09/02/2008, 12:27 AM
|
| زعيــم مميــز | | تاريخ التسجيل: 26/07/2005 المكان: شفت آخر الدنيا؟هـ وراها شوي
مشاركات: 3,340
| |
ياخي نبي كوزمين لو يلعب بـ11 محور .. بس فكونا من الاقالات !!
بسم الله الرحمن الرحيم
السلام عليكم ورحمة الله وبركاته
اول شي
الحمدلله الحمدلله الحمدلله .. والله من امس وانا ادعي
والحمدلله على كل حال
ثاني شي الف الف الف مبروووك الفووز
مع انه مافي شي جديد
بس الغريب اللي يقولون كوزمين فاشل
ياخي بصراحة .. كوزمين يسكتكم مباراة بعد مباراة !!
يعني الحين اللي يقول اننا نلعب 4 محاور ..
طيب لو فرضنا .. وين الغلط ؟؟
احنا نفوز ونقدم مستويات رائعة واذا كان يلعب 4 محاور ابركها ساعة
دام مستوانا بيصير كذا
ولعلمكم ايطاليا في كأس العالم لعبت بـ 3 محاور وجابت الكاس
ميلان يلعب 3 محاور واحيانا 4 واقوى فريق في العالم ؟؟
ليش احنا نبي 4 - 4 - 2 وبس ..
هذا شي ..
بالنسبة لطريقة كوزمين انا اشوف انه يلعب 8-1-1 في حالة الدفاع او فقدان الكرة
ويلعب2-2-6 في حالة الهجوم
يعني ( الكل هجوم ، والكل دفاع )
وهذي ما يميز المدربين الأوروبيين !!
يعني مثلا المدربين البرازيليين يلعب 4 - 4 - 2 وبس !!
وعلى حسب اللاعبـين اذا كانوا ممتازين بيفوز واذا غير كذا بيخسر بنتائج كبيرة بعد
لكن الأوربيين .. هم من يخدمون الفريق وتشكيلته
في حالة الهجوم احنا كلنا نشوف عمر الغامدي والزوري ومسفر القحطاني والخثران احيانا يخشون هجوم
وهذي ميزة !!
ولا تنسون ان المفرج وتفاريس يتقدمون داخل الصندوق في الكرات الثابتة
وخسائر الفريق ومستوياته اللي تخيب الآمال احيانا ماهي مسؤولية المدرب بصراحة ؟؟
مسؤولية لاعبين مو كل شي على المدرب
حتى فوزنا على مانشستر بصراحة المدرب كان له الدور الأكبر
حتى يوم دخلت منتدى مانشستر الجمهور كله يمدح كوزمين ؟؟
وعلى فكرة انا ملاحظ شي
ألتون ما يبدع قدام الهلال .. يختفي دايم تدرون ليش ؟؟
لان كوزمين سبق ودرب التون ويعرف سلبياته
وهذا دليل على ان المدرب قدير وفاهم
انا بصراحة اتمنى المدرب يستمر معنى 15 او 20 سنة
مثل اليكس فيرغسون
فيرغسون اول ما جا 5 سنوات ما حقق بطولة ؟؟!!
ومع من .. مع مانشستر ؟؟!!
ولكن بعدين بدأ يتزعم اوروبا لذلك اتمنى حتى لو ما حقق الهلال بطولة مش مسؤولية المدرب
الهلال لو ما حقق بطولة هذي السنة فهو بسبب ( التوفيق )
وهذا رأيي
وحبيت اطرح هالموضوع لإنصاف كوزمين
لاننا زهقنا من الاقالات والله !!
والله يا ناس زهقنا .. ماهو المدرب ... كل شي بتوفيق الله وبصراحة إقـالة كوزمين ستدمر الزعـيم
شكرا |