الله يرحم والدينك ........... ادخل وشف اليكم ايها الزعماء هذه الخواطر الشعريه .... من حرف الالف حتى حرف الياء.. [gl]الالف/ أحبك حب ماحدن درى به .... أثر البلا حبن عن الناس مخفيه والباء/ بكيت الحب من جور مابه .... بالذات حبك يامن القلب مشقيه والتاء/ ترى قلبي تزايدعذابه .... تعال ماباقي سوى القلب تفنيه والثاء/ ثمار الحب في وسط غابه ....ثمر الهوى ماكل مخلوق يجنيه والجيم/ جعل الحب ينصك بابه .... جعله مايقبل صاحبن طامع فيه والحاء /حياتي ياحياتي كآبه .... حملتني حملن ولاني بقاويه والخاء/ خلو الحب للي نشا به .... خسران من هو كان بادي ويرجيه والدال/ درب الحب قلبي مشا به .... داله ومن قبلي رجالن مشت فيه والذال/ ذاب القلب مابه غرابه .... ذايب سبب جورك وكثره طواريه والراء/ رميت القلب والله رمى به .... رميتني والقلب ماظن تخطيه والزين/ زاد الجرح زاد بصوابه .... زلزل كما الزلزال جرحي وكانيه والسين/ سجلنا حروف وكتابه .... سالت كما سيل تحدر بواديه والشين/ شيبّنا بعز الصبابه .... شر الهوى حبن يشيب براعيه والصاد/ صدري فيه هم التوى به .... صعبن على الدكتور يقدر يداويه والضاد/ ضاع العقل واحيسفابه....ضاعت بداياته وضيّعت تاليه والطا/ طعن رمحك فوادي وصابه .... طبيعي اللي يجرح القلب يشفيه والظا/ ظلمت وظلمك ايش الدوا به .... ظلمتني والظلم باقول ناسيه والعين/ عذر اللي اذا غاب جابه .... عاذره لو ماهلت دموع عينيه والغين /غايات المحبه تشابه ..... غرب وجنوب وشرق وأقصى شماليه والفاء/ فقدت القلب وين الرجا به .... فقدان حبك مارجيته ولا أرجيه والقاف/ قلبك صدق زاد التهابه ؟.... قلي نعم .!! وأقول يازين لبيه والكاف/ كلمه حق تبغا أستجابه .... كفك بكفي نمشي الدرب ياهيه!! واللام/ ليت أنك تجيب الاجابه .... لي ماأنهدم ساس الهوى كيف تبنيه والميم/ مات الحب بأول شبابه .... ماعاش من لايتعب بحب غاليه والنون/ نار الحب جمر ولهابه .... نار تولع في الحشا لين تكويه والهاء/ هويت الحب والبعض هابه .... هاوي وحبك بالخسارات شاريه والواو/ وقتي كشر وحد نابه ....ووقفت له وقفت رجل بان ماضيه والياء/ ياليت الحب تقفي ركابه .... ياليتني مأسمع بذكره وطاريه [/gl] تحياتي ......... [gl]BLUE FIRE[/gl] |
صح لسانك . |
الــسلام before الكلام؛ رووووووووعه |
ووالديك والناس اجمعين ومن قال آميــــــــن. حلوه وبقوه. تحياتي big head |
عـاش واقف..!! هذي ألــفية شــو..!! تحياتي.. |
الوقت المعتمد في المنتدى بتوقيت جرينتش +3.
الوقت الان » 08:27 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd