الناجح يرفع اصبعه .. - صفحة رقم 2 - نادي الهلال السعودي - شبكة الزعيم

ابو طـــــلال · #16 07/02/2008, 07:31 PM

إقتباس

الرسالة الأصلية كتبت بواسطة الوا يلي


	ابـوطـلال: حيـاكـ اللهـ الف مبركـ للناجحين كلهم,, واللي مانجح (( خلي عندك روح دراسية )) على وزن رياضية وفالكـم البيـرق ابشــركمـ نجحـــــــــت وعلــى وشكـ التخـرج من الحاسب الالـــــى .,,,,,,,,,,,,,,,,, ابو طـلال بشرنا عن طلال واخوانه شكـرا على المــوضوع

هلا وغلا باخيي الوايلي .. وينك والله لك وحشه يالحبيب ..

والله يبشرك بالخير .. ومبروك النجاح وربي يتمم عليك يارب .. وعقبال التخرج والوظيفه ومن ثم العرس والتوهيقه

ابشرك طلال واخوه ( وش اخوانه سلمك الله )

بخير ونعمه ويقبلون الإيادي يالغالي
شكرا للسؤال .. ولاتبطي علينا

ابو طـــــلال · #17 07/02/2008, 07:37 PM

إقتباس

الرسالة الأصلية كتبت بواسطة هلاليه لاخر قطره


	يابو طلال \ والله مافهمت سلام كامل بس مب لازم ,, وآخر اختبار عندي فقـــه يعني مارحت بعيد ,, اعذرني يابو طلال حست موضوعك ,, بس ابسأل \ اختبار الوزاره ما الغوووهـ ,,,!,!

اختي هلاليه لاتدققين .. والقصد ان سلامك كان كامل يعني : السلام عليكم ورحمة الله وبركاته ..

العاده الواحد يقول : سلام ( بس ) ... أو سلام عليكم .. أول السلام عليكم والرحمة ...

وانتي ماشاء الله جايبتها كامله

... واقول متأثره بآخر امتحان لك .. يمكن يكون حديث . .او فقه .. عموما ماده دينيه .. امزح ترى .. يعني من باب التميلح ..

بعدين تسأليني تقول انا سعود الفيصل <<<>>> وش دخله بالموضوع

اتوقع الغوه .. والأسئله من المدارس الحين .. يعني يمديك تغشين .. وتبخششين المدرسات

شكرا لك هلاليه .. وشدي حيلك ... سواء كانت من الوزاره او من المدرسه نفسها

وشكرا لك

iOsαмαн · #18 07/02/2008, 07:37 PM

باركوا لي نــجــحــــت

بتقــديــر (( مـمـتــــاز )) ونسبتي 90.95 قابل للزيادهـ إن شـاء الله

وألف مبروووكـ للناجحيــن مثلي

واللي غرزوا هاردلكـ ترى البطولات ما انتهت

$مفلح$ · #19 07/02/2008, 07:41 PM

شكرا اخوي ابو طلال على البادره الطيبه تجاه اخوانكـ

اباركـ للاخوان الناجحين ونهديهم التصميم

شكرا مرهـ ثانيه ابو طلال

ابو طـــــلال · #20 07/02/2008, 07:44 PM

إقتباس

الرسالة الأصلية كتبت بواسطة عشقي الهلال الأول


	باركوا لي نــجــحــــت بتقــديــر (( مـمـتــــاز )) ونسبتي 90.95 قابل للزيادهـ إن شـاء الله وألف مبروووكـ للناجحيــن مثلي واللي غرزوا هاردلكـ ترى البطولات ما انتهت

الف الف مبروك يالغالي ... وماشاء الله نسبه ممتازه بس شد حيلك الفصل الثاني ..

ونقول للي غرز .. حط الدبل .. وقدامك شوط ثاني .. وشد حيلك

يالله مبروك وعقبال الدكتوراه

ابو طـــــلال · #21 07/02/2008, 07:45 PM

إقتباس

الرسالة الأصلية كتبت بواسطة $مفلح$


	شكرا اخوي ابو طلال على البادره الطيبه تجاه اخوانكـ اباركـ للاخوان الناجحين ونهديهم التصميم شكرا مرهـ ثانيه ابو طلال

الله يعطيك العافيه اخوي مفلح .. وافي يالغالي

وشكرا على هالتصميم الحلو والشعور الرائع .. وانا معك ابارك للناجحين

القيصر رهيب · #22 07/02/2008, 07:56 PM

تخيل إنه أصبعي

بالنسبه لك يا وليد ترى 90 مره ما تنفع

ولعلمك ما فيه إختبار وزارهـ
بس يمكن يكون من مركز الاشراف التربوي

الرحـــــــال · #23 07/02/2008, 10:03 PM

ولله الحمد

نجحنا بتقدير ممتاز 95,23 ثالث متوسط

وعقبال الشريعة(إن شاء الله)

وأبارك للناجحين والناجحات......

هلالية من زمن آخر · #24 07/02/2008, 10:44 PM

وه ودني أعبر عن شعورااآتي أكثر وأكثر

ياإني تعبت من هالـثاني ومن هالاختبارات وعندي إحساس ان درجاتي زفت والله خااآيفة احس اني بجيب 90 % بس ان شاالله ظني يخيب واجيب أكثر

ومبروك للناجحين والله يوفق الي مابعد دروا والله يسهل على اللي رسبووا وترا يمديكم تعوضون

إقتباس


	انا ثاني ثانوي علمي والى الان مااخذنا النتائج دعواتكم اخذ النسبة الي في بالي يااارب وبالعكس ثاني مو صعبة وعلى فكرة الفصل الثاني اسهل من الاول

الله يبشرك بالخير / اهم شي الكيمياء ان شاالله انه أسهل لانه يفقع المرارة وأكرهه كره الويل

أبو طلال الله يوسع صدرك مثل ما وسعت صدري مع إني مابـ ع ـد فضفضت بكلش بس ماحس انه احد بيتفاعل معي

احبكم يا 2/ع

حب يقطع الكون كلـه

ومن هذا المنطلق

سوف اكتب لكم ابيات شعر من تأليفي من قعر أيام الامتحاآنات ومن زود التعب والزهق والقلق وحومة التسبد

صرت اكتب هالخرابيط ض1

لاتدققون عآد

هذي كتبتها بأيام المراجعة قبل الاختبآآرآآت ../

نبكي... عساه الوقت يرجع لامــــجــــاده
حالنا في هالســنه واصــلن حــــده
عقــب ماكــنا ماخــــذين اللعب عــاده
صار الهم يلحقنا ولا قادرين نرده
ضــــاع العمر بالنــكد والهم وضاعت أعيــــاده
تمر كنها غصــة تعذب الاحساس وتهــــده
وبهالــفصل كني غريب فاقــد بــــلاده
لولا ربــي ثم وجــود (***) كان الروح منــــهده -> اسم صقيقتي

سكون وصمت وشــــطاره عندنا زيــاده
تحاكيهــــم عسى يحكون و ماغيرها مــنهم الصده
لا صار الواحد يحاول يعدل الأوضــاع ولا فــــاده
بيقفل باب الأمل والــــنور و يسده
لا يغركــ شوفة شطار الفصل ورواده
ياشينهــــا إذا انغصب شخص على مكــــان ولا <وده>..

وملينا من تــــكرار الشكى و تــــرداده
متــــى تفهم العالم وتوقف التعليــــــم عند حده
مناهج وقــــرارات زفت ياسآده
والتطور رآح و أعــــلن الصده
تعبنا والله وكــرفنا كرف [بزياده]
وعسانا نحصل الــــتوفيق بعد كل هالشده!

وسلامتكم /

وهذي باختبار الرياضيات ع مااأظن

[!!]
ياكتابي ارفق بحالي تراي تعبآن
من بدينا وأنا ماسكك باليد!
كنت اجتهد كل يوم وانا الحين زهقآن!
زهقت من كثر ماجمع الدرجآت [وأعد]!
طفشت من ملاحق حصة ومقابل فلانه بنت فلان --> اسم مدرستنا

وتعبت والله حتى وصلت [الحد]
حنا حظنا مثلنا حظ أعوج و خربان!
يعني على وقتنا قالوا (لازم على الطلاب نشد) ؟
شدوا من قبل يامال الخسران
أو شدوا صح ولا بلاه من [شد]!
اخ ياكتابي انت سبة الآحزان
احترق تكفى عشان[ اسعد]
احترق ترا تسعد مليون انسان
مليون ذآق منك التعب [والكد]
[!!]

هخخخخخخ

انتقدوني واجيزوني

وهذا غيض من فيض طبعا اقصد المشاعر

والله لو تشوفون ملاحظاتي الي بأألجوال لذا لتفشلون لي

لي ع ودة مع الفضفة معااآكم وان شاالله ارجع ابشركم بنسبة ترفع الدميجة (خخخخخخخخخخخخخ)

يالله

B r B

هلالى ولا احلى · #25 07/02/2008, 10:56 PM

ياطلاب ثالث حسب ما لدي من معلومات
لان يكون هناك اختبار من الوزاره لهذا العام بل
بحساب نسبه ثاني وثالث ثانوي تراكمينا

والا انا غلطان

بس
لا تزعلون

مبــــــــــــــــــــــــــــــــــــروك لكل الناجحين

الهنوووف · #26 07/02/2008, 11:11 PM

الف الف الف الف مبروووووووووووووووك للناجحين والنجاحااات وعقبالي يااااااااااارب

ادعوووا لي

اتقدم بالشكر والتبريك والتهنئيه

>>>>>>لاعاد تمسكين مايك بس
بالتهنئيه لجميع الطلاب والطلاباااااات بمناسبه النجاح واخص الطالب النجيب (بلد الوليد ) وعنووده

:::

وعقبال البقيه ان شاء الله
والي حمل مواد او رسب
باذن الله تعوضها الفصل الثاني والدنيا ماتوقف على او عثررره
شد حيلك ولاتخلي الياس والتشائم يسيطرون عليك

...

وطلاب ثالث ثانوي وثاني ثانوي
مرحله سنتين شدو حيلكم فيها وترتاحوون باذن اللله بعدين
لاتهملونها وتندمووون بعدين
واهم شي عدم الافراط ولاالتفريط لان الحرص الزايد بعد يضيع الواحد
ذاكرووا والعبووا واستانسوووا بس كل شي بوقته

..

تمنياتي للجميع بالتوفيق

وعقبال ماتبشرنا بنجاح طلول وفروووس

المصمم asd
سوري على سرقه التصميم تراني امشي واي تصميم يعجبني ارزه بتوقيعي او ردي
لاني عارفه ان مابينا استئذان>>>

الهنوووف

كانت

هنا

ورحلت