تبوني اكذب على روحي وأقول ان الهلال بيفوز على الشباب وبيفوز على الاهلي والاتحاد ..؟ بالعقل يعني ..! السلام عليكم ورحمة الله وبركاته راح ادخل بالموضوع على طول < الاحظ هالجملة تتكرر كثير المهم فيه بعض الأعضاء يقولون ان الهلال بياخذ الدوري و و و بصراحة أنا اقول ان الهلال مستحيل ياخذ الدوري ابدا :bigeek: يعني تبوني اكذب على روحي وأقول ان الهلال بيفوز على الاتحاد والأهلي بجدة وعلى الشباب فرضا الشباب تعادل مع الهلال ولكن لنقل انه فاز على الشباب هل سيفوز على الاتحاد والأهلي بجدة فيعني بالعقل الهلال اذا فاز في مباراة ولا مباراتين ماراح يفوز في كل المباريات (تبقى وجهت نظر) |
تفألوا بالخير تجدوه |
من وجهة نظري الدوري بإذن الله هلالي ولنا لـــــــــــــقاء |
طيب ليه ماتقول صعب الشباب والاتحاد والاهلي يفوزون على الهلال طيب وأنت ضامن أن الاتحاد والشباب يفوزون بجميع مبارياتهم القادمه نسيت ان باقي مباراه للاتحاد مع الشباب ومتفائلين بالدوري بأذن الله |
اقول من الشباب والأتحاد والأهلي عشان الهلال ما يفوز عليهم |
ان شاء الله الدوري هلالي باذن الله |
وش المانع يالحبيب مايفوز على هؤلاء !! منهم الاتحاد والشباب والآهلي عشان مايفوز عليهم !! والله قمة الاحباط والتحطيم .. |
تفألوا بالخير تجدوه |
تفائل بالخير يا أخي .. |
فــوز الهلال بالدوري من سابع المستحيلات والمباريات المؤجله أثرت علينا علشان كذاا مبروك للأتحاد الدوري والله يعوضنا بالسنه القادمه ،، |
المباراة الي بتحدد البطل هي مباراة الهلالxالإتحاد في جدة وإنشالله يفوز فيها الهلال ((وتذكرو كلامي)) |
وجهة نظر من حقك على الجميع احترامها ولكن أرى أنه من الأفضل لك وللمنتدى بأعضاءه وللفريق الهلالي أن تبين مسببات وجهة نظرك يعني توضح ماهي الأسباب التي ستجعل الهلال بعيدا عن الفوز وفي المقابل الاتحاد والأهلي بعيدين عن الخسارة أنتظر توضيحك لمزيد من الفائدة لقراء الموضوع وأتمنى منك في مواضيعك القادمة أن تحرص عل تبيين وجهات نظرك من أجل المصلحة الهلالية |
انا اتفق معك ان الموضوع فيه صعوبه لكن لاتنسئ ان الفرق الاخرئ بقي لها مباريات خلال الدوري وان كان فريق الاتحاد قد خدمه اتحاد الكرة الفاشل لدينا في جدولة الدوري من خلال انه لم يتبق له سوى مباراتين فقط من العيار الثقيل وكلاهما على استاد جدة وفي الاسبوعين الاخيرين للدوري مع الشباب والاخيره مع الزعيم الا انني متفائل بقدرة الزعيم على القيام بعادته في قلب الطاولة والتي ستقع هذه المرة على سمو الرئيس ونائبه باذن الله |
أضم صوتي لك .. وأقول خلنا نركز على ولي العهـد ..! |
الموسم اللي راح فزنا على الاهلي و الشباب و الاتحاد ذهاب و اياب .. و نام الله يصلحك احسلك من الكلام الفاضي .. :) |
إقتباس:
كلامك صحيح وعين الصوآآآآآب:clapping: :clapping: :clapping: :clapping: :clapping: |
