نادي الهلال السعودي - شبكة الزعيم - الموقع الرسمي - ▓ من ملحوس ومريض نفسي إلى ( ALIEN ) <---- كائن فضائي ▓

- منتدى المجلس العام (http://vb.alhilal.com/f1/)

وعليكم السلام ورحمة الله وبركاته

:smilie47: اشتقنا لك يا مواصل والله اشتقنا :smilie47:

بس هناك كلمة غريبة في موضوعك

وكأنكـ تسألنـا استخرج الكلمة الغريبة من الموضوع :d

اللي هو [ العنفقه ] قليل ما اسمع هالكلمة :d

هلا فيك مواصل ,,

بصراحه ما ألومك إذا تقرفت من الحواق شي لا يحتمل بالذات البيبسي والبرجر :bigeek: ,,

يعطيك العافيه على الموضوع ,,

هلا أخوي عبد الله :d

ياخوي انا بطني اقسم بالله يحوس دايم ومع ذلك ما اتوب من الأكل من هنا وهناك :wallbash:

انا صراحة طلعت من الاستراحة بدري خوفا من العشاء << :stoned::d

أسأل الله لك السلامة من الفتاق العقلي

وأن تعود لنا مواصل من عام 1413 :d

هلا وغلا فيك اخوي مواصل ورده

عوداً حميداً للمواضيع .. واسلوبك الرائع في الطرح ..
الصراحه انت مزاجي حد الثماله :d .. بجد الله يكون بعون زوجتك :surprised:

احس انها من ثاني اليوم بتقول بنعطيك المهر دبل .. بس طلقني :d
صحيح فيه اشياء كثير الواحد ماوحده حتى يشوفها .. الله ينعم بها ..

لكن عاد القرصان ولا المرقوق :smilie47:
ماسمعتك جدتي .. كان قالت كل منه خله يقوي عظامك < حليب مو قرصان :d

مواصل .. نصيحة اخ لاخوه الكبير :stoned: ..
كل المفيد واللي من (بر) لان فيه فوائد كثيره .. اقل شي مايطلع كرش :d

ولاتحرمنا جديد مواضيعك .. تقبل فائق احترامي وتقديري ..
دمت بخير

يعطيك العافيه على الموضوع الرائع......بس عندي ملاحظه: وش فيها الطحينيه مع الجبن والله مافيه احلى منها:d وانا اسوي الحركه هاذي كل صبحيه على الفطور مع الشاهي.

مشكور على الموضوع الجميل

مواصل كان ودي أرد عليكـ ردزين بس توني راجع من الملعب
وصوت حقوي يرن في أذني .. وهذا كله غير أن ساعدة في إخراج
مافي بطني من بروست توني ماكله ..

والله ياهو بروست يحبه قلبه عان خويكـ يموت بشيء إسمه كتشب مايونيز
مخلوطة مع بعض .. على شوية شطه من النوع الذي اذا دخل بطنكـ يصهر أمعاءكـ
الحلوهـ وسبب ثالث وهو سوء الإتصال هذهـ الأيام مما قد ينتج عن ذالكـ مالايحمد عقباهـ ..
أولها كسر شاشة الكمبيوتر والتي إختارها والدي بعناية .. وسبب في تحطم الكيبورد والفار الذي
جلس ساعات أزن على والدي ليشتريها وهي نوع جديد وفاخر لاسلكي لاتجدها إلى في مكاتب موبايلي
<< مزروفه .. خخ إلخ
والسلام عليكم ورحمة الله وبركانه ..

وعليكم السلام ورحمة الله وبركاته
صباح النور والسرور
اللي اعرفه ناس ماياكلون اكلات معينه اياً كان اللي مزينها
مثل واحد ماياكل جريش ومطازيز مع العلم انه ياكل المرقوق >>>> مادري وش الفرق بينهن
اللهم بالشكل بس والله من زود العنقه :d
واحد ماياكل اكل المطاعم >>> عاد هذا معاه حق
وفيه ناس ماتاكل من ناس معينين لاسباب قد تكون عدم النظافة على راس القائمة
وفيه ناس ماياكلون الاكلات الحارة مثلي بس مو تعنفق :d معدتي مقيدتني
بس عاد انت غريب امركـ ماتاكل من كل هالعالم وهالخلق الا من امكـ والمطاعم
تر ماعندكـ مشكله ولا مرض نفسي كله عنفقه ودلع :d
كل مافي الامر انكـ تهيئ نفسكـ على الاكل على الاقل بس عند اقاربكـ
مواصل اذا تزوجت بتاكل من يدين زوجتك ويدين اهله ولا ومن يدين جيرانهم بعد:yes:
ودي امكـ تسوي فيكـ مقلب مثل ماسويت في اخوي>>> مايشرب الالبان ومشتقاته
وكل مازينا شي لازم ناخذحسابه في طبخه مافيها مشتقات الالبان وخاصة الجبن
وإلا الاسكريم اللي فيه حليب ماشاء الله يسابقنا عليه مسابق يعني المسألة دلع
قلت انا اللي ابي اسنعه دامه صغير
زينت حلا طبعًا فيه قشطه وحليب وحطيته له سألني سؤاله المعتاد فيه حليب؟
قلت لا هذا طحين وياكل ماشاء الله بعد ما خلص الصحن قلت وش رايكـ في الطعم
قال حلو قلت له لاعاد اسمع كلمة فيه حليب ؟
كل اللي اكلته حليب وقشطه ومن بعده تادب وصار ياكل بعض الاكلات
الباقي مع الزمن يتعود
اخي مواصل امدكـ الله بالصحة والعافية
وكان الله في عونكـ
دمت في رضا الرحمن

وعليكم السلام والرحمهـ
صباح النور ورده

سالفهـ إنكـ ماتاكل إلا من طبخ أمكـ .. فأنا نفس الحالهـ :d
وما اتعذب إلا بـ رمضان أكثر شيء :upset:
لدرجة القهوة ما أشرب إلا قهوة امي :clapping:
واذا كنت عند أحد أجامل بفنجال بس :yes:

وبالنسبهـ للحواق :razz:

تراني توي شاربهـ بيبسي :smilie47: مع سفن :bigeek:
وش أسوي مافيهـ بيبسي إلا شوي عندي وانا ابي أملا الكأس
جبت شوي سفن وحطيت عليهـ :d

وبعد آكل مع الرز - تمر ..
يعني أقطع نص تمرهـ وأحطها بالملعقهـ مع الرز وآكل :d

شكراً على الموضوع الفرفوشي اللي يحوم الكبدوشي اللي فيهـ قوانصوشي :d

إقتباس:

العضو ( كبرياء إنسان ) من محبين ( الحواق ) :
كان يأكل رز ويلحق اللقمة بـ ( سنكرز ) s16s.

اما هذي ما الومك فيها

وعليكم السلاااام ورحمة الله وبركاته ..

وصباحك ورده ورده ورده ورده سيدي ALIEN http://vb.alhilal.com/images/smilies/razz.gif

إقتباس:

ترا غدانا رز ومرق ، تبي أسوي لك غداء خاص أو بتتغدى برا؟
أنا ( بحالة إحباط )

الحمد لله ربي أعطاني عمر وشفت سعودي ما يقدس الرز :clap:

فيه بيووووت أوشكت على الانهياااار والسبب طبق من الارز

والله التميتوز << البنت لغة :razz:

ماتنكره بس والله يا أحياناً لها طرق طهي مالك الا أن تتحمد الله على النعمة بس ..

على سبيل المثاااااال لا الحصر الشكشوكة http://smilies.sofrayt.com/%5E/n/kotzen.gif << البيض من الد أعدائها

وعلاوة على كذا يجتمع هو والطماطم والبصل في طبق واحد يااااااربي الواحد وين يطس

إقتباس:

الأكلات البحرية : ما أقدر آكلها

الله يلوم اللي يلومك ..

بجدولنا الغذائي يوم الخميس شيء إلزامي يكون مأكولات بحرية الله يديم النعمة :wallbash:

طبعاً هذي الكائنات الحية أكرهاااااااا شكلاً وطعماً ورائحة :upset: ..

إقتباس:

وقال : ترا اللي أكلته ( قوانص دجاج )

http://smilies.sofrayt.com/%5E/h0/hollering.gif

قسم بالله جلدي كــش ..!!

عاااد أنت يوم زانت النفس وطبيت مالقيت تطب إلا في القوانص :wallbash: ..

بس صدق هو الدجاج له مصارين وكم تبلغ من الطول ..؟!!!!! :razz:

إقتباس:

( الحـــــــــــــواق )

معك أحد خبراء الحوااااااااااق :yes: ..

الحواق فن من الفنون والتي لا يتقنها إلا قلة :d ..

بعدين وش فيه الحواق طريقة عملية واقتصادية راس مالها صحن تجمع فيه كل مالذ وطاب :surprised:..

إقتباس:

أمور غريبه يسوونها الناس ما أقدر أسويها ولا أقدر آكل جنب أحد يسويها

http://smilies.sofrayt.com/%5E/c0/biglaugh.gif http://smilies.sofrayt.com/%5E/c0/biglaugh.gif http://smilies.sofrayt.com/%5E/c0/biglaugh.gif

صدق إنك كائــن فضائي أجل أمور غريبة ههههههههههههههههههههههههه ..

إقتباس:

ومن بعض المقولات من الناس لي :

أضف لهم هذه المقولة : الله لايبلانا بضيف مثل مواصل وربي أنواع التحطيم http://smilies.sofrayt.com/%5E/q/bawling.gif

مواصل ..

يامال العافية والله على الموضوع الفرفوشي اللي يفتح النفس http://smilies.sofrayt.com/%5E/r/grins.gif ..

إلا ماودك تقول لنا وش قالت لك عمتك شيخة خلنا نتشمت شوي :razz:<< حاسة إنها كسرت مجاديفك :clap:

ورده

والله يا عبدالله موضوعك كذا s60s

ولي عودة ان شاء الله بالليل :yes:

اخوي مواصل ... اخيرا تشرفت بقراءة موضوع لك

بعد ان تشرفت بصراعك المستميت مع الروافض ما ظهر منهم وما بطن :d

وحقيقة حيث ان مواضيع الصراع المذهبي تضفي على الكاتب صفة الرسمية والحدة ولكنك ابهرتني بروح الدعابة وسياق الموضوع الذي امتعتنا به ،،،

للعلم انا من اعداء الطماطم ... ليش ؟ مدري :d

الله يسعد ايامك اخوي عبدالله " اذا صحت الرواية " وشكرا جزيلا لك

هلا وعليكم السلام الرحمه

اول حاجه اسمح لي أستاذ منقوف :razz: << حطها بالعنوان

بوسع صدري بموضوعك ,,بنسى وضعي وادخل جو مع نقافتك واضحك :d

إقتباس:

أهنئ القائمين على المجلس من مشرفين وإستشاريين ( على إني حاقد عليهم شوي ) :d ، وأعضاء على هذا النجاح ، آملين بالمزيد من التألق في ظل حكومة خادم الحرمين الشريفين وولي عهده الأمين.

يارب زيده فتاق على هالمقدمه :razz:

إقتباس:

إتصال من الماما :smilie47: : عبدالله ترا غدانا رز ومرق ، تبي أسوي لك غداء خاص أو بتتغدى برا؟
أنا ( بحالة إحباط ) : لا خلاص بتغدا برا s16s.

ماتأكل رز:bigeek:

اجل الماما >> ايه هين أجل يايوووووه وينها :d

إقتباس:

النعفقة : مصطلح أسمعه دائما من الماما بمعنى : نفسه شينه :d

انتم تسمونها نعفقه

حنا نسميها منقوف :d

يالمنقوف يالنعفق يالملحوس يانفس ً شينه >>ترى مااسب امدح:chinees: >> وش ها لفيس المملوح تونا نشوفهs9s

إقتباس:

راح يستغرب الكثير منكم ويسأل عن ( الطماط ) : ما عمري أكلته وما أقدر آكله ، على إنه يسبب لي مواقف محرجة كل مره ألقى بالأكل طماط :wallbash:.
الأكلات البحرية : ما أقدر آكلها s16s.

وهـ يالطماط انا ماادري وشلون البزران ياكلون لحاله وع أكرم النعمه يارب
والا الليمون وتسبديه >> فيس يستفرغ وع :d

أكلات بحريه ثقيله مره احس اذا اكلتها سببت لي تخمه وثقل:wacko: ماادري العالم كيف تأكلها

الا الروبيان s9s:smilie47: بس مااحبه وراء بعض حلو مرتين كل 4 اشهر :d

إقتباس:

الأكلات الشعبية : الحمد لله أخيراٌ وقبل فترة بسيطة إستطعت أن آكل ( الجريش ) :d ، وقدرت إني آكل ( المطازيز ) ، و( القرصان ).
بشرط أن تكون من يد ( الماما ) :smilie47:.
أما المرقوق فلحد الآن ما عمري ذقته على كثر الوصف بأن طعمه في ( المخ ) :d.

والله الأكلات الشعبيه يازينها من يدين أمهاتنا .. الله يعظم أجر الأميمات عليكم يالعيال
والا حنا البنات وهـ بس :inlove:

بعدين والله الجريش حلو >> لعبة أمها :d

القرصان >> لعبة أم ليز :d :smilie47::smilie47::smilie47:

أما المرقوق أكرم النعمه يارب هي والمكرونه نصيحه لا تذوقهن >> اذا صار عشاهم مكرونه والا مرقوق لجدتها حطت راسها ونامت :d

الا على الطاري من هذا المنبر أطالب شركات المكرونه ( تعطي امي وعائلة ليز شهاده حسن سيره وسلوك وشكر وعرفان وكل الأوسمه أحسهم العوائل الوحيده اللي تقدس شي اسمه مكرونه لو يبقى عندهم كيسين يطربقون للسوق :d يخافون يمر يوم ماياكلون مكرونه:d

عاد يصيحون وتذن قيامتهم يوم بلا مكرونه:d

وان كشخوا كشخوا غيروا من الخواتم للقواقع يقالهم يجددون:d

وان صحنا عليهم مانبي مكرونه غيروا لصينية مكرونه :d

تبون صور للمرقوق بموضوعي بالمغتربين >> دعايه غير مباشره خخخخخخخ:d

إقتباس:

زيادة على المرض المصاب به أعلاه ، فأنا مصاب بمرض نفسي أسميه ( ما أقدر آكل إلا من يد ماما :smilie47: ).

الحاله مستعصيه :bigeek: له له لزوم طبيب تغذيه وحمى اقلاعيه >>براا :d

إقتباس:

( عمتي شيخة ) ، إمرأة كبيرة بالسن ومالها إلا ولدِ واحد ، وأنا أعتبر بالنسبة لها الإبن الثاني ( هذا إذا ما كنت بالمرتبة الأولى على ولدها ).

( عمتي ) ما تسمع بشخص إسمه ( عبدالله ) وأتوقع لو عندها بنت كان زوجتني إياها وأرسلتها ببقشتها حتى بدون ما أروح أخطب :d.
ورسائل الجوال بيني وبين عمتي تحمل شعار ( لا يوقف ) :d.
وتفرح وكأن الدنيا ( موش سيعاها ) إذا زرتها ببيتها ، وتكون مجهزة جميع الأكلات والحلويات وتحطها قدامي.

ماشاء الله يالعمه >> السوري :d>> طيب اطلعي براا لو سمحتي :tomato:

ياحليلها عمتك شيخه الله يحفظها اجل تزوجك بنتها بس ياخساره ماعندها بنت :d:razz:

ماقلت لنا ماهو سر هذه العلاقه الدفينه >> وش عليتس من خلق الله s77s

بي

إقتباس:

وم كنت رايح لها البيت وبعد ما سلمت وتربعت وتأهبت لتصريفه من تصاريفي المعتادة

مولم العصابه قبل الفلقه :d

إقتباس:

سألتني عمتي السؤال اللي كنت خايف منه : ليه ما تآكل ؟ :d
من عرفتك وإنت ما قد مديت يدك إلا على الحلا ويكون من ( محل حلويات ) وغيره ما قد شفتك تآكل شئ :d.

ياويلي يالعمه والله اني أويت لها الضعيفه .. وراه ماتأكل ياملا الأكله يامنقوف :razz::d

عاد انت ذكرتني بوحده الله يطول بعمرها دايم اذا رحت عشان اونسها واتعشى معها

يكون عشاها مرقوق والا مكرونه s16ss16s >> تقلد :d

المهم تقول يابنيتي كولي .. وانا اقول والله شبعانه ماله مكان توني متعشيه واذا لزمت وشفتها ضاق صدرها شوي وتصيح

امسك الملعقه وبطرفها ويالله نمثل كننا ناكل:d ماغير الملعقه ناشبه بافمي :d

إقتباس:

* اللي حصل بعد جوابي هذا مالكم شغل فيه ( أسرار عائلية ) :d.

ابوك يالاسرار العائليه :d

مايحتاج نحرجك خلاص فهمنا كم مشقوق بثوبك وعينك زرقاء >>حلبة مصارعه :d

إقتباس:

الحالة : جائع والماما مسويه فطائر جبن من اللي يحبها قلبك :smilie47:

والله ياانا كل مامريت سطر والقى ( الماما ) أموت ضحك :d

أدوخ انا على هالمقطع واللي كله لغه عربيه >> حسستني انك خريج لغتن عربيتن :d

بس والله ماشاء الله عليكم من ايام المتوسطه اثرك يامواصل وصول s60s

الموقف الثالث :

إقتباس:

فلم ألبث أن أديت صلاة المغرب ( وفقعت ) :d.

ياويلي ياام ايمن وخوات ايمن تلاقيهن ودهن يخلطنك :d

اذا صار عندنا احد وادهرنا بعشاء ومااأكلوا قلنا وجع :upset: ياسفاب التعب >>ايه طيب :d

إقتباس:

( مشغلنا هالخال أول ما يصلي يشغل بمسجل سيارته قصايد شعر ) :d .

عساها بس مب ناقتي يابعيري :d

إقتباس:

سألت الطاهي : ما هذا ؟ :d

اجل ماهذا ؟ ايه طيب <<< متقطعه ضحك فزعت العالم ياهذا:d ابوك حسستني اني جالسه عند بلاط سيف الدوله >>الا وش معنى بلاط

إقتباس:

وقال : ترا اللي أكلته ( قوانص دجاج ) :bigeek:.
*القوانص : قلوب ومصران دجاج الله يديم النعمة ( يعني مطرسه ) :wallbash:

:bigeek::bigeek::bigeek::bigeek:

وتسبديه >> راحت ترجع عصيرها s16s

بذ انا معك وشو قوانص توي ادري انهن يوكلن ..:bigeek:

إقتباس:

الحواق باللغة : المطرسة
بالإصطلاح : أن يخلط أحد الأشخاص الأكل بعضه ببعض s16s.

شكلي من هالموضوع توي ادري عن نفسي

اني منقوفه وملحوسه وبي مرض نفسي :d الطنزه ماتعدى العركوبs16s

إقتباس:

مثال بسيط :
خلط الرز بالمرق أو طحينيه مع جبن s16s.
أمور غريبه يسوونها الناس ما أقدر أسويها ولا أقدر آكل جنب أحد يسويها s16s.

ذكرتني بعيال جيراننا يسوون الادهى بالفشفاش كلن يغط بفمه شوي ويرجعون يكبونه بصحن ثم ياكلون سوا s16s >>الا والله امهم ماصطرت كل واحد كف يلبد خشته :d

إقتباس:

صديق مقرب عمل خلطة أمامي حامت كبدي منه إلى الآن :
كأس شاهي وضع بداخله جبنه ( مثلثات ) ثم زاد على الأمر بأن وضع الخبز بنفس الكأس وجلس يأكل أمامي s16s.

انا لو مكانك كرهت الشاهي بكبره :nono:

إقتباس:

كانت تقول لي عندما ( أتعنفق ) : نفسٍ شينة بلجدٍ ( أكمل الفراغ التالي ) :d.

نفس شينه وجلداً مروح

نفس شينه وجلداً مروح >> خلاص عرفنا انتس تعرفين :d

إقتباس:

أمها داعيه لها اللي بتآخذك بتريحها لا طبخ ولا نفخ :d

ياسلام هذا المطلوب :d

إقتباس:

2- دعوة للصبايا ممن تجد بنفسها مقبله على الزواج أن تقبل بي على شرط أن تخفض قيمة المهر إلى ( 10.000 ) ريال فقط ، لأنها لن تتعب أبداً بالطبخ :d.

يالله يابنات تخفيضات تخفيضات :d:d

إقتباس:

3- حسيت إن كلمة ( ماما ) ما تنفع لي :d

<<< الى الحين تضحك:d

والله ذكرتني انا وحده من صديقاتي كنا ايام الجامعه انا مستحيل اكل شي فيه مكسرات وهي مستحيل تاكل شي فيه مشتقات الأجبان والحليب

وهات ياضحك وتطنز:d

إقتباس:

أحب أن أنوه للجميع بأنني حالياً أعاني من فتــــــاق عقلي مزمن ، وربما لاحظه الكثير من خلال ردودي والسبب لا يعلمه إلا ثلاثة فقط وربما يستمر الفتاق العقلي لمدة سنه فالرجاء من الأعضاء أن يستحملوني :d

عادي تحصل بأكبر العائلات:d

كلنا هنا أخوان وخوات مافيه استحملوني واستحملكم :yes:

مواصل & عبد الله

يعطيك الف عافيه على المووضع يامنقوف وسعت صدري الله يوسع صدرك بالعافيه ورده واعذرني على الاطاله :d

يامواصل من عام الفيل والله انت سيم سيم انا سبحان الله لقيت واحد مثلي
اما جبن مثلاثات في شاهي حامت كبدي من الوصف ومخيلتي ماقصرت بالباقي

رد ابو عبدالله الجزء الثاني

إقتباس:

مشغلنا هالخال أول ما يصلي يشغل بمسجل سيارته قصايد شعر )

ليه وش تبغا تسمع اذا الشعر شغله اجل روح صفط على سيارة ولد خالي تلاقى خالد عبدالرحمن مسنتر في السي دي :d

إقتباس:

كأس شاهي وضع بداخله جبنه ( مثلثات ) ثم زاد على الأمر بأن وضع الخبز بنفس الكأس وجلس يأكل أمامي

ياخي هذا عليه حركات انا لو بدالة اسويها لك بالشاي بدون ماتدري واخليك تشرب :d

إقتباس:

( أكمل الفراغ التالي )

من بداية الموضوع الين نهايته وانت متأثر بالدراسة شكلك طالب وانا اخوك متعقد من الدراسه أو انك موظف فشل في دراسته :d

تقبل مروري اخي مواصل أمبراطور المجلس العام هذا اللقب المناسب لك :d