تحياتي للجميع

عندي نقطه مهمه وادري اني تأخرت في طرحها لـ انشغالي

وحاب اني اسمع ارائكم فيها :

في مباراة اعتزال نجمنا سامي الجابر شارك معانا اللاعب أسامه هوساوي

وقدم مستوى جيد جدا بالرغم انها المباراة الاوله له مع الزعيم

وانقذنا من هدف محقق في كره اخرجها من وسط المرمى

وكان متأقلم مع المجموعه ومتحمس للمشاركه لـ اثبات نفسه

لاسيما انه ( ان شاء الله ) في الطريق للانضمام للزعيم

والنقطه اللي اني حاب اسمع ارائكم فيها

بعد انتهاء مباراة الاعتزال صرح مدربنا كوزمين برايه حول

الكابتن اسامه وقال : انه قدم مستوى جيد واداء الادوار المطلوبه منه

وغطى منطقته والى الان تصريح المدرب اوكيه

ثم قال ولكن تسبب في ركلة جزاء في مشاركه خاطئه

مع الخصم وتمنى المدرب للاعب الانتباه لها !!

وانا اقول ان ركلة الجزاء اللتي احتسبت على اسامه

في نهاية المباراه لم تكن ركلة جزاء صحيحه

وهي مجامله من حكم اللقاء لفريق مانشستر يونايتد

ولكن العجيب ان المدرب صاد هالنقطه على اللاعب اسامه

من اول مباراه .. يعني المدرب عنده نظره فنيه (ثاقبه) لكل صغيره وكبيره

والمشكله تكمن في ان اللاعب فهد المفرج في كل مباراه له

اخطاء وكوارث ومصائب ولكن المدرب الى الان يمدح في اللاعب

اعتقد ان الموضوع اصبح مكشوف للجميع

واللي فهم فهم وابي ارائكم وبدون تعصب

تحياتي للجميع

تصدق مو جايني نوم انتظر رد الاتحاد الدولي للفيفا
اتمنى هوساوي في اقرب وقت




بس ياليت اساسي مع النصر

الصراحه انك ذكي وعندك نظره فنيه ثاقبه

والله شف وانا اخوك المفرج واسطه ويجب ان تقبله تعبت وانا ادافع عنه هبل بي الله يسامحه اما بخصوص هوساوي الله يوفقه ان شاء الله مع الزعيم وارجع للمفرج تراه لاعب كويس بس اذا نكب جاب العيد هههه وشلون تحلها مدري

إقتباس الرسالة الأصلية كتبت بواسطة mkn911 والله شف وانا اخوك المفرج واسطه ويجب ان تقبله تعبت وانا ادافع عنه هبل بي الله يسامحه اما بخصوص هوساوي الله يوفقه ان شاء الله مع الزعيم وارجع للمفرج تراه لاعب كويس بس اذا نكب جاب العيد هههه وشلون تحلها مدري

والله ينبح صوتي مع اخوياي ادافع عن فهد

ياخي مدري ليش ( ارحمه )

يكفي انه لابس شعار الهلال

المفرج وهوساوي كلاهما لاعبان كبيران ولكن لو عدنا لمباراة مانشستر لوجدنا أن المفرج تفوق على أسامة....

أدري راح تقولون الانسجام له دور.. لكن في نفس المباراة تفوق أيضا على تفاريس والذي كثرت أخطاءه في تلك المباراة.

عشان كذا خلونا نرضى بمدافعينا و لاعبينا عامة ما هو كل ماشفنا لاعب بارز ركضنا وراه ونسينا ماقدمه نجومنا على مدار سنين...

إقتباس عشان كذا خلونا نرضى بمدافعينا و لاعبينا عامة ما هو كل ماشفنا لاعب بارز ركضنا وراه ونسينا ماقدمه نجومنا على مدار سنين

ارفع القبعه لك ياهذا << يسمع بالامثال خخخخخ

والله من ناحيه واسطه ماادري وش اقولك بس لو نلاحظ على كل ذا السنين اللي لعبها كل المدربين يقتنعون بالمفرج

يمكن لانه لاعب قائد حماسي يوجه اللاعبين في الملعب مدري وش قصته ماراح نظلم احد ونقول واسطه بس ابو مفرج

كفى ووفى وان شالله اذا اعتزل نشوف اذا بيجيبون له نادي ميلان ذيك الساعه بقولك واسطه

الصراحه انت قفطه كفشته انت خطير تصلح مدرب كلامك سليم عارفينه من زمان

فهد المفرج يبدع بعض المباريات .. لكنه ما يصبر يزل << اخس يالمريخي

بس يغلط له غلطه تنكبه عند الجمهور وينسون محاسنه

انا صراحة ماني متفائل بهوساوي .. وحاس انه اذا جا للهلال بيصير احتياط والمفرج اساسي

واسطه
من يوم لعب للهلال مااختاروه للمنتخب ولا مره وهو يلعب اساسي في اكبر نادي في السعوديه

إقتباس الرسالة الأصلية كتبت بواسطة دمي أزرق&أبيض تصدق مو جايني نوم انتظر رد الاتحاد الدولي للفيفا اتمنى هوساوي في اقرب وقت بس ياليت اساسي مع النصر

تفألو بالخير تجدوه

وشاكر لكـ مرووووركـ

إقتباس الرسالة الأصلية كتبت بواسطة فيصلكم الصراحه انك ذكي وعندك نظره فنيه ثاقبه

انت اثقب

وشاكر لكـ مرووووركـ

إقتباس الرسالة الأصلية كتبت بواسطة mkn911 والله شف وانا اخوك المفرج واسطه ويجب ان تقبله تعبت وانا ادافع عنه هبل بي الله يسامحه اما بخصوص هوساوي الله يوفقه ان شاء الله مع الزعيم وارجع للمفرج تراه لاعب كويس بس اذا نكب جاب العيد هههه وشلون تحلها مدري

وهذا بلى ابوك ياعقاب

وشاكر لكـ مرووووركـ

إقتباس الرسالة الأصلية كتبت بواسطة دمي أزرق&أبيض والله ينبح صوتي مع اخوياي ادافع عن فهد ياخي مدري ليش ( ارحمه ) يكفي انه لابس شعار الهلال

لا مو عشان لابس شعار الهلال



حنا عندنا غريزه فطريه نحب الناس اللي فيهم خير يعني الملتزمين

وشاكر لكـ مرووووركـ

إقتباس الرسالة الأصلية كتبت بواسطة زعيم سلطانة المفرج وهوساوي كلاهما لاعبان كبيران ولكن لو عدنا لمباراة مانشستر لوجدنا أن المفرج تفوق على أسامة.... أدري راح تقولون الانسجام له دور.. لكن في نفس المباراة تفوق أيضا على تفاريس والذي كثرت أخطاءه في تلك المباراة. عشان كذا خلونا نرضى بمدافعينا و لاعبينا عامة ما هو كل ماشفنا لاعب بارز ركضنا وراه ونسينا ماقدمه نجومنا على مدار سنين...

تفاريس مسكين جته حالة اكتئاب من فهد ويأس وتعب من الحاله (مخلينه لحاله يصارع الامواج)



وشاكر لكـ مرووووركـ