تفألوا بالخير تجدوه |
أخوي الله يهديك شايف الهلال فريق صغير تقول ما راح يفوز عالاتحاد والاهلي وحتى الشباب مع احترامي لك شجع الفريق الفقراوي أحسن لك |
علي اي اساس بنيت هذا !؟؟ -- اذا هي مشكلة ثقة -- ثقوا بنجومكم -- تأتي البطولات -- |
خلك واثق من فريقك |
اعتقد ما فيه مع الزعيم مستحيل بإذن الله انشاء الله يحققها كلها بإذن الله تعالى |
اللي يسمع كلامك ؟؟ يقول منهم هالفرق00؟؟ الشباب الاتحاد الاهلي00؟؟ انت تتكلم عن الهلال عن الزعيم00 عارف وش معنى الزعيم يعني زعيم الكل00 يعني الفرق المذكورة هي من تتحرى وتنتظر مقابلة الزعيم واعداد العدة له00 ماعليش حبيبي قسم بالله اول موضوع بالمنتدى يرفع ظغطي00؟ هل يفوز الهلال على 000000؟؟ الاهلي سبق وان اعطيناه صك بالهزائم والاتحاد معقدينه بالسنوات الاخيرة والشباب رحل عنهم سامي وجاء ياسر يادبهم 00 حرام عليك تطرح هذا الموضوع ولك في فالنسيا ومانشستر عبرة قسم بالله منقهر من موضوعك مع السلامة |
يعني لو كان كل فريق لاعب مبارياته بالتساوي كان ما ضنيت هالحسابات موجودة. ولكن للاسف اتحاد القدم مقدم مباريات كثيره للاتحاد لاجل وضع الفريق بالمقدمة. فوز الهلال على الاهلي في المباراة القادمة سيجعل الهلال 50% قريب من الدوري. ما يجعل الهلال قريب من الدوري هو اسناد باقي المباريات لحكام اجانب و ليس تقليلا من الحكام السعوديين ولكن ماهو وقته اعتذارات وبلنتيات وايرلس فلقد عانى الهلال منها الامرين. العنيد |
إقتباس:
|
إقتباس:
ياصااحب الموضووع ابغااك ترد على .. تساؤلاتـ هلالي ثنياني .. نحن في انتظاارك |
نتفائل بالخير وانا اقوووول الفوووز ضعيف الا اما الاهلي قوووي الفوووز اما الاتحاد فهو من هزيمه الى تعادل اما الشباااب اقووولهــا وكلي فخر ان الشباااب الاقوى حالياً والله يستر من الشمراني وناجي مجرشي هجووم قووووي ووســط اقووى وبالتوفيق للزعيم |
سبق وان قلت اننا يمكن ان نتحسر على 1- بلنتي ياسر امام الاتحاد 2- بلنتي الوايرلس 3- هزيمة نجران في الدور الاول العنيد |
لو تنظر لها من ناحية المنطق فهي صعبة جدا جدا لاننا على ارضنا انهزمنا من نجران والاهلي وتعادلنا مع الاتحاد والنصر والان الفوز على الاهلي في جدة يعتبر صعب جدا ووالفوز على الاتحاد في جدة يمثل اكبر تحدي حيث ان آخر فوز للهلال على الاتحاد في جدة كان في نهائي 1421 ولكن الكورة ما تعرف المستحيل اذا تواجد لديك مدرب ممتاز ولاعبين يلعبون بروح عالية ممكن نحقق البطولة من الباب الاصعب ولكن تبقى مهمة صعبة |
الله العالم أن كلامك مو سهل بس وين المنطق ياعزيزي ســــــــــامي أحيي فيك النظرة البعيدة والتفكير بالدوري لكن ماذا ينقص الهلال ارجع للوراء قليلا الهلال يلعب أغلب مبارياتة ليس بالفريق الاساسي كاملا ينقصة من لاعبين الى ثلاثة في أغلب مبارياتة - مبارتة مع نجران بالدور الاول خسرها بغلطة حكم ( الهدف الاول تسلل ) علما ان المبارة 90 % ضغط هلالي والهدف الاخر هجمة مردتة - مبارتة مه الاهلي ( لا تعليق ) حتى اكبر المفائلين من الاهلي لم يتوقع التعادل!!!!! - مبارتة مع الاتهاد ( ضيعها ياسر )وكان المستوى أكثر من رائع - مبارة النصر الثانية ( مستوى يشهد لة الجميع ، وبضربة جزاء ضالمة ذهبت الى التعادل) ماذا غيرها أخي ســــــــــــــــــــــامي الا تعلم أن جميع فرق الدوري السعودي ( وهي حقيقة ) تلعب امام الهلال وكانة مبارة ديربي، تشاهد بها الخشونة والعنف ومحاولة إيقاف أكثر من نجم هلالي بالمبارة بإصبتة أو غيرها ليتأثر بها الزعيم منذ بدايت المبارة وحتى لا تؤل النتيجة لصالح الزعيم ! ومع ذلك تجد العزيمة والقوة الضاربة لا تتأثر، بل القطار قادم ولا توقف بإذن الله. فريق الاتهاد هو الفريق الذي يجب أن يحسب له ألف حساب ( الحق يقال، والشهادة لله ) ، في أغلب مباريتة تجدة متقدم بهدف من الشوط الأول ، وفي الثاني يتعادل وقبيل انهاية يتقدم!!!! على ماذا يدل يا أخي العزيز؟ =====> هناك خوف من ملاحقة الهلال، والفوز ولا غيرة للإبتعاد منة. على العموم مشكور على رأيك وأتمنى لك التوفيق. * لا تنسى قبل النوم قراءة أذكار النوم ، وكذلك لا تنسى أن لدى زعيمنا الدعيع والشلهوب والتايب والغامدي والقحطاني والزوري وتفاريس وعزيز و الخثران و القادم الخراشي وغيرهم. لذا عليك أن تنام وانت قرير العين!!! |
بإذن الله الهلال يفوز في جميع مبارياته وان شاء الله الدوري للهلال .. |
تفألوا بالخير تجدوه |
التوفيق بيدالله وانشاالله الدوري هلالي وما فيه شي صعب في عالم كرة القدم والكل يعرف ان الهلال اخذ بطولات عديدة من الأهلي والأتحاد في جده والتاريخ لا يكذب يا ليت تتفائل اخوي وتبتعد عن التشائم في حياتك كلها مو بس في الكوره تحياااتي لك |
إقتباس:
ومشكلتك انت طلعتنا من الدوري وانت ماعندك أسس تستند عليها بس مجرد خوف من المباريات القادمه بالعكس الهلال الموسم هذا مبدع واذا على كبوتين ترا مو دليل على اننا طلعنا من الدوري وياليت تتذكر الموسم اللي راح شلون كان الهلال حاشرهم في أرضهم وبرا ارضهم |
الدوري صعـب هـالسنة .. لكــن ما في شئ مستحيـل .. :: بـأذن الله الدوري هـلاليـ:: |
بالوقفة الصادقة من الجميع لاعبين - ادارة - جـــمــــاهــــيـر نحقق كل محآل يا عزيزي :) دمتَ بخير / |
والله كلامه فيه شوية منطق صح احنا نتفائل بالخير ويارب فعلا ناخذ الدوري بس يمكن نتعثر امام واحد من الفرق القوية لأنها ورا بعض مو مباراة مع الشباب بعدين مباراه مع الحزم لأ مباراة مع الشباب وبعدا او قبلها مباراة مع الاتحاد وبعدهما او قبلهما مباراة مع الاهلي وبعدهم او قبلهم المباراة مع الشباب الثانية كيف نفوز عليهم والجدول فيه مليون خطأ معقوله يخلون النصر يريح مع الفرق الضعيفه بنهاية الموسم وحنا يخلون نهاية الموسم مباريات قويه؟؟؟!!!!!!! يارب نفوز ونقهر كل اللي يحاول يكسر الهلال يارب |
العام الهلال فاز على الفرق هذي في الذهاب والإياب ماعدا الشباب هزمنا في الاياب !! مابيدهورنا الا عدم وجود الثقه في الهلال ولاعبين الهلال !! تفائل بالخير وانا اخوك .. |
وش فيك مكبر الاهلي والاتحاد وكنك تقول فريقنا مو قدهم؟؟؟؟؟؟؟؟؟ |
ليش يالحبيب اللي بيلعب مع الشباب والاهلي والاتحاد هجر ولا ضمك مع الاحترام للفريقين |
للمعلوميه بس ... ترى السنه اللي فاتت الهلآل في جميع مباراياته مع الانديه القويه ( الاتحاد & الاهلي & النصر & الشبآب ) ذهاب واياب كلها صقعناهم .... |
طيب العام الهلال فاز على الاتحاد والأهلي والشباب رايح جاي ليش ما قلت مستحيل !!! |
بإذن الله الدوري هلالي بلا اتحاد بلا شباب بلا أهلي صدقني نجومنا هالسنــة عارفين قيمة الدوري لأنه بصراحة اذا الهلال هالسنة ماحقق بطولة الدوري بالذات.! إنســى البطــولات .! تفائل بالخير تجدهـ |
تفألوا بالخير تجدوه |
يكفي الهلال الفوز على الشباب والاهلي والتعادل مع الاتحاد وليش انت متشائم تفائل بالخير تجده |
تفألوا بالخير تجدوه صحيح ان المبارياة صعبه لاكن بأذن الله الهلال قدها وقدود |
مآ أعتقد نفوز على الإتحاد بـ جده .. لكن ممكن نسويها مع الاهلي .. وإن شاء الله الدوري هلالي .. |
شكلك ماتعرف الهلال زين ياخوي . |
يااخوي نجوم الزعيم والله اذا نوو الفوز والله مايوقف قدامهم احد والله بس لاعيبتنا لو الله يفكهم من الثقة الزائدة كان مااحد يوقف قدامنا واكبر دليل المان وفالنسيا وغيرها الكثير |
يا شباب ياليت تفكرون بعقل ولا تروحون بعيد السنة الماضية هزمنا جميع الفرق النصر والأهلي والاتحاد والشباب ذهاباً وإياباً تتذكرون المهم تذكرون بعدين لا تنسون الزعيم من الدعاء فهو خير وسيلة للدعاء |
.: الهلال إذا عنده روح وفي راسه لعب .: ياشيخ لو تجيبلي نجوم أوربا .: وبعدين الموسم اللي راح في الدوري فزنا على الاهلي في جده .: وفيه موسم من المواسم أيام كماتشو فزنا على الاتحاد 4-2 .: وعلى الاهلي ثلاثه وكلها في جده .: وشباب مايسوي شي قدام الهلال |
انا معك اخوي الهلال ما راح يفوز بالدوري لآن المباريات المتبقية له مباريات مع اقوى واكمل وافضل الفرق لهذا الموسم الأهلي وتعدي طيب والباقي من المباريات ...وهذ الواقع اللي نشاهدة من الهلال بالموسم الحالي يثبت انه غير مؤهل للفوز على هذه الفرق واللي تعتبر افضل مستوى من الهلال . لكن التوفيق بيدين الله.. الجايات اكثر وخيرها بغيرها والله يوفقنا ويوفق هلالنا |
ترا الهلال السنه اللي راحت فاـز على كل الفرق الكبيرهـ ذهاب و إيـاب |
الوقت المعتمد في المنتدى بتوقيت جرينتش +3.
الوقت الان » 05:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd