وجود الفراغ عند الشباب ! وأيضـاً [ الفتيـات ] .. _ _ _ _ _ أنا عندي كم سـؤال وياليت تتفاعلون معي .. س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ <<< بثر :d س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟ س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟ س4- هل تتوقع أن هنـاك ضـرر من إقامـة السينمـا !؟ أتمنـى التفاعل معـي ,, خصوصـاًَ أن الموضوع يهمني . ويهم جميع الشباب ألي في سني :d ][ دمتـم بـود ][ |
رح للبحرين سينما مافي امل يحطونه بالسعوديه |
س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ ايه اايد نظرا لكل مانزل فلم زي الناس سرينا للبحرين س4- هل تتوقع أن هنـاك ضـرر من إقامـة السينمـا !؟ اتوقع بوجود اصوات معارضه ضرر لاارى بوجوده هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟ احسن من غيرنا |
اخوي الافلام اللي تطرح بالسينما اتحداك تلقى فيلم مافيه مقاطع مخله واعتقد ان الاغلبيه لاتريد هذا الشيء وثانيا لو قلنا اوكي نسوي سينما بينقزون البنات يبون سينما :d ان اقول امنعونا من الفتنه ذي وبعدين اخوي والله لو يطل براسك نخل مايجي بالسعوديه سينما :d :smilie47: :smilie47: :smilie47: :smilie47: :smilie47: لان السعوديه بلد ديني :smilie47: :smilie47: :smilie47: :smilie47: :smilie47: _+_+_+_+_+_+_+_+_+_+_+_+_+_+_+_+_+_+_+_+_+ إقتباس:
الا والله ان تزيد الطين بله ماغير تلقى الشباب يطبقون اللي يشوفون :d تحياتي |
يعطيك الف عافيه ابوداحم :smilie47: على الموضوع الرائع ولي بصراحه يحتاجه الشعب السعودي لماذا لا يضعون لدينا سينما هل السعوديه من الدول الغير متطوره لا ومن دون اي تفكير السعوديه من الدول العربيه المتطوره ولكن هنا السؤال لماذا ؟؟ س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ نعم نعم نعم لان الشعب السعودي يعاني من فراغ كبير جداً ومن الممكن ان السينما تحل بعض الشي من الفراغ الذي نعيشه حالين:yes: س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟ لا :nono: ، ماذا يفعل الشعب السعودي حالين اقصد الشباب ( اكل ومرعاً وقلت صنعى ) :d س4- هل تتوقع أن هنـاك ضـرر من إقامـة السينمـا !؟ بكل تأكيد سيكون هناك تجمعات وزحمت السير والمشاكل وغيرها ولكن اتوقع ان وضعو سينما بلا شك سيكون هناك تنظيم يفيد الجميع وفي الختام اشكرك يا عبدالرحمن من كل قلبي على الموضوع لا خلا ولا عدم s60s |
س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ <<< بثر :d لا و بكل قوه وشده .. لا تقول لي اني متزمت و متحجر .. بس ياخي انظر له بثلاث اشياء .. اول شي من منظور الفلم نفسه .. وهو انك راح تشوف لفم بدايه ونهايه بنص ساعه :D .. طق طق طق .. وخلص الفلم .. لان ربعنا ما شاء الله عليهم على كل طيحه قطعوا ابو المشهد .. ولاز تجي الممثله متستره زين عشام ما يقطعون المشهد .. يعني لو وشو ما راح تشوف فلم مثل العالم والناس .. وثلاث ارباع الفلم مقطوع .. ثاني شي ..تهقى اذا جليت تناظر الفلم .. منب لاقي مضايقات و استهبال من الـ ............ ؟ .. يعني بليجون ابو القاعه .. و يستهبلون استهبال بايخ .. وخذ عاد من ثاقله الدم وسوالف التخريب الي تمشي بدمهم .. ثالث شي ..شوف الناحيه الثانيه .. اللجه الي تبي تصير .. والمشاكل .. والتدخلات .. و الاحتجاجات من رجال الدين .. و الاختلاط .. والمحارشات .. وزياده على ذالك انك ما راح تشوف فلم زين الناس .. فـ ليش نفتح سينما و ندوخ اروحنا بالمشكال ووجع الراس والكلام الزايد .. وبعدين الحين يقدر كل واحد في بيته يسوي له مسرح منزلي .. ومصغر .. وعن طريق النت ينزل افضل الافلام .. و يحولها على التلفزيون .. وبجو هادي ومن دون قلق ووجع راس .. والسنما مو هي الحل للسد فراغ الشباب .. س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟ انا اطالب بمدن العاب عالميه .. كما يوجد في الكويت كـ مثال قريب .. الي هي مدينه الكويت الترفيهيه بالكويت .. مدرينه متاكمله من جميع النواحي .. واذا دخلتها ما ودك تطلع منها .. لاها شبابيه بحته و ايضا عائليه لكن بصوره محوده .. وتنفع للصغير وللكبير .. وتناسب جميع الاعمار .. فهي الحل الوحيد للشباب .. وما قلت شوفوا المدن الي في باريس او في النمسا او مدينه جنتق في ماليزيا او .. الكويت اقرب و بسيطه ومن نفس مجتمعنا .. وهي افضل مدينه ترفيهيه بالخليج .. طبعا مع ستثاء الميدنه المائيه بدبي [ الويلد وادي ] .. مدينه العاب عالميه معقوله .. مو قطار الموت الي في ستار ستي لاجيننا عليه ولا هو والله مدري وش يبي ولا يسمى لعبه المدينه كلها ما تسمى مدينه ترفيهيه ..! والي ما عيرف المدينه الترفيهيه .. يبحث عنها ويقرا عنها ويشوف صور عنها .. ويعرف كيف هي ووش موجود فيها .. ومدى المتعه الي فيها .. وطبعا دوله الكويت فيها اشياء للشباب .. و معطيه الشباب اهتمام خاص و جانب خاص وموفره لهم اروع المدن الترفيهيه واجملها .. واكر من 3 مدن متميزه و رائعه في الكويت .. اما البنات فـما اقدر اجاوب عنهن ووش الي يناسبهن .. س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟ والله السؤال هذا صعب .. لان الناس يختلفون .. وفيه شباب الدنيا يمين واهم يسار والعكس .. لكن كل شاب وله اهتماماته الخاصه .. و ما فيه احد ماله اهتمام .. فلو استغل كل شاب اهتمامه و هوايته و نماها وتابعها .. كان ما لقيت احد فاضي .. بس الشعب عندك يبي كل شي قدامه جاهز ونقول له تعال خذ .. كل شاب له اهتامات .. من يغوص في بحر اهتاماه وهوايته .. صدقني مستحيل تشوفه فاضي ويتمللمثل غيره الي اربع وعشرين ساعه بالمقاهي و الشوارع .. س4- هل تتوقع أن هنـاك ضـرر من إقامـة السينمـا !؟ ضرر كبير .. باعتبار ان الشعب السعودي وخصوصا نجد شعب ما شاف خير .. ولا تنسى كثره الـ ........... في نجد و تخلفهم .. فـ ضرره اكثر من نفعه ومثل ما شرحت بالسؤال الاول .. تحياتي لك اخوي .. واشكرك على الموضوع المتميز الي جاء على الجرح .. :smilie47: |
لى عودة بعد الصلاة ............... ___________________________________________--- رجعنااا س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ لا والله مااؤيد وبقووووة بعد الحين محلات الفديو موجودة بكل مكان والواحد يقدر ينزل اي فلم بساعة او ساعتين .. والسينما اضرارة كثيرة وفوائدة قليله او معدومه ... البدايه للشباب وبعدين للبنات وبعدين عوائل ولاتتوقع ان البنت تجلس تشوف الفلم منقبه او متغطيه .. وبعدين أغلب الافلام فيها مقاطع فاضحة و غير اخلاقيه سواء عربيه او اجنيه بل يمكن العربيه اكثرررررررر ... والشيطان له خطواااااات سينماومنتخب قدم نسائى وقيادة سيارة والله يستر وسالفه السينما ماسمعنا به الا عقب ماجلس عبدالله بن بخيت وخالد سامى وغيرهم يطبلون لهالسالفه خصوصا خالد سامى اللى يقول انه حلم ان السعوديه راح يكون فيها سينما بجدة يقصد العام اللى راح عام 28 بس شكله مرتفع يوم يقوله .. س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟ ياأخوى أشياء كثيررررررررررررة تغنى عن السينما انت تدرى ان نصف الاستثمارات اللى بدبي مملوكة لسعودين السؤال اللى يسدح نفسه ليش مااستثمراو بالسعوديه لان الدعوى فيها تعقيدات الواحد يجلس سنتين ويمكن اكثر عشااان تصريح ولا اذا كان الاستثمار ضخم لازم يشاركة وااحد مسؤول وانا مااقول الكلام من عندى لا سامعه من نااس داخلين بهالمجال .. وبعدين السعوديه عدد الشباب فيها اكثر من نصف السكاان خذ عندك رالى حائل على طووووول نجح لان الشباب يدورون مثل هالاشياء يروحون للرالى من القصيم والرياض والشرقية .. مثال ثانى لو حطوا صالات مغلقة نفس اللى بالدول الثانيه تكوون درجة الحرارة بالصيف 25 قسم بالله انى يجون الشباب من العصر ولا يطلعون الا الفجر وبعد لو يحطون ملاعب مجمعة, صالات تزلج , اى شى يجذب الشباب .. واللى يقهر البحرين وميزانية البحرين ماتجى ميزانيه السعودية اسبوع مسوين حلبه سباقات للسيارات وب 600 مليون ونصف اللى مشاركين فيها سعوديين .. وتراى امووووووووووت بالافلام عندى هاردسك 120 قيقا مليان اى فلم اكشن او كوميدى عندى بس عاد بتله الواحد يبى التغيير .. لو يروحون ربعنا لماليزيا ولا لجنوب فرنسا ويسوون بس 10 % من اللى هناااك كاااااان وناسه س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟ والله الوحد يكون متفائل لاكن شوفه عينك القنوات الفضائيه لاعبه بعقول الشباب من جهة والبطاله من جهه والفراغ من جهه والفقر من جهه ولو رجعنا للاشياء هاذى 90% من القنوات الفضائيه لسعوديين وشرهم علينا بس والبطاله عندنا ست ملايين عامل اجنبى وعجزنا نوضف 280000 والفقر ميزانيه لبنان واليمن واندونيسيا وعد واغلط من الدول واقفه على ميزانيتنا وياليل مااطولك ( وازيدك من الشعر بيت أخر تصريح لوزير العمل 280000 شاب عاطلين عن العمل لا وبعد ماقال فيه وظائف يقول الروائى والوزير ومقدم روايه بنات الرياض الماصخة و ......... الخ ان شهاداتهم ماتصلح عذر اقبح من ذنب ) س4- هل تتوقع أن هنـاك ضـرر من إقامـة السينمـا !؟ اااااااااااااااااااااااااااااكيد وان شاء الله السعودية مايكون فيها سينما الاشياء البديله انفع واحسن . وبالنسبه لقولك ان الشباب تحشيش ومشاكل ولواط هاذى وهو مافيه سينما كيف لاصار فيه سينما والاشياء هاذى وان كانت موجودة الا انه مو منتشرة ولله الحمد واذا بغينا نعالجة بالمدرسة وبالمسجد وبنشر المطويات _________________________________________________________________ أخوى فزاع الاجيال كلمة ( رجال الدين ) هاذى ماتقال لنا يالمسلمين هاذى للنصارى والرافضة حنا كلنا رجال دين لاكن نقول مشايخ وعلماء ... ثانيا بالنسبه لنجد تقول انهم ماشافواخير يبدو انك حكمت على السعوديه كله لان نصف السعوديه هى نجد .. بالنسبه لى وللى حولى الحمد لله مانقول الا الله يديمه من نعمة رايحين وشايفين الدنيا شرقه وغربه لاكن مايعنى هذا ان الاشياء اللى موجودة هناك ابغاه تكون بالسعوديه لان السعوديه عنده اشياء مو موجودة عند العالم كله وهى مكة والمدينه .. وبانسبه للفراغات اللى باأخر كلامك أتمنى انك ماتقصد الملتزمين ( المطاوعه ) .. وأتمنى تتقبل كلامى بروح رياضيه وتبقى نجد هى عز العرب شوكرن صاحب الموضوع ... واذا كنت فاضى تراى خابرن لك شغل ...... |
والله يالغالي انا اؤيد وبقوة لانها تقلل من التجمعات الي بالشوارع وتسبب التفحيط والتفحيط يجره شراب ولواط و زنا ..اعوذ بالله.. قفلة .. والله انا اول مارحت للبحرين مع العيال جينا بنخش السينما شفت الامن الي عند بوابة السينما قلت له هذا مدخل عزاب والا عوئل خوياي مشو وخلوني كنهم مايعرفوني والامن تقطع بطنه ضحك قال انت سعودي قلت ايه لحقت خوياي وقالي واحد .. انا حمار .. قلت ليش قال لاني خليتك تروح معنا |
اييييييييييييييييييييييييييييييييه ولادايم الا وجه الله :d والله وقامو عيال العالميه يترززون هنيا :d اكيد يحتكون عشان مانجيب العيد فيهم في المباراة :d كنق الميلان :smilie47: هلا والله وغلا لي عودة ان شاء الله ..................................................................... إقتباس:
