يعطيك العافيه على طرحك الجميل ..
آسف .. راح أطول في التعليق << متحمّس

أتمنى يكون توقعك لـ - ليلو - صحيح .. ولو اني " غسلت يدي منه "
لأنه اتضح بعد ثالث مباراة لعبها وبعد الإندماج مع الفريق والفرصه الكبيييييره اللي أخذها
ان اللاعب مش ايجابي و مايدل الباب للأسف في أبسط وأسهل الكور اللي تاحت له ..
ولاحظت بشكل واااااضح ان كونتروله ضعيف جداً في الاستلام والتسليم ..
صحيح سريع ومهاري ويمصخها أحياناً بالمروحه اللي مااستفاد منها الا مرتين
الظاهر مشكلته انه مخرووووووش أو مطفووووووق سمّها اللي تبي .. يمكن يبغا له ترصيص
وعساي اكون مخطيء ويسكتني ويسكت غيري قريباً وفي الوقت المناسب
============
في قلب الدفاع أكيد كلنا نتمنى تفاريس ولو لموسم واحد ..
لكن برضه أنا في رأيي ان الهليل بعد تثبيته في خانته الأصليه مؤخراً كـ (سنتر)
قدّم مستوى جميل جداً وواضح انه راح يتحسن مع اعطائه فرصة المشاركه أكثر
برضه حسن خيرات ما زال في بدايته ومع ذلك يقدم مستوى جميل جداً ..
.. يؤهله وبقوه للفريق الأول من الموسم القادم ووقتها راح يبدع أكثر ويبرز
ووجود المرشدي بشرط اهتمامه بتطوير مستواه والحضور الذهني وعدم الإرتباك
خصوصاً في المباريات مع الفرق القويه ، مع أهمية بقاءه في السنتر وعدم احراجه بخانة الظهير !
وأسامه هوساوي إذا كتب الله ووصلنا - صاغ سليم -
يعني راح يكون فيه تنافس على اللعب في المركز وبالتالي المستوى
وان شا الله يرجع لنا ظهيرنا الراااائع محمد نامي قريباً بالسلامه مع العنقري وممكن
العبدالسلام أو مسفر اذا انضبطوا ورجعوا لمستوياتهم المعروفه .
والزوووري وعزيز الخثران ومع امكانية الاستعانه أحياناً بالغنام الصغير لاكتساب الثقه والتجربه
يعني كذا أقدر اقول بصراحه الدفاع مطمئن جداً
==========
الفريدي والكلثم وصالح و عزيز الدوسري والمؤشر و فهد الشمري
وحسن خيرات و بدر الدعيع وغيرهم في الطريق ..
هم نواة فريق المستقبل القريب ان شاء الله ..
ومن المفترض والطبيعي اشراكهم باستمرار من بداية الموسم القادم حسب
طريقة اللعب وضروف المباريات ..
المهم طرح الثقه فيهم بالتدرج وإشعارهم بمسؤولية الإعتماد عليهم لتمثيل
الفريق الأول للمرحله القادمه أو حتى خلال ضغط وتداخل المشاركات وكلهم كفو وقدها .
أيضاً لضمان استمرار مهارتهم وحساسيتهم على الكره ..
وهذه مهمه جداً لكل لاعب ناشيء وموهوب ليستمر بنفس الوهج والتألق .
==============
أما نواف العابد هذا الداهيه القادم ماشاء الله ..
وزملائه الصويلح والسديري والغنام والمفرج ..
.. فأعتقد الأفضل عدم الإستعجال عليهم في الفريق الأول بالذات نواف لأنه مش في صالحه أبداً ..
لكن كلهم جديرين بدون شك بتمثيل الأولمبي كأساسيين في الموسم القادم ان شاء الله
وراح يكوّنون قوه ضاربه في الفريق بحول الله وقوته .
==============
وأتمنى من إدارة الكره تنسيق أو عرض انتقال اللاعبين أصحاب المستويات الضعيفه
وغير المؤهلين لتمثيل فريق بحجم الهلال ..
أقربهم في بالي على سبيل المثال ومن وجهة نظري ..
بدر الدوسري ومحمد العنبر و ياسر الياس

آآآسف .. طولت في الرد .. ماعليه