|
كلمة حق في أبن مصيبيح يمكن اكون من اكثر الناس اللي ضد تصرفات الاستاذ فهد السابقه مع الاعبين وخاصه الاعب الكبير فيصل ابو ثنين لكن مع أحترامي لكل من حمل ابن مصيبيح المسئوليه في خسارة البطوله العربيه أقول له : الاستاذ فهد المصيبيح رغم ما يحفل به من الاخطاء الاداريه لكن والحق يقال لا دخل له مطلقا" في ما حدث في تونس فهو لم يكن المدرب الذي يضع الخطه ولم يكن الاعب الذي أضاع الفرصه ولم يكن الاعب اللي مرر الكره للاعب التونسي وحسب كلام بعض المقربين من البعثه ان الاستاذ فهد قام بمجهود كبير جدا" في سبيل توفير جميع سبل الراحه لاعضاء البعثه وحسب كلام المصدر فأن الانضباط الذي شهده المعسكر الهلالي في تونس أنضباط لم يسبق له مثيل وكانت العلاقه بين المصيبيح والاعبين أخويه ، ختاما" أسمحي لي يا ابو محمد ان أتقدم بلاعتذار عن كل لفظ أساء لكم من قبلي في هذا المنتدى الرئع والرجال مواقف يا ابومحمد ورغم اختلافنا معك في بعض الامور فهي لا تسوى نقطه في بحر خدماتك |
على مايبدو ان الكثيرين لا يريدون أن يسمعوا أو يقروأ شيء في (( أبن المصيبيح )) ;) يبقى أبو محمد الرجل المناسب في المكان المناسب وأتحدى اي شخص يخلف هذا الرجل في مكانه :uhoh: ألآنيق... شكرا |
هلا بالانيق ,,, ياعزيزي ابومحمد يعمل ويجتهد ( رغم العوائق ) الكثيره التي وُضعت في طريقه , ورغم ما تحصّل عليه من اهانات !! وهذا دليل لا يقبل الشك بأن ابومحمد وضع نصب عينيه خدمة الهلال ولاغير ,,, نحن يهمنا في المقام الاول من يخدم الهلال اما غير ذلك فلن نُلقي له بالا , لن نهتم برغبة لاعب ( حتى لو كنا نحبه ) ,,,, سيبقى الحق مع من يخدم الهلال في كل الاحوال ,, |
لا زلنا مصرين ومتأكدين مخالفين لرأي المشرفين بأن وراء كل مصيبة عظيمة تحل بالهلال هذه الأيام شخص يدعى المصيبيح كفانا دفاعاً لمجرد إتخاذ موقف الضد من جريدة أو أعضاء شبكة أخرى !!!!! اليوم إنضم لقائمة الحاقدين على المصيبيح الساعين لهدم الزعيم كل من خالد بن محمد في تصريح لجريدة الإقتصادية والكاتب الحاقد أحمد الرشيد في الجزيرة علي الصحن في الجزيرة لينضموا لمن سبقوهم هذلول بن عبدالعزيز وأعضاء الشرف المبتعدين والعبدي والهدلق والعبودي والمالكي والعبيد وغيرهم ممن همهم الوحيد الإطاحة بوحيد زمانه ( فهد بن محمد المصيبيح ) @ أقول اللهم عجل بيوم رحيله هو ورئيسه صاحب ترزز المنصات !!!!!! |
الأنيق ............ عين العقل !!!!!!!!!!!!!!!!!!!!!! الرجوع عن الخطأ .. شجاعة .. والمصيبيح ... حورب لأهداف نعرفها ............... ومن أشخاص نعرف مقاصدهم ... وجعلوا اللاعبين المتمردين أسلحة لهم .. وهم .. في الظلام ؟؟؟؟؟؟؟؟؟؟؟؟؟؟؟ |
يا جماعه المصيبيح اداري ناجح جدا لكن ما يصلح الى للشباب و الناشئين عرفين لية لانهم يقولون ابشر وسم اما لا عبين الفريق الاول يبي ينام ويسهر و يطلع على كيفة ويدخل المعسكر وقت ما يبي وغير الامور الثانية الى تصير خارج المملكة والكل يعرف ولا عبي الفريق الاول ما يبون الانضباط (بعضهم ) لذلك المصيبيح محارب من الداخل و اتحدى احد يثبت غير هذا الشي وبعدين وين هذة الاامور يوم كان بند بن محمد في الادارة لية ما احد تكلم عن المصيبيح اما بالنسبة لموضوع الاعبين ( المصيبيح هو الى قال للعويران وقع للاتحاد - هو قال لفيصل ابو اثنين اعتزل (زكلنا يعرف ابو سالم من يكون )-وغيرهم لكن ما اقول الى الله يعينك يا فهد على الناس لايمكن ترضي احد |
**الاخ الغالي محمد ابولما كلام في محله مشكور يا الغالي **الاخ الكريم العوام لا يشك احد في اخلاص ابو محمد لكن مع كل أجتهاد يوجد أخطاء واذا كنت تعمل فلابد من الاخطاء تحياتي لك **الاخ الكريم abofaris بغض النضر عن وجهة نضر الاخوه المشرفين او الشبكه الاخرى فنحن نبحث عن الحق والمنطق ولا يمكن لاي شخص ان يصادر عقولنا براي او أشراف . علما" اخي الكريم بانه رغم مشاركاتي القليله الا انها كانت في الغالب نقد لمواقف فهد المصيبيح رغم ذالك كان هناك من يويد ومن يعارض افكاري بمعنى ان الاشراف لم يكن له اي تعليق او حذف لمشاركه تخالفهم الرئي . اما الكتاب الذين ذكرتهم وانهم من كبار الكتاب ويقفون ضد المصيبيح فهذا حق لهم ان يكتبوا فيه وان ينتقدوا طريقته اللتي يرونها خاطئه ولكن ليس لهم اللحق في فرض رائيهم على المشجع الهلالي او الاداره الهلاليه . تحياتي لك . **الاخ الكريم المملكة كل شي جائز لكن هناك من يحب الهلال ولكن الرؤيه غير واضحه له تحياتي لك ** الاخ الكريم هلالي حتى اخر قطرة أؤكد لك اخي الكريم ان الرحله الاخيره اللتي شهدتها ارض تونس كانت ناجحه اداريا" والسقوط كان فني فقط تحياتي لك |
السلام عليكم الاخ الانيق انتم تقولون ان المصيبيح افضل اداري وان ودي تعطيني ايش اللي خلاكم تحكمون عليه بانه افضل اداري ؟؟؟؟؟؟؟؟؟؟؟ اللي اعرفه ان الاداري لازم يعرف كيف يتعامل مع اللاعبين وكيف يحل مشاكلهم لاحظ مو كيف يعمل مشاكل معهم ويطفشهم للانديه الثانيه مثل خميس ولا يتركون الكوره مثل ابواثنين ولطف ولا بالاعتزال مثل التيماوي وين عقولكم ياحبيبي بالنسبه لي كمشجع للفريق ابو اثنين ولطف وخميس والتيماوي عن مية مليون مصيبيح مع احترامي وتقديري للمصيبيح انا بصراحه ودي افهم شي واحد على اي اساس تدافعون عن المصيبيح لوه اداري كويس كان حل مشاكل اللاعبين وحافظ عليهم !!!! انا ما ادري عقلي هو اللي منقلب ولا ايش اداري يطفش افضل لاعبين وسط على مستوى المملكه بينهم افضل لاعب وسط مر على الملاعب السعوديه وانا اعتبره خساره للكره السعوديه مو الهلال بس . في ذمتكم وين اداري كويس معه ؟؟؟ |
** الاخ مرادونا تحياتي لك كل الكلام اللي ذكرته اخي العزيز كان هو كل فكرتي عن الاستاذ فهد بل كنت اعتقد ان وجوده اكبر تحطيم لنجوم ، لكن بعد مجلس جمعني مع واحد من اكبر مشجعي النادي واقربهم له بل سبق ان خدم النادي في موقع اداري سابق ومن الناس اللي ما فاتهم تدريب , يقول المشجع هذا بان الاداره الهلاليه لم تشهد مدير كره قدر على ان يدافع عن حقوق الاعب ويا خذ حق النادي منه مثل الاستاذ فهد . كلام الاخ هذا كثير عن فهد لكن العباره هذي كانت تعبر عن واقع الحال اتمنى اخي الكريم عدم الاستعجال في وضع الاحكام ونحن بعيدين عن الواقع وتحياتي يا الغالي |
نعم وان كان احد الاسباب المصيبيح احد الاسباب وليس كل الاسباب المصيبيح حاول ان يعدل شيء من الفوضويه اصاب واخطأ لكن رئيس البيت الهلالي!!!!!!!!!!!!!! |
اخوي الانيق انا ابي احد يفسر لي ليه الاربع لاعبين تركوا الفريق عطني سبب مقنع يعني بعد الاربعه هذولا ابعتمد على مين في الفريق والثنيان قرب يعتزل ؟؟؟؟؟؟ بتقولي نواف التمياط ابقولك نواف ماندري متى يفضى من الجمعيات والمقابلات واذا فضى ماندري هو عنده استعداد يخاطر بنفسه ولا يخاف من الاصابه لان مانشستر وريال مدريد وبرشلونه وجوفنتس جالسين يتطاقون عليه. واذا انت جلست مع مشجع انا جلست مع لاعبين ومع اداري في النادي ومن الادارين المشهورين واي هلالي يعرفه زين وكلهم يشتكون من المصيبيح ومايقولون عنه الا المتسلط وغير كذا يتدخل في شغل المدرب ويفرض رايه على ارثر جورج وهذا الكلام مو من عندي من الاداري ولمعلوميتك انا كتبت الكلام هذا في موضوع وحذف من احد المشرفين والسبب ان اسلوبي مو كويس واني غلطت على المصيبيح ونواف مع ان في واحد من المشرفين تهجم على الجزيره والكتاب اللي فيها ولا حذف موضوعه . وتحياتي لك اخوي الانيق وتراه نقاش ودي |
| الوقت المعتمد في المنتدى بتوقيت جرينتش +3.
الوقت الان » 08:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd