خلال الأيام اللي عدت كنت مشغووووول جدا من أخمص رأسي الى أعلى قدمي وبنفس الوقت كنت ضايق الصدر مره علشان فقدت شخص عزيز علي وغير هذا وهذا قررت اني أنظم الى حزب البقر وأصير بقره معهم

والسبب اللي خلاني افكر بهالشي .. هو التجاهل اللي لقيته من أبوي وأمي هاليومين وهم لاهين بالبقر اللي عندهم بالمزرعه

أذكر سنة الغرقه يوم اني أنجح أخر مره أخذت النتيجه وكنت طاير من الفرحه وأروح لم الوالد والوالده وهم جالسين عند أخواني (( أقصد جالسين عند البقره والثور اللي بالمزرعه )) وانا اللي جاي متشقق من الوناسه وأحب روسهم وأقولهم عندي لكم خبر بثلاثمية ريال <== أخر رقم يعرفه قال ابوي : وش عندك .. قلت يبه انا نجحت

أول ماقلتله هالكلمه شفته تنح شوي .. قلت أكيد اللحين بيقوم يحب راسي وبيعطيني خمسطعش ريال عشان أشتري جنزير جديد للسيكل حقي ويلتفت ابوي على أمي قلت بس بيقولها روحي جيبي المحفظه علشان نعطي دبل قيمة الجنزير الجديد بمناسبه نجاحه ورفع شفايفه بيتكلم .. وانا اللي اناقز وشوشتي طايره من الفرحه علشاني أبركب سيكلي أخيرا بعد سنتين من وقوفه ونطق وقال : أيه وش وقفنا عليه ياحصه

وانا صرت كذا ==> .. وأقعد اهاوش عليهم وهم يتكلمون بفريزرات قلت اللحين من اللي أهم انا او البقره قال ابوي : و الله و أنا أبوك البقره أهم .. على الأقل البقره يجينا منه حليب بس انت وش ناخذ منك قلتله (( يابيي )) أعتبرن بقره من البقر اللي عندك وافرح عشاني علشان أحس اني سويت شي لكم

ما كملت كلامي الاّ والزبيريه مسنتره بجبهتي وهو يقولي يالله أذلف من قدامي وأروح كسير الخاطر لغرفتي وأجلس متنح وضايق صدري وأنتظر ابوي او أمي يجون يراضونن مثل المسلسلات المصريه بس محد جاب خبري منهم

وفكرت أني أسافر علشان أغير جو شوي بعد هالنكد اللي شفته .. واتسلف من خويي ابوعز ثلاث الاف ريال ورحت لم لبنان علشان انسى اللي صار

وبعد يومين اتصلت على البيت قلت يمكن ابوي وأمي فاقدينن خل أطمنهم وترد أمي على التلفون ...

انا : بلخير يمه شلونتس عتساتس طيبه
أمي : هلا بدبل وين انت الله يجعلك للحمى اللي تزيلك .. أمس مالقينا أحد يجيب لنا خبز
انا : يمه انا بلبنان اللحين
امي : الله يجعل مصارينك للتقطع .. وش موديك هناك يالسمرمدي ياللي ماتستحي
انا : يمه لاتفهمين غلط .. انا سافرت علشان أغير جو شوي
امي : الله يجعلك للحروله .. مالقيت تغير جو الاّ هناك ايقالك زلاء علعلي
انا : وش اسوي يمه .. اللي صار صـ ... طوط طوط طوط

وتكشر الدنيا بوجهي أكثر مما هي مكشره .. وعلطول أحجز عوده للسعوديه وارجع مره ثانيه وقررت من اليوم ورايح اني أصير بقره علشان القا الأهتمام ابوي وأمي ويصير لي قيمه عندهم

========== END ==========

ياللله من جد القصة مؤثرة وحزينة

طيب ليه قررت تصير بقرة مع أنك ذكر ..

وراك ماقررت تصير ....والا مهوب لازم ;) ;)


تسلم على القصة الحلوة ;)

وحياك الله معنا أخوي في شبكة الجميع شبكة الزعيم

تحياتي

أخوك / الجمجمة

وراك ماقررت تصير ....والا مهوب لازم

نفس كلام الجمجمة .

يقول ابوناصر أذا صار ما عندها كلام يقوله ( كيف الحال ) يوسف الثنيان.

هلا بالجمجمه
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ياهلا بي بمنتداي منتدى الزعيم و أنا أشهد أني رجال و أنا أبو طنعاس <=== جلو طنعاس ولا نغيره
الله يسمنك عفوا يسلمك و لا شكر على واجب
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~ ما لقى احد يقدره قال خل أقدر أنا نفسي ~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

هلا بالوليد
أنا : أخبار الوالد و الوالده و أم الجيران
الله يسلمك كلهم بخير تفضل معنا قهوه شاهي يا رجال
الوليد : يالله نختصر نتقهوا و نشوف بيتكم
أنا : ما يشوف الوليد إلا غباري من السرعه أحسبه بيقول لا خله مره ثانيه اثره يقول يالله معك
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
تحياتي من بعد ما تكسرت ايديني من كتابة هالقصه