الهدلق.. والوصايا الـ 11 .. لا تفوتكم !!
 

كيف تعد فريقك للمشاركة في بطولة خارجية
عــبـدالـعـزيـز الـهـدلق

* أن تتفرج طوال الموسم على المدرب «المفلس» ثم تستبدله قبل البطولة الخارجية بـ 48 ساعة.

* أن تحارب النجوم وتبعدهم من النادي الواحد تلو الآخر.

* أن يحظى عديمو الموهبة وضعيفو الامكانات المهارية والفنية بالرعاية والاهتمام والفرض على التشكيلة.

* أن تفتعل مشكلة مع أحد أعمدة الفريق قبل البطولة بثلاثة أيام تمهيداً لإبعاده نهائياً ثم تشركه في البطولة.

* أن تبعد المدافع الأساسي عقاباً له ثم تطلبه للمشاركة بعد مباراتين من البطولة.

* أن يكون برنامج الاستعداد للسفر على طريقة «الوعد المطار» لتفاجأ أن أحد اللاعبين لم يحضر لتسافر البعثة بدونه.

* أن تسمح لقائد الفريق بالغياب عن التدريبات والسفر لتصوير إعلانات تجارية ويغيب عن اللقاءات الأولى في البطولة.

* أن تمنح شارة قيادة الفريق لأسوأ لاعب في الفريق رغم وجود لاعبين كبار مستوى وتاريخاً وعمراً بمن فيهم عميد لاعبي العالم.

* أن تقدّم عرضاً لأحد لاعبي الفريق المنافس «العاديين» بمليون ريال وتوقِّع عقودا مع لاعبيك المحترفين بوعد إعطائهم مقدم عقد ثم تعطيهم عرض أكتافك.

* أن يعيش الفريق طوال فترة الإعداد والبطولة بلا اهتمام أو متابعة قريبة وشخصية من رئيس النادي أو نائبه أو أي شخصية قيادية مؤثرة.

* أن تشرك لاعباً أجنبيا وتعتمد عليه في التسجيل بعد تجميده وإبعاده عن المباريات لأكثر من شهرين.

وبعد أن تتبع هذه الخطوات الأحد عشر عزيزي الإداري وتطبقها بحذافيرها، هذا وجهي إن أخذت بطولة اليوم أو غداً محلية أو خارجية. وعلى فكرة هذه الخطوات والنصائح للأمانة ولحفظ الحقوق الفكرية ليست لي ولكنها نتاج فكر نيّر لإداري فذ وجهبذ أصلح الله شأننا وشأنه.

والله انك صادق بس وين الى يسمعون ،،،،،،،،،

تسلم يدك ياالهدلق والله انك احسن من في الجزيره والباقين
نـــــــصــــــــب × نــــــــــــــصـــــــــــــب

هلا بابو فارس ,,,

المدرب كان مقبول من الاداره , لكن هناك من طالب بإبعاده , وعندما ابعد قالو ليه التوقيت السيء ولو انتظرو الى نهاية البطوله قالو حنا قلنا لكم من اول ابعدوه ( حركات صحفيين :):):):) )

( تحارب ) <== قويه هذي , المفروض تكون ليه تطبق النظام على لاعبين ( غير منضبطين ) وغير مؤهلين لأن يكونو محترفين , وبعدين ترى ما احد ابعدهم , هم رفضو وطلعو ( وإلا المطلوب يربطونهم ) :)

بعد هروب الغير منضبطين , وبعد التزام النجوم بالمنتخب , كان لزاما ان يكون هناك نقص بالفريق , ومن الطبيعي ان يكون فرق مستوى الاحتياط الثالث كبير عن ما تعود عليه الجمهور ,,,

ياراجل , الافتعال كان منكم , اللاعب يبي فلوس , واعضاء الشرف ماعندهم , وبعدين غريبه يفتعل مشكله وفي الاخير يُشركه !!! ماتجي انت تضحك على مين ؟؟:confused:

وش حادك على المر , وهنا يبرز شيء مهم وهو ان لا وجود للمكابره والعناد , الفريق احتاج لللاعب يُفترض ان يتم عقابه , وتنازل المسؤل , واشرك اللاعب ( نقطه تسجل لك ياالمصيبيح ) طاحت بالخطأ :):)

لا المفروض يمر عليه في البيت و ( يطق الكلبشات في يدينه ) ويسحبه معه لتونس :bigeek:

ويغيب عن اللقاءات الاولى ويفوز الفريق , ويلعب النهائيه ويخسر الفريق :blueroll:
هذي حتى لو لها رد ماني قايله في ذي انت صح :):)

ما كأنك فضحت اعضاء الشرف ؟؟ ليش ماتصير بطل وتقول وين دعمكم يااعضاء الشرف ؟؟ وإلا ما تقدر عليهم ؟؟ , ويمكن مالك نيه !!!
ويعيش حرب شرسه من اعلام ( يفترض انه اعلام داعم ) !!!! ( البعير ما يشوف عوج رقبته ) :):)

هذي الله يسلمك حشو , هبوط المستوى كان واضح على الاغلبيه بمافيهم اللي لهم سنه يشاركون في مباريات كبيره , :blueroll: :bluesky: :blueroll:

الله يصلح شأننا وشأنك , انت يالهدلق شهادتك مجروحه في المصيبيح :):) , وبعدين هذا وجهي انا , اذا اخذ الفريق بطوله وهو يطالع لإنتقادات من هالنوع , وهذا وجهي ان استمر الفريق بطل وهو يتابع مشاكل من هالنوع ,,,,,

الله يرحم حال الهلال !!!!!!!!!!!

نقاط جميلة من الهدلق ..


الأخ العوام

حوارك عجيب يبدو أن عيونك التي ترى بها يحركها فكر يأثر

فيه قلب ملىء ........ ..

واضح أن المسأله تصيد ومواقف سابقة على رسلك !!

إلا إنت وش زينت يالهلالي !!

الغالي ابو فارس
مشكور والشكر موصول لكاتبناالكبيرالهدلق ..
نقاط صريحة ولو أن الصراحة تغضب البعض للأسف !!
إلا على طاري أعضاء الشرف أشوف بعض الناس ودهم يقولون أن سبب خسارة البطولة هو عدم دعم أعضاء الشرف !!!
أجل مهوب يقولون إن الرئيس الله يطول عمره متكفل بدفع مقدمات عقود جميع اللاعبين ورواتبهم من حسابه الخاص !!
أو الدعوى سواليف ؟؟
تحياتي

التهور احيانا ما ينفع فى تصريف الأمور ولا بد من الشوري بين اعضاء الشرف.

عموما اللي راح راح ولابد من تصحيح الوضع قبل فوات الأوان ,,,,,,,

شكرا ابو ريان الهلالي المخلص اللي جالس ادافع عن الهلال يوميا

شكرا من العماق ابو ريان واللة اكثر من امثالك

تسلم اخوي على نقلك لمقال الكاتب القدير والرائع الهدلق ... وسلملي على هذا الكاتب الذي لايخاف في مصلحة الهلال احد ..

ونتمنى منه دائما الكتابه عن الهلال لكي يكشف ويعري كل من ابتلي بهم الهلال ...

وما اقول الا ... الحق بين والباطل ابين لكن من يفهم ..!!؟؟


مره اخرى الشكر لك وللكاتب الكبير عبدالعزيز الهدلق ..