في البداية ابقولكم قصتي بس لا تعصبون ..

انتم خابرين العوايل تطلع يوم الجمعة ( القمعة على قول اخوانا الأتراك)

المهم الأهل طلعوا للبر... ولا بقا في البيت الا انا والسواق ...



المهم قعدت افكر وشلون اناظر المباراة باستمتاع ..

خاصة ان سباقات الفروسية العريقة بدت تغطي على الكورة ..

بالأضافة اني عارف حركات تلفزيننا العزيز يحطلك مربع صغير

في الشاشة ويقول ناظر المباراة وانت ساكت عشان عشاق الفروسية يستمتعون

( والله نصهم زولة جايين عشان السيارة)

مالكم في الطويلة ... والله قعدت افكر وافكر وشلون اني اناظر المباراة

ما عندي اوربت والمشكلة لو تروح لمقهى والا اي محل ( ما تاخذ راحتك في التعليق
والانفعال ) بالأضافة اني ما احب ارتياد الأماكن هذي لأنها اماكن تجمع لحثالة المجتمع ..

وهنا يجي دور العاطفة ؟؟ كنت قاعد على الدرج برا والله ويجيك

كومار سواقنا ( هندي) ويقول هاه دهومي( يدلعني والله يمون) اليوم مباراة

الزئيم( الزعيم) قلت ايه يا كومار قال طيب ليه انتا زعلان

قلت والله ابغا اناظرها على اوربت ولا اعرف احد عنده اوربت تخبر كل الربع

طفارة قال كومار( وهو ضامني على صدره) ما ابغا اوصف شعوري

في ذيك اللحظة احتراما لمشاعركم..قال ولا يهمك اليوم العزبة مجتمعين

عند مهدي ( سواق جيران خوالي) وابو الشباب عنده اوربت( والله القهر)

قال كومار : اليوم ناوين نفلها بلوت( الهنود مخترعين اللعبة للمعلومية) وأفلام

لكن عشانك بنحط اوربت بس بشرط قلت :اشرط يا حياتي قال :

انك ما تعلم ابوك ( كفيله) قلت يا مخيس والطلب رخيص ..

والله ونروح والا الشباب راعين كيف يعني كنت متوقع جو مباراة حب.. ببسي..

والله الشباب مصلحين رزفي ذا المغرب قلت (ما بدهاش) واقلط معهم والله وتبدا المباراة

واستلم تحليل ابو هنود... كومار الشتالي ومهدي الوحش

المهم قفلت معي معد اسمع شي وارفع الصوت ( امون ماسك الريموت .. بعد ما بقا الا هي هنود يتحكمون فيني)

المهم والله واسألهم قلت هاه وش رايكم في الزعيم قال : واحد :أول قال الثاني: بس:
قلت عما العيال منسجمين مع البلوت ...

والله ويلعبون طقتين ثم التفتو للمباراة ياليتهم ما التفتو .. لأن مهدي نزلني من سريره
عشان يناظر المباراة( السرير انظف منطقة في الغرفة) المهم والله العيال صارو
ذواقين للكورة
واحد يقول وين ايامك يابويعقوب والثاني يقول( قديم في المملكة) الله يرحمك يا سلطان بن نصيب

المهم وحنا ندردش ويمسك الكورة لاعب موهوب اخاف اقول اسمه تنظلونه( رقمه 18)

واول حرف من اسمه المسعري والله الولد ما يديرها في الكورة ( يسمع بالكورة)

المهم والله ارتفع رطن ذا الهنود ( يوم استلم المسعري الكورة والقط بعض كلامهم المهم عرفت ان الولد ما اعجبهم لعبه .. قلت هذا كبتن الفريق )

تعجبو العيال( خلاص صارو اخوياي) قالو بالله ذا وجه كبتنية( بالهندي طبعا)

قال مهدي ( دهومي) بالله كم راتبه قلت: قد راتبك 15 مرة ... والله ويمز الزقارة من القهر...

ويطق التكميلة قلت وين ( قال وصف لي نادي الهلال قلت اركد الحين صاكين بكره يفتحون ) وش تبي من الهلال ..

قال والله دام ذا الأشكال تلعب للهلال ... والله يا كني ازين منه ...

قلت انت ما فهمت الموضوع ترا هذا لاعب تكتيكي لا يستغني عنه اي مدرب في الخطة..

قال : خل عنك الخراط واتركك منه *** ما يفيد الغرور اللي معه منة( صار يسمع ابو نورة)

المهم والله ونتصل على النادي عشان نرتب الموضوع ( احتراف مهدي الهندي في الهلال)




تفاصيل الاتصال تشاهدونها بكره في الحلقة الثانية( مهدي السهم الملتهب)


للخنبقة على المسنجر:

[email protected]