16/03/2008, 08:27 AM
|
| زعيــم متواصــل | | تاريخ التسجيل: 01/02/2007
مشاركات: 73
| |
|
إغتيال ضاطور في ظروفٍ غامضةٍ
السلام عليكم
يالله صبحهم / مسهم بالخير
وكلن بوقته
اليم وانا طالع من البيت رايح الدوام
اقابل أمي هي تنفخ علي تقول ( خذو هالوجه ) <-- دعوه عالطاير
ليه ؟؟ وراه ؟؟ وشوله ؟؟ ولقد ولماذا ؟؟
قالت : تقوم للدوام لا تقوم للصلاه !!
المهم اني زعلت وجرحتني بهالكلمه وقررت اترك البيت
لأسباب من أهمها :
(1)
ردّ إعتباري كوني أحد أعضاء الكونجرس الحاكم في البيت
وتمت محاولة قتل حيويتي وإيقاف نشاطاتي المنحرفه نوعاً ما في الحكومه 
(2)
معرفة أنصاري وجردهم بملفات علاقيه داخل مكتبي المخلخل
ومعرفة هل لحركتي المناضله في الحكومه وجود فعلي؟ وهل لازالت تزاول نشاطاتها ؟ .
(3)
كسب ودّ وكسر خواطر " حزب العمّال " <-- اخواني خواتي طبعاً
وإكتشاف مدى حبهم لي تمسكهم بي .
(4)
لوي ذراع قايد القوات المسلحة ووزير الخارجيه ورئيس الوزراء الحاكم" أبوي"
ووضعه في محكّ اكون أ لا أكون ..
وإختبار مدى قدرته على ترويض وزراة الداخليه " امي "
والتمسك بي لآخر قطره <-- وين ياحليب الصافي
والا انه من جنبها ويخق لا ناظرته بنت جدي " تومي " <-- اسم امي خخخخ
(5)
" تعذر التسليم لكل المستخدمين " <-- وراه بلاء التعذر هذا 
نتائج هذا القرار سريعه للغايه هي كمايلي :
(1)
رساله جتني من ابوي يقول فيها
( ارجع ياحبيبي .. مااقدر اعيش العمر من دونك )
(2)
رساله جتني من " حزب العمّال " يقولون فيها :
( مالنا غنى عنّك وبرايفت بالاخير من رئيس الحزب (اخوي الاصغر) يقول .. ترى لو مارجعت ابطلع حتى انا )
(3)
رسالة من جدتي تقول فيها :
( تراي اراسلك من على سور السطح اذا ماجيت الظهر ابطب على راسي )
للأمانة ماتحملت قعدت اضحك وراسلتها قلت
( وشلون اضمن موتك مع " القـُنـُعْ " اللي على راسك الله لو وشو مايجي راسك شي )
ردّت علي قالت :
( عساك بحبره .. محد يقدر عليك وحطت لي وجه مستحي)<-- استحت عجيّز الغفله فاصل .. [ حشيش غير .. ومن عرفته وهو " غير "
حتى السُكْر في حضرته شكل ثاني ] حقيقتن ذا اللي راح كله ماهو إلا مقدمة لموضوع يجول بحشاشتي منذو برهة من الزمن .. يقولون فيه مزارع ( فلاح ) راح لمزرعته بيوم من الايام ولقى عصفور منسدح على ظهره !!! بالله تخيلوا العصفور وهو منسدح ورافع رجوله فوق للسماء قرّب المزارع للعصفور وبشويّة هدوء على باله بيطير .. لكن تفاجأ هالمزارع ان العصفور ماطار وقرّب اكثر من العصفور هالصغنون وسأله سؤال .. وقال : وش عندك منسدح ورافعن سيقانك فوق للسماء ؟؟ العصفور : ابد ياطويل العمر .. بس سمعت ان السماء تبي تطيح اليوم . المزارع : ههههههههه وظنك تبي تمنع السماء لاتطيح انت وعصاقيلك ذي ؟!! العصفور : "كل واحد فينا يسوي اللي يقدر عليه" . انصدم هالمزارع من رد هالعصفور وفي الحقيقة ماكان رد هالعصفور الا رساله لهالمزارع مضمونها (( لا تحتقر نفسك مهما كنت ))
ومهما وصلت لدرجة غير طبيعيه من الضعف .. او شفت نفسك قليل حيله.. لاتسوي شي غير انك تبذل قصارى جهدك وتسوي اللي تقدر عليه مهما كان وحاول انك ماتحطم نفسك او تثبّطها بأي طريقة يعني بعضنا يقول اذا جاء يبي يسوي او يحقق شي بباله : وش يبي يسوي لي هالشي ؟؟ وش حيلتي .. والا اللي وش اللي عندي عشان يكفي اني احقق شي من اللي ابيه ؟؟؟ وهنا الخطأ !!!
جرّب .. ماراح تخسر
يمكن ان اللي تبي تسويه على قلّته بيكون شراره لميلاد حلم
أو ولادة مستقبل .. أو نصره لمجتمعك .. أو نصر لذاتك على ذاتك
يمكن ان الخطوة البسيطه اللي تبي تقدم عليها
تكون اول خطوة لنجاحك وتحقيق اللي تبيه
وتبي تكون إعلان صعودك لأول درجة بسلّم حلمك امــثــلــة (1)
قضية مقاطعه المنتجات الدنماركية
لو كل واحد فينا قال بنفسه وش بيضرهم لو قاطعتهم انا لحالي !!
كان محد قاطعهم ..
لكن الحقيقه ان كل واحد مااستحقر اللي سوّاه
وواحد على واحد .. وهذا مع ذاك
إلين كوّنا قوّة قدرنا نأثر على اقتصادهم
( بعض النظر عن اعترافهم بهالشي من عدمه )
فكان عمل الفرد منّا عامل مساعد لتحقيق الهدف
والسبب : عدم احتقارنا لأنفسنا وعملنا البسيط الفردي
(2)
مانديلا
الرئيس السابق لجنوب إفريقيا
اللي ضحى بكل شي أمنه وصحته واسرته حتى بحريته الخاصة
وكافح ودافع عن اللي يبي يوصل له حتى سُجن واستمر لوحده يكافح
حتى طلع من السجن وهو منتصر في قضيته
هذا اللي ابي اوصله لكم طال عمرك ,, أخيرن ,,
تذكروا ..
لاتحتقرون انفسكم .. فبعزيمتكم ستحققون ماأردتموه
و نسيت اقولكم ,,
( ماعليكم من عنوان الموضوع ,, عجزت وانا ادور ومالقيت الا ذا هع )
see u
|
.. تأكد بس لا تظلم العصفور يمكن نسيت هاء بآخر الكلمة ولا شي؟ 
الوضع العادي