لايشـيـخ :d بروجكتر بروجكتر ماغيره ؟؟ << لاتقولي وشهو البروجكتر ؟؟:d خخخخخخخخخخ :d وش قصدك يعني مانعرف السينما ؟؟؟ :d يعني عشانك جاي من العالميه تتفلسف علينا ؟؟ :d خخخخخخخخخخ:d تحسبنا مانعرفها ؟؟؟؟ لا لا ذي بحق صراحه :d قويه في حق اهل المجلس http://www.altemawi.net/vb/images/smilies/sm5.gif لاتسكتون له يالمجلساويه http://www.altemawi.net/up/uploads/b17c3821aa.gif<< بيشبها بينكم http://www.altemawi.net/vb/images/smilies/S_45.gif إقتباس:
لا .. انا ضد الفكرة نهائيا بصراحه :) ولاتقولي ماعندك سالفه :d يخوي الحين زي ماذكر واحد من الاخوان فوق يقول لو حطيناها بينطون البنات يبون سينما http://www.altemawi.net/vb/images/smilies/sm5.gif وبنفتح باب للي مسوين يدافعون عن حقوق المراءة وهم هدفهم الاول والاخير ان المرة تطلع متبرجه بلاحقوق بلا خرابيط ..!! :) وبعدين ماراح تعالج المشكال اللي انت ذكرتها السينما ان مازادت الطين بله ماراح تعالجها من وجهة نظري ..!! لأن المفحط :d له جوه :d بتقول رح سينما تدري ووش بيرد عليك ؟؟ : انقلع يالصوفي ..!! :d:d إقتباس:
لا انا احب الافلام وبالذات فلم بريزون بريك :bigeek: << احسك بعد ذي بتعرف اني داج بالافلام :d بالنسبة للشباب نبي اماكن ترفيهيه تجد فيها كل شيء من ملاعب من مدن العاب تناسب الشباب .. اهم شيء فيها قطار موت زي اللي بملاهي الربوه :d ابضرب لك مثال فيه في دبي مكان اسمه القرية العالميه ... والله انواع الفله http://www.altemawi.net/up/uploads/b17c3821aa.gif تحس انك تنبسط اذا خشيته ليه مايسوون هنا زيه ويخلونه للشباب :d والبنات ينطقن في بيوتهم المطبخ ويخب http://www.altemawi.net/vb/images/smilies/S_45.gif << طالب حرش :d إقتباس:
بالنسبة للشباب لا ... لأن اكثرهم دجوا :d بسبة هالفراغ ..!! الا من رحم ربي ..!! إقتباس:
اتوقع انه في حال اقيمت سينما راح ينفتح المجال امام اشياء كثيرة مخالفة ليتم تطبيقها واقربها قياده المراءة للسيارة وغيرها ...!! يعطيك الف الف عااافية ياغاااااااالي على الموضوع الراااااائع ..!! ومنوّر المجلس بطلتك :smilie47: |
هلا وغلا بـ كنق ميلان .. بس ترا المباراه الخميس الجاي..:surprised::d:d موضوعك جميل اخي العزيز ...وكنت مثلك افكر واقول ليش ما عندنا سينما ؟؟؟ بس لما تفكر شويتين :d بتشوف ان لها اضرار اكبر .. فانت بما انك تحب الافلام خذلك الشوتايم واوربت وعش حياتك يا معلم ....:d:d:d وخل ابن امه يقطع لقطه وحد ..:d:d ودي اطول في الرد بس اقامت الصلاه :smilie47: يعطيك العافيه اخوي كنق ميلان ...ورده سلااااااااااااااااااام |
^^^^^^^^^^^^^^^^^^^^^^^^^^^^^^^^^ وزود شاشه بلازمه وبوب كورن وطف الانوار وعيش جوك <<<<<<حركاته مع عيال عمه المطافيق |
انا مع السنيما 100% |
س1- هل تؤيد إقامـه السينمــا في السعوديـة !؟ اذا كانت بنعم أو لا ! وضح الإجابه !؟ لا .. لأنه محرم شرعا .. ويوجد أختلاط .. س2- اذا كنت لا تؤيد وجود السينمـا لعدم حبـك للأفلام ! اذاً ما تريد أو ماذا تحب أن يكون موجود بدلاً من السينمـا !؟ الصدق أني اموت ع الأفلام بس ماأييد تجي بالسعوديه ألا في جده .. س3- هل الوضع الذي يعيشـه المجمتـع السعودي الآن يعجبـك !؟ في وجهـة نظرك الشخصيـة !؟ مايعجب الكافر , س4- هل تتوقع أن هنـاك ضـرر من إقامـة السينمـا !؟ شبابنا مهوب مقصرين بال اشياء أي مهيب زينه .. عندنا بين قوسين ..تخلف.. مع تحياتي ملك الـ&ـلال |
إقتباس:
مع تحياي ملك الهلال |
القنوات الفضائية ما قصرت ....!!!! |
| الوقت المعتمد في المنتدى بتوقيت جرينتش +3.
الوقت الان » 01:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd