#1  
قديم 09/03/2002, 04:54 PM
زعيــم مميــز
تاريخ التسجيل: 22/12/2001
المكان: ارض الله الواسعه
مشاركات: 1,703
اخخخخخخ على هكذا زمن

آآآخ على هكذا زمن...
نعم آخ على هكذا زمن مثل مايقول ابوعنتر...

آخ على زمن يلعب فيه الصغار بسمعة اشهر ناد سعودي وعربي وآسيوي..

آخ على زمن يموت فيه الانتماء للفريق الذي ابرزه واوصله الى ماوصل اليه من مجد وشهره...

آخ على زمن تكون فيه (الواسطه) هي من يتحكم ببطل آسيا...

آخ على زمن يكون فيه اللاعبين الاجانب (احرص) من اللاعبين السعوديين على الفريق....

آخ على زمن يقدم فيه اللاعبين مصلحتهم الشخصيه على مصلحة الفريق...

آخ على زمن يكون فيه (النكبه) النزهان هو الظهير الايسر بعد العمالقه المهنا والحبشي والرشيد...

آخ على زمن يكون فيه (النكبه الاخر) المسعري في نفس مركز العبقري الثنيان...
@@@@@@@@@@@@@@@@
نرجع للنقطه الاولى:
للاسف حاليا: النزهان/المطيري يعصفون بسمعة الزعيم.
فالاول الله يجزاه خير غطى على الدعيع في الهدف الاول (مركزك يسار وش جابك في الدفاع؟!!)
والثاني وجوده زي عدمه. تمريرات مقطوعه,بطء في الرجوع للدفاع..
ـــــــــــــــــــــــــــــ
النقطه الثانيه:
للاسف هذي النقطه تخص سامي ونواف.
فما نراه منهما جعلنا نقول(ليت سامي جلس في انجلترا وليت نواف وقع للنصر عندما كان يهدد بالتوقيع)..
تعالي,غرور,بحث عن مجد شخصي...
والا وشلون نفسر شوتت سامي من مسافه بعيده من فاول على طريقة روبرتو كارلوس؟!!
وشلون نفسر شوتت نواف لفاول (ياخي ماعمرك سجلت قول من فاول تجي وتشوت فاول في مباراة مهمه؟!!)
ــــــــــــــــــــــــــــ
النقطه الثالثه:
الواسطه...وماادراك ماالواسطه؟
هذي ياطويل العمر هي اللي خلت المسعري يلعب والنزهان يلعب والمطيري يلعب وللاسف مايلعبون كوره..
يلعبون بسمعة اغلى فريق...
ــــــــــــــــــــــــــــ
النقطه الرابعه:
للاسف كلنا شفنا ادميلسون وتوليو كانوا هم نجوم الفريق بجانب الدعيع والشريده.
كان ادميلسون وتوليو يجاهدون ويدافعون عن سمعة الزعيم وكأنهم تربوا وترعرعوا فيه بجانب الشريده والدعيع...
ــــــــــــــــــــــــــ
النقطه الخامسه:
نفس الشي.هذي النقطه شبيهه بالنقطه الثانيه.
سامي ونواف!!! كل الفاولات هذا الثنائي هو اللي ينفذه ماعدا فاولين نفذه حسين علي والعبقري النزهان...
ــــــــــــــــــــــــــ
النقطه السادسه:
شاهدنا النزهان يتنقل بين الوسط والاظهره والدفاع بكل حريه ولكن اكثر شي الظهير الايسر!!!
هذا المركز الذي شغله عمالقة اليسار المهنا والحبشي والرشيد يجي النزهان ويلعب فيه!!! وين المولد والجري وين وين وين..
ــــــــــــــــــــــــــــ
النقطه السابعه:
المسعري..... ماادري الى الان وش يبي هالادمي....سبب الهدف الثاني بغباءه الكروي..
وين المطرف ليش مالعب من بداية المباراة؟‍‍‍‍‍‍‍ليش ماغيره المدرب؟
هذي الوسطه وماتسوي..
‌‌‌‌‌‌‌‌‌‌‌‌‌‌‌‌‌‌‌‌‌‌*****************************
نقـــــــــاط هلاليـــــــــــه:
1ـللاسف مااستفدنا من الـ30% الا 10% وهو الدعيع..

2ـانبسط يالاتحاد السعودي وانبسط ياتركي بن خالد هذا الهلال وطلع...

3ـمسوين لي فيها جريئين يوم اصدروا قرار مشاركة جميع الدوليين في الاسيويه..(ماعاد ورا)(بدري‍‍‍‍‍‍‍‍‍)
4ـوينك يابو يعقوب تفكنا من تفاهات المسعري..
5ـ لو كان الثنيان ‍‍‍‍‍‍‍موجود هل يخسر الهلال؟
لو تفتح عمل الشيطان وقدر الله وماشاء فعل لكن صوره مع التحيه لادارة النادي...
6ـادارة النادي وتحديدا سعود بن تركي....آخر طناش....
ياخي منتب مؤهل لرئاسة النادي ليش ترشح نفسك..
7ـهل كان التوقيت مناسب لاقالة ارثر؟
8ـكات مباراة امس هي مباراة فيصل ابوثنين.
لانه يجيد ارسال الكرات من فوق المدافعين.......
وخير شاهد على ذلك مباراة الهلال والصفاقسي..
كان الملعب متكتل دفاعيا.
هذا التكتل ماينفع له الا فيصل وخالد التيماوي لكن..
الله يجازي اللي كان السبب في ابعادهما...
9ـ ومازال النزهان والمطيري يلعبون في اليسار واليمين لعب..
10ـمن اللي اقنع سامي انه صانع لعب؟ الله يرحم والديكم اللي يعرفه يدلني عليه..
11ـبتقولون سامي سبب بلنتي ولكن وبدون زعل هل كان البلنتي صحيح؟ بالنسبه لي فيه شك؟
12ـومازال نواف يستعرض على حساب الهلال..
13ـماادري من اللي اخترع التفريغ للمشاركات الخارجيه‍‍‍‍‍‍‍‍‍‍‍‍‍‍‍‍‍‍‍‍‍‍‍‍ !!!!
هذا الكاتو نعرفه مبدع ولكن فقد حساسيته على الكره بعد رجعته والسبب تفريغه للمشاركات الخارجيه!!!!
14ـ وين روح الهلال؟!!!!!!!!!!!!!!
15ـراحوا الطيبين راحوا هذي الجمله تنطبق على الهلال للاسف راح الجيل الذهبي..
الله يرحم ايامكم يالجيل الذهبي..
16ـفي الشدايد يظهرون الرجال.للاسف لم تنطبق على (المثالي ) نواف والحكم شاد.
17ـسامي فاهم الكابتنه غلط..
يحسب الكابتن هو اللي ينفذ كل شي كورنر , فاول ولو يحصل له مرمى شاتها....





آسف على الاطاله لكن الاحداث الاخيره اجبرتني على الاطاله وشكرا....
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:30 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube