#1  
قديم 08/02/2008, 06:22 PM
زعيــم متألــق
تاريخ التسجيل: 02/05/2006
المكان: MANCHESTER,UK
مشاركات: 1,244
قصة حقيقية صاحبها منوم في مستشفى المجمعة (مضحكة)

قصة حقيقية صاحبها منوم في مستشفى المجمعة

دخلنا عليه وكان كل جسمه ورجليه مجبسه وما تسمع إلا آه واوه وأي وما دري وش بعد ماغير يونون من الأوجاع اللي فيه عاد أنا قلت يمكن انه مسوي حادث قوي أو انه محترق أو أو أو ... الخ.

المهم جاءت الساعة 4 العصر وبدا وقت الزيارة

أنا استغربت من شي غريييييييب كل من جاء يزور هذا الشخص يطلع من عنده ميت من الضحك.

أنا جاني الفضول وقلت وش السالفه وعلى هالحال كل من جاء وسلم عليه ما تسمع إلا ضحكهم من ورا الستاير.

أنا قلت لازم اعرف وش السالفه

انتهى وقت الزيارة وانقز له على طول واتشافا له وأقول له الحمد لله على السلامة
عسى ما شر ومن هالكلام وأنا كل همي اعرف ليش يضحكون:

المهم قلت له: أنا أشوف اللي يجونك ما يروحون من عندك إلا و ضحكهم واصل آخر المستشفى ... قال لي: هههههههههه ليـش عاد أنت حاسدنا على الضحكة ..... قلت له: لا يـا أخوي ما هي كذا السالفه والله لو عندك مليون كان يمكن أحسدك! .... بس اضحكوا عادي خذوا راحتكم بس بغيت اعرف السر يعني ... إذا ما عندك مانع ... قال لي : طيـب ولا يهمك .... أنت مثل ما تشوفني مكسر ومربط بالشاش...

قلت له : إيه والله ... الله يشفيك ...

قال لي : يا طويل العمر أنا ساكن في شقه في الدور الثاني ... وعندي بلكونه ما فيه زيها مررره حلوه...وإذا نمت فتحت باب البلكونه......وطفيـت النور....وتسدحت على السرير ... ويوم نمت على السرير ...... وغصت في أعماق أعماق نومي ..... حلمت إني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار!!! .... المهم الجماعة ينادون بالأسامي .. فلان بن فلان باص النار ... فلان بن فلان باص الجنه .. وهكذا .. فلان بن فلان ... هذا اسمي ..... وقلبي يـدق ويـدق... رووح باص الجنه .... اووووووووووووه الحمد لله ارتحت ومشيـت ادور على الباص اللي مكتوب عليه الى الجنه ... وحصلته ودخلت فيه ... مشيـنا بالباص وبعد فترة جتنا لوحه مكتوب عليها (الجنه 50 كيلو) (النار 100 كيلو) وهذا وحنا مع اللوحات ..... والله ونتعدى الجنه ... قلت يمكن السواق يـعرف مكان لباب ثاني ... شوي وشفت النار 15 كيلو ... وبعد شوي النار 10 كيلو ... وكل شوي نقرب من النار ... يا رجال وش السالفه .. المشكله الناس ساكتيـن وما حد قلق في الباص إلا أنا ..........قلت بدخل على السواق وشفته معطيني ظهره .. إيـه إإإيـه أنت وين رايح؟؟؟!!!!!!! ... قال لي بدون ما يلتفت : رايح النار يا حبيبي .. قلت له: ويـش أنا من أهل الجنه .. وليـش توديني النار يا وجه النحس..!! والتفت لي .. طلع هو إبليس !!! .. الله يلعنك ... أنا من أهل الجنه ... يا ملعون لا توديني النار .. أنا من أهل الجنه .... والله العظيم إني من أهل الجنه ..... تو من شوي قايلين اسمي..وقف يا ملعون .. وقف يا ملعون ... وهذا أنا أصارخ... وهو بأنواع الضحكات الشريره هاهاهاهاها ..... هاهاهاهاها .... هاهاهاهاها ... قلت له يا ملعون وقف!!! أبي انزل!!! ... قال: والله الباص هذا مبرمج على انه ما يوقف إلا في النار ... تبي تنزل طب منه ..... وركضت على الباب وفتحته .. وهووووووووووووووووووب
ولا وعيت إلا في المستشفى ... قافز من البلكونه ... في الحوش!!!

----------------------

القصة صحيحة ... وحصلت لواحد كان منوم في مستشفى المجمعه العام

منقوول

تحياتي
اضافة رد مع اقتباس
  #2  
قديم 08/02/2008, 06:42 PM
زعيــم نشيــط
تاريخ التسجيل: 02/05/2007
مشاركات: 692
ههههههههه

الله يغربل بليسه اجل طب من البلكونة بعذرة مسكيين الدعوة فيها جنه أو نار

عموماً مشكوور على الموضوع
اضافة رد مع اقتباس
  #3  
قديم 08/02/2008, 07:10 PM
زعيــم مميــز
تاريخ التسجيل: 02/05/2007
المكان: في قلب من يحبني
مشاركات: 1,926
ههههههههههههه حلوه تسلم على هذه القصه
اضافة رد مع اقتباس
  #4  
قديم 08/02/2008, 10:24 PM
الصورة الرمزية الخاصة بـ J o S e
زعيــم مميــز
تاريخ التسجيل: 02/08/2005
المكان: الـريـاض
مشاركات: 6,337
تسلم والله على القصة الحلوة أجل ابليس ههههه
اضافة رد مع اقتباس
  #5  
قديم 09/02/2008, 12:02 AM
زعيــم متألــق
تاريخ التسجيل: 02/05/2006
المكان: MANCHESTER,UK
مشاركات: 1,244
الرحال(يآسرهم يا 20)
حبر العيون
القناص
شرفتوا الموضوع
اضافة رد مع اقتباس
  #6  
قديم 09/02/2008, 02:08 AM
زعيــم متألــق
تاريخ التسجيل: 27/08/2007
مشاركات: 1,125
مشكور قصة حلوة
اضافة رد مع اقتباس
  #7  
قديم 09/02/2008, 04:18 AM
الصورة الرمزية الخاصة بـ سوسو الرياض
زعيــم مميــز
تاريخ التسجيل: 28/04/2007
مشاركات: 4,208
معقوووووله....وكاني سامع السالفه هذي زمان....
اضافة رد مع اقتباس
  #8  
قديم 09/02/2008, 03:16 PM
زعيــم نشيــط
تاريخ التسجيل: 16/02/2002
المكان: الريـــــ KSA ـــــاض
مشاركات: 898
إقتباس
الله يلعنك ... أنا من أهل الجنه ... يا ملعون لا توديني النار .. أنا من أهل الجنه .... والله العظيم إني من أهل الجنه ..... تو من شوي قايلين اسمي..وقف يا ملعون .. وقف يا ملعون ...

هههههههههههههههههههههههههههههههههههه

من جد ضحك ..
اضافة رد مع اقتباس
  #9  
قديم 09/02/2008, 04:21 PM
زعيــم نشيــط
تاريخ التسجيل: 06/02/2007
المكان: قلب الهلال
مشاركات: 677
ههههههههههه
مشكووووور اخوي على القصه
اضافة رد مع اقتباس
  #10  
قديم 09/02/2008, 06:21 PM
زعيــم متألــق
تاريخ التسجيل: 21/04/2007
المكان: قـلآآآآيـــع وآآآآآدريـــن :)
مشاركات: 1,145
مشكوور على القصه لكنها مكرره
باص جهنم قصه حقيقيه
بس زين انك حطيتها علشان اللي ما قراها يقراها
اضافة رد مع اقتباس
  #11  
قديم 09/02/2008, 06:46 PM
الصورة الرمزية الخاصة بـ ازرق+ابيض=عشق الهلال
زعيــم مميــز
تاريخ التسجيل: 24/09/2004
مشاركات: 2,165
هههههههههههههههههههههه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:35 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube