إلى الشيخ ( محمد بن زايد آل نهيان ) >> حشمةٍ للمملكة والإمارة !!! - نادي الهلال السعودي - شبكة الزعيم

الســفيرة · #1 02/02/2008, 09:43 AM

صدق المثل الي يقول أنا وأخوي على ابن عمي

لما جات الزيادة او - بدل الغلاء - عصبوا الناس وحالتهم حالة ، لما جا أحد ينتقدهم ويتمسخر اقتنعوا بالوضع

الحمدلله على كل حال

أختي المملكة صح لسانكـ والله قصيدته تنرفز وخاصة لما يقول

إقتباس


	حظك سعودي ؟ ويه ياقل الاسناع لافاد ربح ولا سلم مـن خسـارة اية بدل ؟ هذي ثمن كيس نعنـاع حتى رواتبكم بدل ( للطـرارة )

خييير يابو الشباب أحد شكالكـ الحال؟؟؟

اخواني اهم شي لاتغير هالقصيدة نفوسكم على اهل الامارات تراهم اخوانا وهالشاعر يمثل نفسه لاأكثر

وتذكروا الشاعر الي يقول

إقتباس


	إذا نطق السفيه فلاتجبه...فخير من إجابته السكوت فإن كلمتة فرجت عنه...وإن خليته كمداً يموتُ

امبراطورة الامارات · #2 02/02/2008, 10:12 AM

إقتباس

الرسالة الأصلية كتبت بواسطة ابو طـــــلال


	كنت حاس انها بتوصل هالمواصيل .. بسبب كثرة المواضيع عن الإمارات والدعايات المزيفة .. وتصفيق بعض البسطاء ( فكرياً ) لهدف هذه المواضيع الدائمه عن تواضع فلان .. وكرم علان !! قلنالكم .. ياحبنا للسعوديه واهلها ... والله لو صار ماصار صح لسانك اختي والله يعينك على كلام قليلين الدبره والعقول السطحية

أنا ما برد عليك لأنك دايما ضد الامارات .. يا بوطلا ..
وتربيتنا ما تسمحلنا لواحد عنده اسره وولدين يمكن انت
كبر أبويه فبحترمك عشانك كبير ... و لا مب عشان شي ثاني

إقتباس

الرسالة الأصلية كتبت بواسطة جنـــ الزعيم ـــى


	السلام عليكم ورحمة الله وبركاته صاحب القصيده لايمثل الا نفسه والغرض اثارة فجوة بين سكان الدولتين واذا الزيادة اللي جته خلته يتغطرس على السعوديه قولوله لادارت الدنيا على الامارات ماله الا السعودية بعد الله سبحانه وتعالى 88888888888888888 طبعاً ردي هذا لصاحب القصيده اما دول الخليج العربي وان فصلت بينها الحدود السياسية فماهي الا دولة واحدة والامور هذه ماتفرق بيننا نتمنا لهم كل خير مثل مانتمنى لانفسنا باستثنا دولة واحدة ما اقول الا الله يعيدها لصواب يعطيكـ العافية اختي المملكة على القصيده

الله لا ييب اليوم اللي تدور الدنيا على الامارات يا أخويه
ولو سمح الله استوى نحن من صغيرنا لكبيرنا جنود للوطن
(ليت راسي ينقطع و تموت كل أعضائي بس تبقى ديرتي فوق السما مسكون )
ونحن خليج واحد و قلب واحد و اخوان ما تفرقنا الاشاعات السخيفه اللي مثل هاذي

إقتباس

الرسالة الأصلية كتبت بواسطة رعبوبة الزعيم


	هلا والله اختي المملكه.. صح لسانكـ وان كان هالشاعر مايمثل الا نفسه .. بس راح تشعل نار بين شعبنا وشعب الامارات ومهما كان السعوديه والامارات عينان في رأس ومااظن ابيات شعر تفرق بين اشقاء .. تسلمين اختي المملكه ورده

وانتي الصادقه يا اختيه السعوديه و الامارات عينان في رأس واحد

__________________________________________

أشااااااعه و الله انها اشاااعه
هادي المنصوري ونحن الاماراتيين ما نرضى
حد يقول عن السعوديه أو اي دوله خليجيه ثانيه
هالرمسه لأنها اخوان ودايما ويا بعض في السراء و الضراء
والله لو هادي المنصوري قايل هالرمسه تظنون انهالشيخ محمد بن زايد
بيرضى لا والله ما بيرضى .. ومحمد بن زايد يعرف كل شي عن شاعر المليون
سواء في الكواليس و لا الظاهر لأنه متابع كل صغيره و كبيره .. وهمه راحت الضيوف
أخوانه الشعراء من الدول الثانيه ,, و ارد و اقول الامارات والسعوديه عينين
في راس وحدهو تطمنو ( الاماراتيين ما تربو على نهج التفرقه و لا المعايره )
والله انه نحبكم و نحطكم فوق روسنا ) ربي لا يفرقنا عن بعض

( لا تهزكم هالاشاعات )