اللعبه هي ان يختار كل عضو منا عضوا اخر ويقوم ينكت عليه...
طبعا القصد من اللعبه الترفيه (بدون تجريح) ولاحد يزعل
و اعتبروا كل واحد يمون على الثاني...

انا سأبدا اللعبه و بختار (الرأس الكبيره) مشرف المنتدى ابو سليمان
طبعا انا مااعرف الرجال لكن انا باطيح الميانه معه عشان اذا ما اعجبته الفكره
يروح يحذف الموضوع او يعدلها على مزاجه ويقلبها علي

التعليق :
الاخ ابو سليمان (وهذا طبعا ماهو باسمه الحقيقي)لان اسمه الحقيقي
رافت فتحي مسفر كجمغلي ويعرف ب(ابو صدقه)
العمر: في التابعيه من مواليد 1/7 (تعرفون الشله ذي) اللي ماعنده شهادة ميلاد
يلفقون له تاريخ ميلاد ويحطونه 1/7 ويقولون لبوه وش تذكرانه صار يوم جاك الولد
هاك السنه؟؟؟ ابو رأفت قال دخل الملك عبد العزيز الرياض قالو اجل هو من مواليد
سنة 1319هـ
يعني الاخ ابو سليمان احتفل بعيد ميلاده المئوي مع احتفالية المملكه بمرور 100 عام
(توحيد وبناء و فقه)
حتى ان الثنيان يوم رفع كاس المؤسس وسألوه لمن تهدي الكاس قال اهديه لبو سليمان
بمناسبة عيد ميلاده المئوي وقال بعطيه الكاس يدور به في حارتهم ويزعط على عيال
الحاره(قصدي شيبان الحاره)..

الحاله الاجتماعيه متزوج من ثلاث احداهن سوريه هي الاخيره وانجبت له ثلاث زنمات
هم مازن وشكيب وعيضه
زوجته الاولى (ام صدقه) ولم تفرخ له الا صدقه وشقيقه له ما رايح اقول اسمها(اعراض ناس)
اما زوجته الثانيه فلم تبيض له احد حتى الان !!!!!! (كل شي بيد الله يبو سليمان)

سيارة ابو سليمان هي السياره العجيبه (بومبو) وهي تتكلم واذا صفر لها تجيه على طول ولا تحتاج بنزين ولا شي اللهم قوطي ببسي على الريق

جوال ابو سليمان مقطوع من زمان والسبب انه طيب جدا يخليه لحريمه وعياله
عند صدقه مثلا يمسكه اخر الليل وهات يامكالمات على خطوط الصداقه
والسوريه تكلم هلها يوميا وعيالها يكلمون خوالهم

حتى اخوياه هو اللي يكلمهم يتصلون عليه ويقفلون على شان هو يتصل فيهم وابو سليمان
مايقصر ياخذ معهم سوالف بالساعات (الله يهديك يبو سليمان)
ابو سليمان فتح حساب للتبرعات لتسديد فاتورة جواله البالغه رقم فلكي
والاتصالات مسوين له دسكاونت بعد ما توسطت له حتى هو ما يقدر ينكر

ابو سليمان يعمل حاليا مشرف لمنتدى المجلس العام في شبكة الزعيم وناوي يقلبه
مقلّط

يعرف ابو سليمان بأريحيته (وش معنى اريحيه )كما يعرف بشجاعته و اقدامه
في ساحات الوغى خاصه ايام الشباب وكان يردد دايما:
قربا مربط (بومبو)مني### ان قولي مخالفا لفعالي
واشتهر بالجودمن الموجود

اكلته المفضله هي المطبق والشباتي ويحب عصير ريتا وينبسط اذا لقى المزاز بالداخل


ويقال (والعهده على الراوي) ان ابو سليمان كان لاعب فذ في نادي الهلال في بداية
تأسيسه وكان يلعب ظهير ايسر ويقولون انه يقولانه يشوف نفسه في النزهان)خاصه
اذا انفلت وترك الكوره وراه مايرده الا الدعايات مايقدر يطمر من فوقها
ويقولون بعد انه في مباراه حاسمه مع النصر والنتيجه تعادل اصفار حتى اخر ثانيه
ويحتسب الحكم بلنتي للهلال ...وتصيح جماهير الهلال : ابو سليماااان ابو سليماااان
هووووه هووووه... المهم ابو سليمان انحرج من حساسية الركله وحلف انه مايشوتها
ولايقربهالكن الجمهور اصر والمدرب اصر وزملائه اصروا وقالوا له تكفى يبوسليمان
مالها الا انت انت ((راعيها))
وتقدم ابو سليمان وارجوله تتراقل(على فكره ارجوله اللي يشوفها يقول كلها يسار)
ثبت الكوره وتراجع على شان يشوتهاوقبل لايشوتها طلع من جيب الهاف حقه
عصير ريتالكن مالقى المزاز بالداخل وتوهق ابو سليمان ويسدد الركله على عماها
وجماهير الهلال تهتف له ..شوي الا الكوره بينهم في المدرج
وينزلون عليه الجماهير ويصبون العصير حقه فوق راسه .. ومن ذاك اليوم
انتهت اسطورة ابو سليمان واضطر انه يعتزل
طبعا طلب مباراة اعتزال قالو له اقلب وجهك... قال طيب على الاقل كرتون
ريتا ولا حليب السعوديه لصدقه واخوانه

كانت هذي بعض من جوانب حياة (ابو صدقه) مشرف مجلسنا المعروف بابو سليمان

اتمنى انكم تشاركوني في اللعبه وشوي شوي علي لاحد يختارني تكفون