نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   أرشيف مواضيع منتدى الجمهور الهلالي (http://vb.alhilal.com/f38/)
-   -   تحذير هام.....خطر قريب ....ا انتم فيكم حاله نفسيه! (http://vb.alhilal.com/t53052.html)

هلالي.واشربوا.البحر 09/03/2002 01:29 PM

تحذير هام.....خطر قريب ....ا انتم فيكم حاله نفسيه!
 
مباراتان ونتصدر فرق الدوري نصر واتحاد وثم بطوله اسيويه هل حنا مقدرين لخطوره الموقف اللي حنا فيه ؟..................خلاص زعلنا ليله كامله سبينا وشتمنا وطالبنا بقطع رؤؤس ............ وابتعاد والحين لازم نوقف (فول ستوب بليز) ركزوا وارفعوا رؤسكم مثل العاده قولوا ما خسرنا البطوله هي اللي خسرتنا وكالعاده بعد لو كنا بنص حالتنا الطبيعيه ما راحت لغيرنا ولكن هي الايام والدول من سره زمن سائته ازمان .....الحذر الحذر القادم من الايام مهم ومهم جدا اتركوا فورة الغضب هاتوا يدينكم وشدوا علي بعض اكتبوا وردوا علي او اكتبوا موضوع جديد امسحوا هالمهاترات اللي موجوده وانا شاركت معكم البارح بواحد منها ولكن عذر العاشق ارجو ان يسامحني الهلال البارح انا غلطت في حقه ....واليوم لازم اتعذر بذا المقال وادعوكم معي ان تعتذرون الان حالا فالوقت ازف والاتحاد قريب يبي يبعدنا عن الصداره وبعده فريق ابو قوطي صلصه وبعده كاس اسيا واللي يرحم والديكم يديكم معي نشيل الهلال طاح لا تكثر سكاكينه ؟
~~~~~~~~~~~~~~~~~~~~~~~~~~~~~~~~~~~~~~~~~~~
مصيبيح قلنا غلطت بتغيير المدرب بذا الوقت وحنا نبي نغلط نفس الغلط بتغيير الاداره الرئيس والله يستر لا نلحقهم النادي بعد .....افهموني رجاء لا ننه عن خلق وناتي مثله ..... خلو الموسم ينتهي ووقتها يجي وقت الثواب والعقاب الان الهلال لازم يوصل اربعين بطوله قبل نهايه الموسم هذا واذا صارت واحد واربعين خير ونعمه كذا تنحسب الامور وكذا نبقي هلاليين ولا تري مالت علينااااااااا وكشششششششششش بوجيهنا

هلالي.واشربوا.البحر 09/03/2002 07:13 PM

ماقلت لكم فيكم حاله نفسيه
خلاص انسوا اللي مات مات
بكرا نواف بيسجل لنا هدف ذهبي مثل عادته
وسامي بيجندل طقم كوري وياباني وال......خ
وبيعرف المصيبيح مكان الغلط
وبيرجع العضاء الشرف علي يد وحده
وبترجع الجزيره مثل ماكانت معول بناء لاهدم وبحث اخطاء
وبيموتون حره كل اللي تشمتوا البارح
وبنفقع قلوبهم بس روقوا المنقاء
واشهروا اقلامكم بوجه الضالم الحقيقي
اللوبي المنتخبي والفرقه الشرفيه واحاديه الراي
ويعيش الهلال ويسقط كل حقير ينتضر سقوط الخيل الجامح
بكرا بنوزع تهاني
ونملا الدنيا اغاني
بكرا يحتاج بس لاقلامكم
بكرا يحتاج بس لعقولكم
بكرا يحتاج بس انكم تنتضرونه وتحبونه
بكرا قريب مو بعيد والله
جهزوا موائد الفرح فهذا الحزن لا يليق بهامات بني هلال
~~~~~~~~~~~~~~~~~~~~~~~~~~~~~~~~


الوقت المعتمد في المنتدى بتوقيت جرينتش +3.
الوقت الان » 11:31 AM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd