#16  
قديم 10/02/2008, 09:12 AM
زعيــم فعــال
تاريخ التسجيل: 24/08/2007
مشاركات: 256
أولا قنــــــــاة مع احتــــــــــرامي مافيــــــــــها الا برامج تنعد على اليـــد ..

ولا بسالك سؤال انت شفت الديكـــور حقهم من يوم اشوفه اطفي التلفزيون .. كيف تقولي قناة متطوره ..

كل الرياضه و 99 وبس والباقي ياشيخ على ديكوراتهم الفاشله ..

ولا خذلك من المعلقين ابرهيم الجابر تنام في نص المباره .. كل المعلقين معليش ماعدا ناصر الاحمد ..

ولا مبــاريات مهمه ومتنقله اذا الدوري السعودي ماتنقله اجل ايش تنقل ..

هذا اكبر دليل انها مافيه اي احترافيه ..
اضافة رد مع اقتباس
  #17  
قديم 10/02/2008, 09:37 AM
زعيــم مميــز
تاريخ التسجيل: 01/05/2006
مشاركات: 3,813
مع احترامي للجميع لا شفنا لا إبداع ولا إمتياز ولا بعد فتحيه خخخخخخخخخخخخخخ...عمومآ نتمنى انها تتطور للأفضل في القادم....والله يعطيك العافيه%
اضافة رد مع اقتباس
  #18  
قديم 10/02/2008, 10:15 AM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
أي قناة تقصد الرياضية السعودية ما غيرها ؟؟؟ خخخخخ الله يرجك يالمزّاح !! جاد أنت ؟؟
لا ابوها لابو أبو أبووو ابوها قناة !! و99 هذا اللي فيها .. وبعدين وش اللي حرام تسمونها الخشبية !! يحمدون ربهم .. وشفها جت منهم شالوا الشعار الذهبي لانهم موب كفو !!

بس مشكلتك نسيت المميزات التالية :

1- بدر الفرهود (اطلق مذيع بالشرق الاوسط ويبونه الـBBC ومعيي ) !!
2- قناة سعودية (وتجيب لك الدوري الفرنسي ) صافي قزازة !! ويوم قالوا طيب نبي الدوري السعودي ننقله بحكم اننا نمثل السعودية !! قالوا لهم (اقطعوا واخسوا ما بقى الا هي ) !!
3- الحصان اللي متناسقة (لغة الجسد ) مع (محتوى الموضوع والحوار) !! يا شيخ صفقني كان عنده (ترابط عصبي عضلي ) !! الجملة في وادي وحركات خدوده ويدينه في وادي !!
4- بعدين يكون في علمك هالطقة اللي أنت تقولهم (( السعيد !! الجابر !! المسعود !!الفرهود!! الحيدان!! العرفج!! ال ال ال كلهم تكملة عدد !! وأقل من المتوسط بقوة !! )) ليه ننفخهم ونطبل لهم وهم ما يستاهلون !! تميلح وملل وقلق !!



وبعدين وراك تقول :
إقتباس
عندك سلمان المطيويع مايحتاج نتكلم عنه

لا يحتاج نتكلم عنه !! يخوك ترا مزاعقه ومصارخه ماله سنع أبد !! هو ممتاز وخشاته صح !! لكن مواويله .. وتغميضات وتفتيحات عيونه هاللي مدري يقصد (سلهمة بعيونه) او انه يقصد جرآة !! فالجمهور هو المرآية !! اما أننا نطبل لهم .. فهذا الغلط !! ولعلمك ما فيه احد فوق مستوى النقد !!


إقتباس
عندك وعندك وعندك

- منهم ؟؟ بدر الفرهود هاللي ما بقى الا (يحدد حواجبه ) !! ويحط له غمازات صناعية؟!
- وإلا خالد اللحيدان ؟؟ اللي أحس انه من توظف وهو ما عنده الا تكميلة النصر وبنطلوين قطن لاعب بأمهن الجفاف !! واذا شفته المرة الجاية أبهدي له (كريم شعر ومشط) يا اخي كد شعرك !!
- وإلا ذاك المسعود اللي اذا جاء يقرأ من الورقة كنه يعلك باغة !!
- وإلا القحطاني !! أنا أول مرة اشوف (سكسوكة) أكثر من شعر الراس !! أنا اقترح على القحطاني يلبّس سكسوكته (طاقية) !!


وش اللي عندك وعندك؟؟ والله ما عندنا ولا مذيع بارز !! كلهن (أقل من الافريج) !! ولا فيه ولا اسم في قناتنا الرياضية مشهور خليجيا والا عربيا ما عدا المطيويع وحايقها في هالمواويل !!


إقتباس
وعندك ابراهيم الجابر ماشالله انسان رايق

ههههههههههههه من اللي رايق ؟؟ جاد أنت ؟؟ من تعني عساك تقصد أبو (جحة ) !! يخوك ذاك منول يوم اننا (ماندري وش السالفة) !! والله يا هو (ممل) !! والله يا هو (تقليدي) أكل الدهر عليه وشرب !! خلاص ما عاد يصلح تعليق !! وأنا عندي مبدأ أي واحد ماسك عشرين منصب صدقني ما راح يبدع لأنه مشتت !! لأنه آخذها سعة صدر !! واللي اكلين الخابور ((نحن أعزة المشاهدين في منازلهم)) !!


إقتباس
لكن عيبها في عدم نقل الدوري السعودي

هذا بلا أبوك يا عقاب !! وش نبي بها أجل !! كرة القدم هي اللعبة الشعبية الاولى !! اذا ما نقلوها وش تبيهم ينقلون سباق الهجن !!
قناة ما بعد أجبرت المشاهد (يحترمها ) وإلا يناظرها !!
لو تشوف وشلون القنوات تتسابق لكسب الجمهور !! تتسابق للظفر فيه وتلبية متطلباته !!
يعني تخيل نفسك بنغالي !! وقناة بنغلا الفضائية ما تنقل الدوري !! ميب معقولة صح؟ !!
أجل وشلون وحنا الدولة العربية القدوة !! وشبابنا على قولتهم اطلق شباب !!خخخخخ ايه هين !!
وقناة (الشباب الرياضي اللي هي محور حديثنا ) .. عاجزة !! ومكتفة اليدين !! ولا فيها الانسان اللي تأمل عليه مجرد تأميل !! أنه يقدم يقترح يبادر !! يا جماعة اذا ما نقلتوا الدوري السعودي وش تبي تنقلون (دوري كشمير للركبي )؟! احترموا (مشاهدينكم ) عشان يحترمونكم !!
اضافة رد مع اقتباس
  #19  
قديم 10/02/2008, 10:17 AM
زعيــم نشيــط
تاريخ التسجيل: 16/07/2005
مشاركات: 838
قناة مالها اي لازمة في الدنيا !!


يسكرونها افضل


ولا احد درى عنها !!
اضافة رد مع اقتباس
  #20  
قديم 10/02/2008, 10:21 AM
زعيــم مميــز
تاريخ التسجيل: 15/02/2005
المكان: Jeddah
مشاركات: 1,623
طيب رح وقارنها مع دبي الرياضيه

اقسم بالله الواحد يحزن اذا شافها

فرق السماء عن الآرض وينقلون كل مباريات الدوري

صح ان دوريهم خايس لكن على الاقل ينقل ومعه الدوري الآلماني

استوديهات زي العالم والناس قناه محترمه بمعنى الكلمه

اما حنا غرفه مظلمه ولمبه حمرا في وجه المذيع وجنبه فاكس

عووووووووووووووووووافي
اضافة رد مع اقتباس
  #21  
قديم 10/02/2008, 10:25 AM
الصورة الرمزية الخاصة بـ عـيـونـي 9 لـــك
زعيــم نشيــط
تاريخ التسجيل: 20/03/2007
المكان: الرياض
مشاركات: 782
الله يخلي الاوربت اول والله لا art ولا الخشبيه اللي قاهرني انا art يفشخرون كاميرات وخرابيط والله ما عندك احد شكل طاقمهم ومخرجينهم اي كلام مباراة كامله ما يجيبون صوره للجمهور والا الامواج والا الزلزال والا المعلقين والله ان الخشبيه احسن من القرد الحربي والغثيث الحربين
اضافة رد مع اقتباس
  #22  
قديم 10/02/2008, 10:31 AM
الصورة الرمزية الخاصة بـ Glory Madrid
زعيــم مميــز
تاريخ التسجيل: 16/02/2006
المكان: الرحال الهلالي .. سابقا ً
مشاركات: 10,756
لا مميزات ولا شيء ؛؛ قناة فاشله ماعندها أبسط طرق الاحترافيه في البرامج والنقل ..
اضافة رد مع اقتباس
  #23  
قديم 10/02/2008, 11:16 AM
الصورة الرمزية الخاصة بـ مورينهو السعودية
محرر أخبار رابطة تشيلسي
تاريخ التسجيل: 24/09/2007
المكان: On The Earth
مشاركات: 6,210
إقتباس
عندك دكتور التعليق عبدالله العدوان الي يقول عملها الجمعاااااااااااااان

وسياسة القادمون من الخلف

هههههههههههههههههههههههههه

ياقدمك تراه استقال بسبب القناة الرياضيه لانهم هزئوه ليش؟
لانه امتدح الهلال امام فريق بخاكور الاوزبكي
اضافة رد مع اقتباس
  #24  
قديم 10/02/2008, 12:18 PM
في انتظار تفعيل البريد من قبل العضو
تاريخ التسجيل: 01/04/2002
المكان: قلبك يالهلال
مشاركات: 338
طيب وش دخل الريااضيه بالجمهور الهلالي؟
اضافة رد مع اقتباس
  #25  
قديم 10/02/2008, 12:46 PM
زعيــم نشيــط
تاريخ التسجيل: 03/05/2005
المكان: K F U P M
مشاركات: 898
ههههههههههههههههههههههههههههههههههههههه
مغاط صح لسانكـ
أحلى تعليق : لازم جنب المذيع فاكس ههههههههههههههههههههههههه
شوف ياعزيزي القناة الرياضية ما أتابع فيها غير كل الرياضة
اذا فاتتني لقطات مباراة
والبرنامج الثاني هو الخميس الرياضي ومو كله هع ..
اضافة رد مع اقتباس
  #26  
قديم 10/02/2008, 01:41 PM
زعيــم نشيــط
تاريخ التسجيل: 15/01/2008
مشاركات: 803
المذيع سلمان المطيويع مذيع يستحق كل تقديرو ياريت مذيعالدليل القاطع يتعلم منه فن التقديم و يبتعد عن رمى الاتهامات و التشكيك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube