نادي الهلال السعودي - شبكة الزعيم - الموقع الرسمي - الثمامة .. الحكم .. الليزر .. لجنة الانضباط ,, ماذا أيضًا ؟ ..... كلاكيت ثاني مرة (يا نـصـر .. ما مليت ؟!) ..............

بسم الله الرحمن الرحيم

السلام عليكم ورحمة الله وبركاته ..........

صبحكم الله بالخير

خلاص الخير بح عند النصر :d

ليلة ولا أروع .. ليلة استمتعنا فيها كلنا .. خاصة إذا جات من ورا المغلوب على أمره فريق النصر :d

أمور كثيرة حدثت قبل المباراة .. أولها ليلو وإيقافه !!

ذكرني هذا الإيقاف بالمثل الشهير (كأنك يا أبو زيد ما غزيت) :razz:

والله لو توقفون من توقفون .. الهلال فايز على النصر فايز

يا حليلهم النصراويين .. والله جمهورهم مسكيييييين

أصبر 90 دقيقة ماسك المباراة ولا أقدر أسجل

تلاقي الواحد منهم يقول .. وينك يا ماجد :d

أخيرًا عرف قدره النصراوي

قدام الهلال أنسى تفوز

وخلها قاعدة لك لكم سنة قدام

لا والمساكين قبل المباراة يطالبون بالحكم الأجنبي .. جاهم حكم ابن اللذينا :d

وقف بلنتياتهم الشهيرة

من زمان ما شفت مباراة للنصر بدون بلنتيات :laugh:

ومرة ثالثة قدام الهلال .. ليزر !!

بطلوها هالحركات يا جمهور الشمس :d

عليهم اسم :surprised:

المهم حبيت أونسكم في البداية وأنا هدف موضوعي هالمرة إننا نتناقش عن حال الفريق اليوم

وماهي مشكلة إذا كل واحد طلع فلته عندنا .. احذروا من السماجة :d

المهم نبدأ بمستوى الفريق اليوم

أنا صراحة أشوف الهلال أبدع من كل النواحي , دفاع مقفل تمام , هجوم مع أبو سعيد مش حتقدر تغمض عينيك , خط الوسط صحيح أن التايب كان صانع لعب تقليدي فقط , ولكن الغامدي ما قصر اليوم

الدعيع كان من نجوم المباراة ويكفي تصديه لتسديدة سعد الخطيرة

المرشدي بصراحة واضح إنه ضعيف دفاعيا والمفرج أصبح أفضل منه بمراحل , تكفى تعال بسرعة يا هوساوي :yes:

الزوري :smilie47: يا حبني لك يا شيخ , بداية الموسم تلقيت انتقادات بشكل غير طبيعي , لكنك أصبحت حاليا من أفضل من يشغل خانة الظهير الأيسر في المملكة , نعم في المملكة.

مسفر : بداية موفقة لك مع الزعيم s60s

المبارك : فنان وش تبي بعد , يعطيك العافية

أبو نادين : لا ذا بيتعبني إن كتبت عنه , بأخليك لغيري يا كابتن :smilie47:

بالنسبة للمدرب , أحس هالمدرب من أفضل المدربين اللي مروا على الهلال في السنوات الأخيرة , صراحة الهلال معه وجه ثاني , واضح إنه مدرب لا يريد الخسارة , ومتحمس جدا , ولا يدخر جهد في سبيل العمل في النادي , كوزمين أوبريجادو :d قابلني لو فهمتها أنت وياه.

الآن باتكلم عن الليزر

يعني إلى متى بنصبر على هالليزر الغبي :upset: , عما عيوننا الله يعمي أباليسهم إن شاء الله , يا ناس حرام عليكم , لا يوصل التعصب فينا لذي الدرجة , لكن مافي فايدة , لا حياة لمن تنادي :upset:

أما بالنسبة للحكم والله انه ذيبان

يعجبني الحكم اللي يخلي اللاعبين يقاتلوا عشان الكورة , مو خطأ من أي لمسة مثل حكامنا :stoned:

كيف الثمامة شباب ؟ :d

إنتم يا شباب ما فهمتوا السالفة , ترا الدغيثر نيته طيبة

هو يقول انتوا اللي بتفوزون لأن الفايز غالبا يتونس في الثمامة ولا في أي منتزه

لكن المهزوم له بيت يوسعه :d

هذي هي السالفة من طق طق للسلام عليكم :razz:

أتمنى أن يكون عجبكم طرحي

ولا تحرمونا طلتكم :)

لكن .. يا نــصــر .. ما مليت ؟!

وتقبلوا تحيتي .............