والله مدري وش يرضيكم ياجمهور الزعيم !!

لازم يعني يصير جنب اسم محمد نآمي لاعب عالمي

والله نامي لاعب كويس ومسفر اول مباراه له مع الفريق الاول ومستواه جيد !! خلو عنكم الانتقادات اللي مالها لزمه

اااااااااااااااااه يالزعماء لاعجبكم عجب ولا صيام في رجب ...
نامي مستواه طيب ومسفر مستواه طيب وان شاء الله انهم يتنافسوا منافسه صادقه للخدمة الكيان الهلالي..
يرحم زمان نكنا نصيح على ظهير والان اثنين لك الحمد ربي ...
اتمنى دعمكم لهم .. ولا تعليق على فكرة الموضوع ...؟

و الله ان مسفر دااااااج و ما عنده ما عند جدتي .. لو يرجع الاتحاد اصرف له ..

و الله انه كان اسوأ لاعب بمباراة النصر ..

وشلون ممتاز دفاعيا وهو تسبب في انفرادتين بغت تجي في الباب .. لكن الله ستر ..


انا معكم انه يبيله وقت .. لكن اللي استغربه ليه طايرين فيه وهو ما سوى شي ؟؟

إقتباس الرسالة الأصلية كتبت بواسطة خالد سعود والله ان كان تبي الصحيح كلهم ليس في مستوى طموح الهلاليين واتمنى لو تتعاقد الاداره مع عبدالمطلب الطريدي او حسن معاذ لانهم لاعبين شباب ويملكون الموهبه الكافيه لشغل المركز

مع احترامي لك مانبي لا الطريدي ولا ومعاذ ولا الرهيب

لازم نوجد لاعب هلالي أصل وفصل مثل ما صنعنا الزوري حفظه الله ووفقه نصنع غيره

إن شاء الله بس هاتوا الفرصة للاعبين الشباب

وألحين خلونا على مسفر وإن شاء الله راح يبرز

الحمدلله على كل شي نامي 100% ومسفر 100%

نامي ممتاز وماكنت اتوقع انه بهذا المستوى ... ومسفر ظهر بمباراة النصر ضعيف لياقيا والبركة بدكتور اللياقه اللي من جنبها الحسيني . الاثنينين حلوين ..................... بس مشكلة اغلب جماهير الهلال انهم يحبون الدعايات مثلا الرهيب العمري الطريدي الخ .. لايلزم ان يكون كل الخانات في الهلال نجوم

اتمنى يعطى الفرصة

مسفر صغير وطموح وقدامه مستقبل كبير الله يوفقه انشالله
صحيح كانت اغلب هجمات النصر تجي من جهته بس بالنسبه لاول مباراه يلعبها
ومباراه جماهيريه مستواه كان ممتاز الله يحفظه
انشالله يرجع مع الهلال زي ماكان مع الشباب ومع المنتخب الاولمبي يارب

مسفر له فتره مالعب مباريات كبيره واتمنى الصبر,,ولا تنسون خبرته مع الشباب والأتحاد,,وصدقوني راح يكون ضالة الهلال في خانة الظهير الأيمن .

انا اعتقد ان مسفر يتميز بالشق الدفاعي ونامي يتميز بالشق الهجومي اكثر

اصبروو عليه اشوي شباب ..........

مو مشكله نصبر على اللاعب كثر ما يبي لكن غلط من المدرب انه يشرك مسفر ظهير ايمن وعلى كلامكم انه اول مباراه له كيف يشركه وهو مو جاهز وممكن انه مو متعود على المباريات الجماهيريه وخاصه هالمباراه ما فيها تفوز تكمل تخسر الله يسهلك
لكن الحمدلله على كل حال عدت على خير والمدرب المفروض عليه انه يقرأ المباراه مع امكانيه اللاعبين....